Gold Rate: வரலாறு காணாத உச்சத்தில் தங்கம் விலை! ஒரே நாளில் சவரனுக்கு ரூ 3600 உயர்வு

Updated: Friday, January 23, 2026, 11:04 [IST]

Subscribe to Oneindia Tamil

சென்னை: சென்னையில் ஜனவரி 23-ஆம் தேதியான இன்று தங்கம் விலை (Gold Rate) சவரனுக்கு ரூ 3600 உயர்ந்து ஒரு சவரன் ரூ 1,17,200 -க்கும், கிராமுக்கு ரூ 450 உயர்ந்து ஒரு கிராம் ரூ. 14,650-க்கும் விற்பனையாகிறது. அது போல் வெள்ளியின் விலை கிராமுக்கு ரூ 20 உயர்ந்து ஒரு கிராம் ரூ 360-க்கும், கிலோவுக்கு ரூ 20000 உயர்ந்து ஒரு கிலோ வெள்ளி ரூ 3,60,000-க்கும் விற்பனையாகிறது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதற்கு காரணமாக ரஷ்யா மீது அமெரிக்கா விதித்த தடைகள், சீனா- இந்தியா மீதான வரி உயர்வுகள், மத்திய கிழக்கு நாடுகளின் போர் பதற்றங்கள் போன்றவையால்
அனைத்து நாடுகளும் தங்கத்தை வாங்கி குவிக்கிறார்கள். ஏற்றுமதி, இறக்குமதியை டாலருக்கு பதிலாக தங்கத்தின் அடிப்படையில் நடத்தலாம் என்ற முடிவுக்கு மற்ற நாடுகள் வந்துவிட்டன. இதனால் தங்கம் விலையில் ஏற்றம் இருந்தது.

கடந்த டிசம்பர் மாதம் தங்கத்தின் விலை குறைந்தபட்சமாக 4 ஆம் தேதி ஒரு சவரன் ரூ 96,160-க்கு விற்பனையாகியுள்ளது. அதிகபட்சமாக 30-ஆம் தேதி ஒரு சவரன் ரூ. 1,00,800- க்கு விற்பனையானது.

ஜனவரி 23-ஆம் தேதியான இன்று தங்கம் விலை சவரனுக்கு ரூ 3600 உயர்ந்து ஒரு சவரன் ரூ 1,17,200 -க்கும், கிராமுக்கு ரூ 450 உயர்ந்து ஒரு கிராம் ரூ. 14,650-க்கும் விற்பனையாகிறது. அது போல் வெள்ளியின் விலை கிராமுக்கு ரூ 20 உயர்ந்து ஒரு கிராம் ரூ 360-க்கும், கிலோவுக்கு ரூ 20000 உயர்ந்து ஒரு கிலோ வெள்ளி ரூ 3,60,000-க்கும் விற்பனையாகிறது.

வெனிசுலா மீது அமெரிக்கா தாக்குதல் நடத்தியதோடு, வெனிசுலா அதிபர் நிக்கோலஸ் மதுரோ மற்றும் அவரது மனைவியை சிறை பிடித்துள்ளதால் தங்கம், வெள்ளி விலை உயர்ந்து வந்தன. தற்போது கிரீன்லாந்து விவகாரம் பெரிய அளவில் பார்க்கப்படுகிறது.

கடந்த சில நாட்களாக உயர்ந்து வந்த தங்கத்தின் விலை, டிரம்ப் சொன்ன விஷயத்திற்காக நேற்று குறைந்திருந்தது. அதாவது கிரீன்லாந்து மீது ராணுவ நடவடிக்கை எடுக்கப் போவதில்லை (போர் இல்லை), வரி இல்லை என அமெரிக்க அதிபர் டிரம்ப் பேசியிருந்ததால் பங்கு சந்தைகள் ஏற்றத்தை கண்டு தங்கம் விலை இறங்கியது. இதன் தாக்கம் இன்றும் எதிரொலிக்குமா என்ற எதிர்பார்ப்பு எழுந்தது. ஆனால் தங்கம் விலை இன்று வரலாறு காணாத அளவுக்கு புதிய உச்சத்தை பெற்றது.