Gold Rate Today: எகிறிய தங்கம் விலை! மார்க்கெட் திறந்ததுமே இப்படியான அதிர்ச்சியா?

சென்னை: சென்னையில் தங்கத்தின் விலை இன்று (மே 5) சவரனுக்கு ரூ 160 உயர்ந்து ஒரு சவரன் ரூ 70,200-க்கு விற்பனையாகிறது. கடந்த இரு நாளில் தங்கம் விலை சவரனுக்கு ரூ 1,800 குறைந்துள்ளது.

சர்வதேச பொருளாதார சந்தைகளில் தங்கத்தின் விலை மாறிக் கொண்டே வருகிறது. இதன் விலை ஏறவும் செய்கிறது. இறங்கவும் செய்கிறது. அமெரிக்க அதிபராக டிரம்ப் பதவியேற்றது, உலகில் பல்வேறு இடங்களில் நடக்கும் போர் உள்ளிட்டவைகளால் தங்கம் விலை அதிகரித்து வருகிறது.

இந்த ஆண்டு முதலே தங்கத்தின் விலை அதிகளவில் ஏற்றம் கண்டு வந்த நிலையில் கடந்த ஏப்ரல் 12 ஆம் தேதி தங்கம் விலை சவரன் ரூ 70 ஆயிரத்தை தாண்டியது.

கடந்த ஏப்ரல் மாதம் தங்கத்தின் விலை குறைந்தபட்சமாக ஏப்ரல் 8ஆம் தேதி ரூ 65,800-க்கு விற்பனையாகியுள்ளது. அதிகபட்சமாக கடந்த 22 ஆம் தேதி ரூ 74,320-க்கு விற்பனை செய்யப்பட்டிருந்தது.

ஏப்ரல் 30-ஆம் தேதி அட்சய திருதியை அன்று ஒரு கிராம் தங்கம் ரூ 8,980-க்கும் சவரன் ரூ 71,840-க்கும் விற்பனை செய்யப்பட்டது. இந்த நிலையில் மே 1 ஆம் தேதி தங்கத்தின் விலை சவரனுக்கு ரூ.1,640 சரிந்து ஒரு சவரன் ரூ.70,200க்கு விற்பனை செய்யப்பட்டது. கிராமுக்கு ரூ.205 சரிந்து, ஒரு கிராம் ரூ.8,775க்கு விற்பனையானது.

மே 5 ஆம் தேதியான இன்று தங்கத்தின் விலை சவரனுக்கு ரூ 160 உயர்ந்துள்ளது. இதனால் தங்கம் விலை ஒரு கிராம் ரூ 8,775-க்கும் ஒரு சவரன் ரூ 70,200-க்கும் விற்பனை செய்யப்படுகிறது.

கடந்த மே 1 ஆம் தேதி முதல் தங்கத்தின் விலையை பார்க்கலாம்:

05.05.2025- ஒரு சவரன் ரூ.70,200
04.05.2025- ஒரு சவரன் ரூ.70,040
03.05.2025- ஒரு சவரன் ரூ.70,040
02.05.2025- ஒரு சவரன் ரூ.70,040
01.05.2025- ஒரு சவரன் ரூ.70,200

English summary

Gold Rate Today (தங்கம் விலை இன்று) [5th May 2025]: சென்னையில் தங்கத்தின் விலை இன்று (மே 5) சவரனுக்கு ரூ 160 உயர்ந்து ஒரு கிராம் தங்கம் ரூ 8,775-க்கு விற்பனை செய்யப்படுகிறது. அது போல் ஒரு சவரன் ரூ 70,200-க்கு விற்பனையாகிறது.