Gold Rate: ஒரே நாளில் சவரனுக்கு ரூ. 7,600 குறைந்த தங்கம் விலை.. ஒரு சவரன் எவ்வளவு தெரியுமா?

Updated: Friday, January 30, 2026, 15:53 [IST]

Subscribe to Oneindia Tamil

சென்னை: சென்னையில் ஜனவரி 30-ஆம் தேதியான இன்று தங்கம் விலை (Gold Rate) சவரனுக்கு ரூ. 4,800 குறைந்து ஒரு சவரன் ரூ. 1,29,600 -க்கு விற்பனையானது. தற்போது, மேலும் ரூ.2800 குறைந்துள்ளதால் பொதுமக்கள் மகிழ்ச்சி அடைந்துள்ளனர். ஒரே நாளில் சவரனுக்கு ரூ. 7,600 குறைந்து ரூ. 1,26,800க்கு விற்பனையாகி வருகிறது. கிராமிற்கு ரூ. 950 குறைந்து 15,850க்கு விற்பனை செய்யப்படுகிறது.

தங்கம் விலை நாளுக்கு நாள் தொடர்ந்து அதிகரித்து வருகிறது. மிடில் கிளாஸ் மக்கள் எல்லாம் இனி தங்கம் வாங்கவே முடியாது என்கிற நிலை உருவாகியுள்ளது. சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. ரஷ்யா மீது அமெரிக்கா விதித்த தடைகள், சீனா- இந்தியா மீதான வரி உயர்வுகள், மத்திய கிழக்கு நாடுகளின் போர் பதற்றங்கள் போன்றவையால் அனைத்து நாடுகளும் தங்கத்தை வாங்கி குவித்து வருகின்றனர்.

ஏற்றுமதி, இறக்குமதியை டாலருக்கு பதிலாக தங்கத்தின் அடிப்படையில் நடத்தலாம் என்ற முடிவுக்கு மற்ற நாடுகள் வந்துவிட்டன. இதனால் தங்கம் விலையில் ஏற்றம் இருந்தது. கடந்த டிசம்பர் மாதம் தங்கத்தின் விலை குறைந்தபட்சமாக 4 ஆம் தேதி ஒரு சவரன் ரூ 96,160-க்கு விற்பனையாகியுள்ளது. அதிகபட்சமாக 30-ஆம் தேதி ஒரு சவரன் ரூ. 1,00,800- க்கு விற்பனையானது.

சென்னையில் ஜனவரி 29-ஆம் தேதியான நேற்று தங்கம் விலை சவரனுக்கு ரூ. 9520 உயர்ந்து ஒரு சவரன் ரூ 1,34,400 -க்கும், கிராமுக்கு ரூ 1190 உயர்ந்து ஒரு கிராம் ரூ. 16,800-க்கும் விற்பனையானது. அது போல் வெள்ளியின் விலை கிராமுக்கு ரூ 25 உயர்ந்து ஒரு கிராம் ரூ 425-க்கும், ஒரு கிலோ வெள்ளி ரூ 4,25,000-க்கும் விற்பனையானது.

இந்நிலையில், சென்னையில் ஜனவரி 30-ஆம் தேதியான இன்று தங்கம் விலை சவரனுக்கு ரூ. 4,800 குறைந்து ஒரு சவரன் ரூ. 1,29,600-க்கும், கிராமுக்கு ரூ. 600 குறைந்து ஒரு கிராம் ரூ. 16,200-க்கும் விற்பனையானது. அது போல் வெள்ளியின் விலை கிராமுக்கு ரூ. 10 குறைந்து ஒரு கிராம் ரூ.415-க்கும், ஒரு கிலோ வெள்ளி கிலோவுக்கு ரூ. 10 ஆயிரம் குறைந்து கிலோ ரூ. 4,15,000-க்கும் விற்பனையானது. கிராமிற்கு 10 குறைந்து ஒரு கிராம் ரூ. 415க்கு விற்பனையானது.

இதைத்தொடர்ந்து, தங்கம் விலை காலையில் சவரனுக்கு ரூ. 4,800 குறைந்த நிலையில், தற்போது மேலும் ரூ.2,800 குறைந்துள்ளது. ஒரே நாளில் சவரனுக்கு ரூ. 7,600 குறைந்து ரூ. 1,26800க்கு விற்பனையாகி வருகிறது. தங்கம் கிராமிற்கு ரூ. 950 குறைந்து 15,850க்கு விற்பனையாகிறது.