டேஸ்டா சாப்பிட்ட மாதிரியும் ஆச்சு.. உடல் எடை குறைந்தும் போச்சு! இந்த 5 ஷேக்குகளை ட்ரை பண்ணுங்க
சென்னை: உடல் எடை அதிகரிப்பு என்பது உலகம் முழுவதும் உள்ள பெரும்பான்மையான மக்களின் பிரச்சனையாக மாறி இருக்கும் நிலையில் 5 ஷேக்குகளை குடிப்பதன் மூலம் அது குறைவதற்கான வாய்ப்புகள் உள்ளன. அந்த 5 ஷேக்குகள் என்ன? விரிவாக பார்ப்போம்.
மாறி வரும் உணவு பழக்க வழக்கம் காரணமாக உடல் எடை அதிகரிப்பு என்பது பெரிய பிரச்சனையாக மக்கள் மத்தியில் உருவெடுத்து உள்ளது. உடல் எடை அதிகரிப்பாக உடல் நலன் சார்ந்த குறைபாடுகள், சோம்பல்தனம் உள்ளிட்ட பல்வேறு பிரச்சனைகளுடன் மன ரீதியிலான சிக்கல்களும் எழுகின்றன.
குறிப்பாக நண்பர்கள், உறவினர்கள் உடல் எடை குறித்து எழுப்பும் கேள்விகள், உருவ கேலிகள் போன்றவற்ற மன ரீதியிலும் பிரச்சனைகள் வருகின்றன. எனவே உடல் எடையை குறைப்பதற்காக மக்கள் பல்வேறு முயற்சிகளில் ஈடுபடுகின்றனர். நடைபயிற்சி, ஜாக்கிங், உடற்பயிற்சி, டயட் என பல விசயங்களை செய்து வருகிறார்கள்.
இந்த பிரச்சனை காரணமாக சென்னை உள்ளிட்ட பெருநகரங்கள் முதல் கிராமங்கள் வரை உடற்பயிற்சி கூடங்கள் தொடங்கப்பட்டு கல்லா கட்டி வருகிறார்கள். அதேபோல் எளிதில் உடல் எடையை குறைக்க சிலர் ஆபத்தான மருந்துகளை எடுத்துக்கொண்டு, பல்வேறு பின் விளைவுகளையும் சந்தித்து வருகிறார்கள். இந்த நிலையில்தான் கோடையின் வெப்பத்தை சமாளிக்கவும், எளிதில் உடல் எடையை குறைக்கவும் உதவும் 5 வகையான ஷேக்குகளை பார்ப்போம்.
சாக்லேட் பாதாம் ஷேக்: அதில் முதலாவதான சாக்லேட் பாதாம் ஷேக் பற்றி பார்ப்போம். மாவு சத்துடைய உணவு பொருட்களை அதிகம் எடுத்துக்கொள்வதை விட இந்த சாக்லேட் பாதாம் ஷேக்கை அருந்துவதன் மூலம் உடலுக்கு தேவையான சத்துக்கள் கிடைப்பதுடன் உடல் எடையும் குறைவதற்கான வாய்ப்புகள் உள்ளன.
காபி கிராம்பு ஷேக்: காபி தூளுடன் தேவையான அளவு கிராம்பையும் சேர்த்து பாலில் அடித்து குடிக்கும்போது வரும் மனமும் சுவையும் தனி ரகம். இந்த கோடை காலத்தில் நாம் எளிதில் சோர்வாகிவிடும் சூழலில் இதில் உள்ள புரத சத்துக்கள், இயற்கை சர்க்கரை, கஃபைன் போன்றவை நம்ம பல மணி நேரம் சோர்வடையாமல் வைத்திருக்கும்.
ஓட்ஸ் ஷேக்: காலை உணவுக்கு பதிலாக இதை எடுத்துக்கொள்ளலாம். இதுவும் நம்மை பல மணி நேரம் சோர்வடையாமல் வைத்து இருப்பதுடன், நோய் எதிர்ப்பு சக்தியை அதிகரிக்கும் என்று கூறப்படுகிறது. இதயத்துக்கும் ஓட்ஸ் ஷேக் நல்லது என்று சொல்கிறார்கள்.
ஆப்பிள் ஸ்மூதி: ஃபைபர், வைடமின் சி, ஆண்டி ஆக்சிடன்கள் நிரம்பிய இந்த பானமும் மிகவும் பயனளிக்கும் என ஊட்டச்சத்து நிபுணர்கள் தெரிவிக்கின்றனர். உடலில் உள்ள கொலஸ்டிராலை குறைக்கும் ஆப்பிள், உடல் எடையை சீராக வைத்திருக்கவும் உதவுகிறது.
பாதாம் பட்டர் ஷேக்: பாதாம் மற்றும் நெய்யை அடித்து செய்யப்படும் இந்த பானம் தயாரிப்பது சுலபம். மதிய உணவுகளுக்கு மாற்றாக கூறப்படும் இந்த சுவையான பானம், உடலுக்கு அதிக சத்து தரக்கூடியது. ஒரு முழு வாழைப்பழம், ஒரு கப் பாதாம் பால், ஒரு ஸ்பூன் பாதாம் நெய், ஒரு ஸ்பூட் சியா விதைகளை கொண்டு இதை தயாரிக்கலாம்,
Click it and Unblock the Notifications
Sign in with Google