Gold Rate: இந்த சன்டே மட்டும் குறுக்கே வராம இருந்திருந்தா..! தங்கம் விலை இன்னும் குறைஞ்சிருக்குமே!

Updated: Sunday, March 22, 2026, 10:03 [IST]

Subscribe to Oneindia Tamil

சென்னை: சென்னையில் மார்ச் மாதம் 22-ஆம் தேதியான இன்று தங்கம் விலை, ஞாயிற்றுக்கிழமை மார்க்கெட் விடுமுறை என்பதால் சவரன் ரூ 1,08,960-க்கும், ஒரு கிராம் ரூ. 13,620-க்கும் விற்பனையாகிறது. வெள்ளியின் விலை ஒரு கிராம் ரூ 250-க்கும், ஒரு கிலோ வெள்ளி ரூ 2,50,000-க்கும் விற்பனையாகிறது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதற்கு காரணமாக ரஷ்யா மீது அமெரிக்கா விதித்த தடைகள், சீனா- இந்தியா மீதான வரி உயர்வுகள், மத்திய கிழக்கு நாடுகளின் போர் பதற்றங்கள் போன்றவையால் அனைத்து நாடுகளும் தங்கத்தை வாங்கி குவிக்கிறார்கள்.

கடந்த ஒரு வாரமாக ஈரான் மீது இஸ்ரேல், அமெரிக்கா வான்வழித் தாக்குதல் நடத்தி வருகிறது. அந்த வாரத்தில் ஞாயிற்றுக்கிழமையிலும் தங்கம் விலை உயர்ந்தது. ஆனால் அண்மைக்காலமாக தங்கத்தின் விலை சரிவை சந்தித்துள்ளது.

கடந்த பிப்ரவரி மாதம் தங்கத்தின் விலை குறைந்தபட்சமாக 2 ஆம் தேதி ஒரு சவரன் ரூ 1,11,600-க்கு விற்பனையாகியுள்ளது. அதிகபட்சமாக 28-ஆம் தேதி ஒரு சவரன் ரூ. 1,24,400- க்கு விற்பனையானது.

சென்னையில் மார்ச் மாதம் 22-ஆம் தேதியான இன்று ஞாயிற்றுக்கிழமை மார்க்கெட் விடுமுறை என்பதால் தங்கம் விலை, சவரன் ரூ 1,08,960-க்கும், ஒரு கிராம் ரூ. 13,620-க்கும் விற்பனையாகிறது. வெள்ளியின் விலை ஒரு கிராம் ரூ 250-க்கும், ஒரு கிலோ வெள்ளி ரூ 2,50,000-க்கும் விற்பனையாகிறது.

கடந்த ஒரு வாரமாக தங்கம் விலை குறைந்த நிலையில் நேற்று முன்தினம் உயர்ந்தது. நேற்றைய தினம் அதிக அளவில் குறைந்துள்ளது. இன்று மட்டும் ஞாயிற்றுக்கிழமை இல்லாவிட்டால் இன்றும் நகை குறைந்திருக்கும் என நகைப் பிரியர்கள் கருதுகிறார்கள்.

இதுகுறித்து தங்கம் நகை வணிகர் சங்கத்தின் தலைவர் ஜெயந்திலால் கூறியிருப்பதாவது: ஈரான் போர் காரணமாக இது போல் விலையேறுவதும் இறங்குவதுமாக இருக்கும். கச்சா எண்ணெய் உயர்வால் தற்போது சர்வதேச சந்தையில் முதலீட்டாளர்கள் தங்கத்தை விற்பனை செய்து வருகிறார்கள். இனியும் இது போல் விலை குறையும், ஆனால் கடந்த ஆண்டை போல் குறையுமா என்றால் இல்லை! என தெரிவித்திருந்தார்.

மார்ச் 1 ஆம் தேதி முதல் தங்கத்தின் விலையை பார்க்கலாம்:

22.03.2026- ஒரு சவரன் ரூ.1,08,960

21.03.2026- ஒரு சவரன் ரூ.1,08,960

20.03.2026- ஒரு சவரன் ரூ.1,11,600

19.03.2026- ஒரு சவரன் ரூ.1,11,200 (மாலை)

19.03.2026- ஒரு சவரன் ரூ.1,14,400 (காலை)

18.03.2026- ஒரு சவரன் ரூ.1,16,560

17.03.2026- ஒரு சவரன் ரூ.1,17,200

16.03.2026- ஒரு சவரன் ரூ.1,17,680

15.03.2026- ஒரு சவரன் ரூ.1,18,080

14.03.2026- ஒரு சவரன் ரூ.1,18,080

13.03.2026- ஒரு சவரன் ரூ.1,19,200