வரலாற்றில் அபூர்வமாக நடக்கும் சம்பவம்! அமெரிக்காவில் ஒரே இரவில் ட்விஸ்ட்! தங்கம் விலையில் செம சேஞ்ச்

நியூயார்க்: அமெரிக்காவில் வேலைவாய்ப்பு தரவுகள் நேற்று பாசிட்டிவ்வாக வந்தபோதிலும், முதலீட்டாளர்கள் நீண்ட கால லாபத்தைக் கருதி தங்கத்தை அதிகளவில் வாங்கியதால், புதன்கிழமை தங்கம் விலை 1% மேல் அதிகரித்தது.

சர்வதேச சந்தையில் வர்த்தக முடிவில், ஒரு அவுன்ஸ் தங்கம் 1.25% உயர்ந்து 5,085.93 டாலராக விற்பனையானது. இந்திய மதிப்பில் தங்கம் விலை தொடர்ந்து ஏறுமுகமாகவே உள்ளது.

என்ன நடந்தது? (எளிமையான விளக்கம்)

பொதுவாக, ஒரு நாட்டின் பொருளாதாரம் வலுவாக இருந்தால் (அதாவது அதிக பேருக்கு வேலை கிடைத்தால்), மக்கள் பணத்தை வங்கிகளில் முதலீடு செய்வார்கள் அல்லது டாலர் மதிப்பு உயரும். அப்போது தங்கம் விலை குறைய வேண்டும்.

ஆனால், தற்போதைய சூழலில் அமெரிக்காவில் வேலைவாய்ப்பு அதிகரித்திருந்தாலும், முதலீட்டாளர்கள் தங்கத்தை ஒரு பாதுகாப்பான முதலீடாக பார்க்கிறார்கள். அதாவது அமெரிக்காவில் வேலைவாய்ப்பு தரவுகள் நேற்று பாசிட்டிவ்வாக வந்தபோதிலும், முதலீட்டாளர்கள் நீண்ட கால லாபத்தைக் கருதி தங்கத்தை அதிகளவில் வாங்கியதால், புதன்கிழமை தங்கம் விலை 1% மேல் அதிகரித்தது.

உதாரணமாக: உங்களுக்கு ஒரு வேலை கிடைத்து சம்பளம் வருகிறது என்று வைத்துக்கொள்வோம். அதே சமயம் விலைவாசியும் உயர்கிறது, எதிர்காலத்தில் என்ன நடக்கும் என்ற பயமும் இருக்கிறது என்றால், நீங்கள் பணத்தை கையில் வைப்பதை விட 'தங்கமாக' மாற்றி வைப்பதே புத்திசாலித்தனம் என்று நினைப்பீர்கள் அல்லவா? பொதுவாக வேலைவாய்ப்பு குறைந்தால் தங்கம் விலை அதிகரிக்கும். வேலைவாய்ப்பு அதிகரித்தால் தங்கள் விலை குறையும்.

ஆனால் இந்த முறை தலைகீழாக உலக அளவில் நடந்து வருகிறது. வேலைவாய்ப்பு நன்றாக இருந்தாலும் கூட எனோ மக்கள் தங்கத்தில் முதலீடு செய்கிறார்கள்.

இது பொதுவாக நடக்காத விஷயம். மிக அபூர்வமாக நடக்க கூடிய விஷயம். ஆனால் அமெரிக்காவில் இந்த முறை நடந்து உள்ளது. இதனால் தங்கம் விலை வேகமாக ஏற தொடங்கி உள்ளது.

வேலைவாய்ப்பிற்கு இடையே - தங்கம் விலை உயர முக்கிய காரணங்கள்:

மத்திய வங்கிகளின் ஆர்வம்: பல்வேறு நாடுகளின் மத்திய வங்கிகள் தங்களது இருப்பில் தங்கத்தை அதிகளவில் சேர்த்து வருகின்றன.

அரசியல் மாற்றங்கள்: அமெரிக்காவில் புதிய ஃபெடரல் ரிசர்வ் தலைவர் நியமனம் மற்றும் உலக நாடுகளுக்கு இடையே நிலவும் போர் பதற்றங்கள் தங்கத்தின் மீதான நம்பிக்கையை அதிகரித்துள்ளன.

பொருளாதார மந்தநிலை பயம்: கடந்த டிசம்பர் மாத விற்பனை புள்ளிவிவரங்கள் எதிர்பார்த்த அளவு இல்லாததால், பொருளாதாரம் மெதுவாகவே வளரும் என்ற அச்சம் எழுந்துள்ளது.

மற்ற உலோகங்களின் நிலை:

தங்கத்தைப் போலவே மற்ற விலை உயர்ந்த உலோகங்களின் விலையும் இன்று கணிசமாக உயர்ந்தது:

வெள்ளி: 4.6% உயர்ந்து ஒரு அவுன்ஸ் 84.43 டாலராக விற்பனையானது. எதிர்பார்த்ததை விட அதிகமாக வெள்ளி விலை அதிகரித்துள்ளது.

பிளாட்டினம்: 2.8% விலை அதிகரித்தது. எதிர்பார்த்ததை விட அதிகமாக பிளாட்டினம் விலை அதிகரித்துள்ளது.

தங்கம் விலை - அடுத்து என்ன?

முதலீட்டாளர்கள் அனைவரும் இப்போது வெள்ளிக்கிழமை வரப்போகும் நுகர்வோர் விலை குறியீடு (CPI) தகவலுக்காகக் காத்திருக்கின்றனர். இதில் விலைவாசி உயர்வு குறித்த தரவுகள் வெளியானால், தங்கம் விலை மேலும் மாற்றத்தைச் சந்திக்கலாம்.

English summary

Gold Surges Past $5,000 as Long-Term Demand Overcomes Robust U.S. Jobs Report