Gold Rate: காலையில் குறைந்த தங்கம் இன்று மாலையில் கிடுகிடுவென அதிகரிப்பு.. புதிய உச்சத்தில் விலை

Updated: Friday, October 3, 2025, 17:22 [IST]

Subscribe to Oneindia Tamil

சென்னை: சென்னையில் தங்கத்தின் விலை இன்று (அக்டோபர் 3) காலையில் சவரனுக்கு ரூ 880 குறைந்த நிலையில் மாலையில் திடீரென்று அதிகரித்துள்ளது. மாலையில் சவரனுக்கு ரூ.480 வரை உயர்ந்து ஒரு சவரன் தங்கம் ரூ.87,200க்கு விற்பனையாகிறது. ஒரு கிராம் தங்கம் ரூ.60 உயர்ந்து ரூ.10,900க்கு விற்பனையாகிறது.

சர்வதேச சந்தை நிலவரத்தை பொறுத்து தங்கத்தின் விலை தினமும் மாறி மாறி வருகிறது. கடந்த 4 வாரங்களாக தங்கம் விலை தினமும் கிடுகிடுவென அதிகரித்து புதிய உச்சம் தொட்டுள்ளது. இதுவரை இல்லாத அளவுக்கு தங்கம் விலை சவரனுக்கு ரூ.80 ஆயிரம், ரூ.85 ஆயிரத்தை கடந்து பயணித்து வருகிறது.

இந்நிலையில் தான் நேற்று சென்னையில் ஒரு கிராம் தங்கம் ரூ.10,950க்கு விற்பனையானது. ஒரு பவுன் தங்கம் ரூ.87,600க்கு விற்பனையானது. இன்று காலையில் தங்கத்தின் விலை சரிவை சந்தித்தது. சவரனுக்கு ரூ.880 வரை தங்கம் விலை சரிவை சந்தித்தது. இதனால் ஒரு சவரன் தங்கம் ரூ.86,720 ஆக குறைந்தது. அதேபோல் ஒரு கிராம் தங்கம் ரூ.110 வரை குறைந்து ரூ.10,840 க்கு விற்பனையானது.

தொடர்ந்து உயர்ந்து வந்த தங்கம் இன்று சரிவை சந்தித்ததால் நகை பிரியர்கள் கொஞ்சம் நிம்மதியடைந்தனர். ஆனால் இந்த நிம்மதி நீண்டநேரம் நீடிக்கவில்லை. ஏனென்றால் இன்று மாலையில் தங்கம் விலையில் 2வது முறையாக மாற்றம் ஏற்பட்டது. காலையில் குறைந்த தங்கம் விலை இன்று மாலையில் மீண்டும் அதிகரித்தது.

தங்கம் விலை இன்று மாலையில் சவரனுக்கு ரூ.480 வரை அதிகரித்தது. இதனால் சென்னையில் ஒரு சவரன் தங்கம் ரூ.87,200க்கு விற்பனையாகிறது. அதேபோல் ஒரு கிராம் தங்கம் ரூ.60 உயர்ந்து ரூ.10,900க்கு விற்பனையாகிறது. இன்று காலையில் சவரனுக்கு ரூ.880 வரை தங்கம் விலை சரிந்த நிலையில் மாலையில் ரூ.480 வரை அதிகரித்துள்ளது.