தங்கம் வாங்க போனவங்களுக்கு ஷாக்.. இரவோடு இரவாக செம சம்பவம்.. எக்ஸ்பர்ட் சொன்ன மாதிரியே நடக்குதே

சென்னை: அமெரிக்காவில் நேற்று (இந்திய நேரப்படி நேற்று இரவு) தங்கத்தின் விலை 2 சதவீதத்திற்கும் மேலாக உயர்ந்தன. MCX தங்கம் 2.14 சதவீதம் அதிகரித்து 10 கிராமுக்கு ₹94,615 ஆக வர்த்தகம் செய்யப்பட்டன. இதனால் சென்னை நகரில் இன்று 1 கிராம் 24 கேரட் தங்கம் விலை ₹9,574 ஆக உள்ளது, இதேபோல் 1 கிராம் 22 கேரட் தங்கம் விலை ₹8,776 ஆகவும், 1 கிராம் 18 கேரட் தங்கம் விலை ₹7,251 ஆகவும் உள்ளது.

தங்கம் விலை சரியும் என்று பலரும் கணித்து இருந்தனர். ஆனால் தங்கத்தின் விலை சரியாது கண்டிப்பாக உயரும் என்று Rich Dad Poor Dad என்ற புத்தகத்தின் ஆசிரியர் ராபர்ட் கியோசாகி தெரிவித்துள்ளார். தங்கத்தின் விலை 10 மடங்கு உயரப்போவதாக ராபர்ட் கியோசாகி தெரிவித்துள்ளார்.

அதிகம் விற்பனையாகி உலக அளவில் சாதனை படைத்த நிதி நிர்வாக புத்தகமான Rich Dad Poor Dad என்ற புத்தகத்தின் ஆசிரியர் ராபர்ட் கியோசாகி தங்கம் விலை குறித்து தைரியமாக கணித்துள்ளார், 2035-ம் ஆண்டுக்குள் பிட்காயின் $1 மில்லியனைத் தாண்டும், தங்கம் அவுன்ஸ் ஒன்றுக்கு $30,000 ஆக இருக்கும். வெள்ளி 2035-ம் ஆண்டுக்குள் ஒரு நாணயத்திற்கு $3,000-ஐ எட்டும் என்று கணித்துள்ளார்.

என்னிடம் ஏற்கனவே நிறைய வெள்ளி உள்ளது. வெள்ளி தங்கம் கொஞ்சம் இருந்தாலும் சேமித்து வையுங்கள். அதுதான் முக்கியம். வெள்ளியில் முதலீடு செய்ய நீங்கள் பணக்காரராக இருக்க வேண்டியதில்லை. உலகில் உள்ள அனைவராலும் குறைந்தபட்சம் 1 அவுன்ஸ் வெள்ளி வாங்க முடியும். வெள்ளி வாங்க வாங்க உங்கள் வாழ்க்கை மாறும். போலியான காகிதப் பணத்தைச் சேமிப்பதை விட வெள்ளியைச் சேமியுங்கள். தங்கம், சில்வர் மற்றும் பிட்காயின் ஆகியவற்றில் ஒன்றில் முதலீடு செய்பவர்களே புத்திசாலிகள்.

முட்டாள்களாக இருக்காதீர்கள். தங்கம், வெள்ளி மற்றும் பிட்காயின் சேமிக்கவும், என்று Rich Dad Poor Dad என்ற புத்தகத்தின் ஆசிரியர் ராபர்ட் கியோசாகி தெரிவித்து இருந்தார்.

உலகளாவிய தரகு நிறுவனமான கோல்ட்மேன் சாக்ஸ் தங்கத்தின் விலை இலக்கை அவுன்ஸ் ஒன்றுக்கு $3,300லிருந்து $3,700 ஆக உயர்த்தியுள்ளது. சமயத்தில் தங்கத்தின் விலை அவுன்ஸ் ஒன்றுக்கு 4,500 டாலர்களைத் தொடும் என்று கோல்ட்மேன் சாக்ஸ் கணித்துள்ளது. பொதுவாக இந்த நிறுவனத்தின் கணிப்புகள் தங்கம் விலையில் துல்லியமாக இருக்கும். இவர்களே $3,700 என்று சொல்வதால் 10 கிராம் தங்கம் இந்திய மதிப்பில் ரூ.1 லட்சத்தை அடையும் வாய்ப்புகள் அதிகம் உள்ளன.

தங்கம் விலை உயரும்:

இவர்கள் சொன்னது போலவே தங்கத்தின் விலை இரவோடு இரவாக உயர தொடங்கி உள்ளது. அமெரிக்காவில் நேற்று (இந்திய நேரப்படி நேற்று இரவு) தங்கத்தின் விலை 2 சதவீதத்திற்கும் மேலாக உயர்ந்தன. MCX தங்கம் 2.14 சதவீதம் அதிகரித்து 10 கிராமுக்கு ₹94,615 ஆக வர்த்தகம் செய்யப்பட்டன. முக்கியமாக தங்கம் வாங்க சரியான நேரம் இதுதான் என்று பொருளாதார வல்லுனர்கள் தெரிவிக்கின்றனர்.

தற்போது தங்கம் விலை இரண்டு வாரங்களாக குறைவதால் தங்கம் கொஞ்சம் குறைவான விலையில் கிடைக்கும். இப்போது விலை குறைந்தாலும் வரும் நாட்களில் தங்கத்தின் விலை கண்டிப்பாக உயரும். எதிர்காலத்தில் தங்கத்தின் விலை கண்டிப்பாக உயரும். அதனால் இப்போது இரண்டு வாரங்களாக விலை குறையும் போதே அதை வாங்கிக்கொள்வது சரியாக இருக்கும்.

English summary

Gold rate of MCX increases overnight in USA market: How it will affect India?