தங்கம்.. தங்கம்.. தேடி வரும் பல லட்சம் லாபம்.. ரிசர்வ் வங்கி மிக முக்கிய அறிவிப்பு.. தரமான முடிவு
மும்பை: முமத்திய ரிசர்வ் வங்கி (RBI), 2026 ஏப்ரல் முதல் செப்டம்பர் வரையிலான காலப்பகுதியில் முன்கூட்டியே பணமாக்கக்கூடிய (Premature Redemption) சவரன் கோல்ட் பாண்ட் (SGB) குறித்த விரிவான கால அட்டவணையை வெளியிட்டுள்ளது. நேற்று இரவு வெளியான இந்த அறிவிப்பு, தங்கப் பத்திரங்களில் முதலீடு செய்துள்ளவர்களுக்கு மிகவும் முக்கியமான ஒன்றாகக் கருதப்படுகிறது.
சாதாரணமாக இந்த பத்திரங்களின் முதிர்வு காலம் 8 ஆண்டுகள் என்றாலும், 5 ஆண்டுகளுக்குப் பிறகு முதலீட்டாளர்கள் தங்களின் முதலீட்டைத் திரும்பப் பெற RBI அனுமதி அளிக்கிறது. இதற்கான பிரத்யேக 'விண்டோ' தேதிகளை தற்போது வங்கி அறிவித்துள்ளது.
ஜூலை மற்றும் ஆகஸ்ட் மாதங்களில் அதிக மீட்பு வாய்ப்புகள்
இந்த அரையாண்டு காலண்டர் படி, மொத்தம் 33 சீரிஸ்கள் (Tranches) முன்கூட்டியே பணமாக்க தகுதியானவை எனத் தெரியவந்துள்ளது. குறிப்பாக, வரும் ஜூலை 2026 மாதத்தில் மட்டும் அதிகபட்சமாக 8 தேதிகளில் பத்திரங்களை மீட்பதற்கான வாய்ப்புகள் வழங்கப்பட்டுள்ளன. இதனைத் தொடர்ந்து ஆகஸ்ட் மாதத்தில் 6 தேதிகள் ஒதுக்கப்பட்டுள்ளன.
ஏப்ரல், ஜூன் மற்றும் செப்டம்பர் மாதங்களில் தலா 5 மீட்புத் தேதிகளும், மே மாதத்தில் 4 தேதிகளும் பட்டியலிடப்பட்டுள்ளன.
விண்ணப்பிக்கும் காலம்: முதலீட்டாளர்கள் கவனிக்க வேண்டியவை
பத்திரங்களை முன்கூட்டியே பணமாக்க விரும்பும் முதலீட்டாளர்கள், அந்தந்த சீரிஸிற்கான மீட்பு தேதிக்கு (Redemption Date) சுமார் ஒரு மாதத்திற்கு முன்பே விண்ணப்பிக்கத் தொடங்க வேண்டும்.
2018-19 Series II: இதன் மீட்புத் தேதி ஏப்ரல் 23, 2026 ஆகும். இதற்கான விண்ணப்பங்களை மார்ச் 23 முதல் ஏப்ரல் 13-க்குள் சமர்ப்பிக்க வேண்டும்.
2020-21 Series I: ஏப்ரல் 28 அன்று பணமாக்க விரும்பும் முதலீட்டாளர்கள், மார்ச் 28 முதல் ஏப்ரல் 18-க்குள் விண்ணப்பிக்க வேண்டும்.
விண்ணப்பங்களை அந்தந்த வங்கி கிளைகள், போஸ்ட் ஆபீஸ், NSDL/CDSL முகவர்கள் அல்லது RBI ரீடைல் டைரக்ட் இணையதளம் வழியாக ஆன்லைனிலும் சமர்ப்பிக்கலாம்.
வங்கி கணக்கு விவரங்களைச் சரிபார்க்க அறிவுறுத்தல்
முதலீட்டாளர்கள் தங்களின் வங்கி கணக்கு விவரங்கள் (Account Number & IFSC) சரியாக இருப்பதை உறுதி செய்யுமாறு வங்கிகள் அறிவுறுத்தியுள்ளன. இதில் ஏதேனும் பிழைகள் இருந்தால், மீட்புத் தொகை வந்து சேருவதில் தாமதம் ஏற்பட வாய்ப்புள்ளது. மேலும், எதிர்பாராத அரசு விடுமுறை நாட்கள் அறிவிக்கப்பட்டால், இந்த மீட்புத் தேதிகளில் சிறு மாற்றங்கள் இருக்கலாம் என்றும் RBI தெளிவுபடுத்தியுள்ளது.
சரியான நேரத்தில் திட்டமிட்டு விண்ணப்பிப்பதன் மூலம், முதலீட்டாளர்கள் தங்களின் தங்கப் பத்திர முதலீட்டைத் தடையின்றி பணமாக மாற்றிக்கொள்ள முடியும்.
ஏப்ரல் 2026: முக்கிய மீட்புத் தேதிகள் மற்றும் விண்ணப்ப காலக்கெடு
ஏப்ரல் மாதத்தில் மொத்தம் நான்கு SGB சீரிஸ்கள் முன்கூட்டியே பணமாக்க தகுதியுடையவை. முதலீட்டாளர்கள் தங்களின் பத்திரங்களை இந்தத் தேதிகளில் பணமாக்க விரும்பினால், அதற்குரிய விண்ணப்பக் காலக்கெடுவிற்குள் (Application Window) சமர்ப்பிக்க வேண்டும்.
2019-20 Series V: இந்த பாண்ட் அக்டோபர் 15, 2019 அன்று வழங்கப்பட்டது. இதற்கான மீட்புத் தேதி ஏப்ரல் 15, 2026. முதலீட்டாளர்கள் மார்ச் 14 முதல் ஏப்ரல் 6-க்குள் விண்ணப்பிக்க வேண்டும்.
2018-19 Series II: அக்டோபர் 23, 2018 அன்று வழங்கப்பட்ட இந்த பாண்டின் மீட்புத் தேதி ஏப்ரல் 23, 2026. இதற்கான விண்ணப்பங்களை மார்ச் 23 முதல் ஏப்ரல் 13-க்குள் சமர்ப்பிக்க வேண்டும்.
2020-21 Series I: ஏப்ரல் 28, 2020 அன்று வழங்கப்பட்ட இந்த பாண்டின் மீட்புத் தேதி ஏப்ரல் 28, 2026. இதற்கு மார்ச் 28 முதல் ஏப்ரல் 18 வரை விண்ணப்பிக்கலாம்.
2019-20 Series VI: அக்டோபர் 30, 2019 அன்று வழங்கப்பட்ட இந்த பாண்டின் மீட்புத் தேதி ஏப்ரல் 30, 2026. இதற்கான விண்ணப்பக் காலம் மார்ச் 30 முதல் ஏப்ரல் 20 வரை ஆகும்.
ஒரு உதாரண விளக்கம்: முதலீட்டாளர் எவ்வாறு செயல்பட வேண்டும்?
உதாரணத்திற்கு, ரமேஷ் என்பவர் 2018-19 Series II பாண்டில் முதலீடு செய்திருக்கிறார் என்று வைத்துக்கொள்வோம். அந்த பாண்ட் அக்டோபர் 23, 2018 அன்று இஸ்யூ செய்யப்பட்டது. இப்போது 2026 ஏப்ரல் 23-ல் அந்த பாண்டை அவர் முன்கூட்டியே பணமாக்க விரும்பினால், அவர் ஏப்ரல் 23 வரை காத்திருக்கக் கூடாது. மாறாக, RBI அறிவித்துள்ள 'விண்ணப்ப காலமான' (Application Window) மார்ச் 23 முதல் ஏப்ரல் 13-க்குள்ளேயே தனது வங்கி அல்லது ஆன்லைன் போர்ட்டல் வழியாக மீட்புக்கான கோரிக்கையைச் சமர்ப்பிக்க வேண்டும். அப்படிச் செய்தால் மட்டுமே, ஏப்ரல் 23 அன்று தற்போதைய தங்கத்தின் சந்தை விலைக்கு இணையான தொகை ரமேஷின் வங்கி கணக்கில் நேரடியாக வரவு வைக்கப்படும்.
Click it and Unblock the Notifications
Sign in with Google