Gold Rate Today: தங்கம் விலை வரலாற்றில் புதிய உச்சம்! இப்படியே போனால் டிசம்பரில் 1 லட்சமாகிடுமோ?

சென்னை: சென்னையில் தங்கத்தின் விலை இன்று (செப்டம்பர் 2) சவரனுக்கு ரூ 160 உயர்ந்து ஒரு சவரன் ரூ 78,000-க்கு விற்பனையாகிறது. அது போல் ஒரு கிராம் ரூ 9,725-க்கு விற்கப்படுகிறது. அது போல் வெள்ளியின் விலை ஒரு கிராம் ரூ 136-க்கு விற்பனை செய்யப்படுகிறது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதன் விலை ஏறவும் செய்கிறது. இறங்கவும் செய்கிறது. இதற்கு காரணமாக அமெரிக்கா அதிபராக டிரம்ப் பதவியேற்றது, உலகில் பல்வேறு இடங்களில் நடக்கும் போர் உள்ளிட்டவைகளால் தங்கம் விலை அதிகரித்து வருகிறது.

கடந்த ஆகஸ்ட் மாதம் தங்கத்தின் விலை குறைந்தபட்சமாக 1 ஆம் தேதி ஒரு சவரன் ரூ.73,200-க்கு விற்பனையாகியுள்ளது. அதிகபட்சமாக 30, 31 ஆகிய தேதிகளில் ஒரு சவரன் ரூ. 76,960- க்கு விற்பனையானது. கடந்த ஆகஸ்ட் மாதத்தின் தொடக்கத்தில் சவரன் ரூ 73 ஆயிரத்தை தாண்டிய நிலையில் முடிவில் ரூ 76 ஆயிரத்தை தாண்டியது.

செப்டம்பர் 2 ஆம் தேதியான இன்று தங்கம் விலை கிராமுக்கு ரூ 20 உயர்ந்து ஒரு கிராம் ரூ 9,725-க்கும், சவரனுக்கு ரூ. 160 உயர்ந்து ஒரு சவரன் ரூ 78,000-க்கும் விற்பனை செய்யப்படுகிறது.

செப்டம்பர் 1 ஆம் தேதி முதல் தங்கத்தின் விலையை பார்க்கலாம்:

02.09.2025-ஒரு சவரன் ரூ.78,000

01.09.2025-ஒரு சவரன் ரூ.77,640

31.08.2025-ஒரு சவரன் ரூ.76,960

30.08.2025-ஒரு சவரன் ரூ.76,960

29.08.2025-ஒரு சவரன் ரூ.75,760

28.08.2025-ஒரு சவரன் ரூ.75,240

27.08.2025-ஒரு சவரன் ரூ.75,120