கரும்பு ஜூஸில் கொட்டிக் கிடக்கும் சத்துக்கள்.. ஆனால், சுகர் நோயாளிகள் இதை குடிக்கலாமா!
சென்னை: இப்போது சுகர் பாதிப்பு என்பது இந்தியாவில் தொடர்ந்து அதிகரித்து வரும் நிலையில், சுகர் உள்ளவர்கள் கரும்பு ஜூஸை குடிக்கலாமா கூடாதா.. என்பதே இங்குப் பலருக்கும் கேள்வியாக இருக்கிறது. அதற்கான பதிலை நாம் பார்க்கலாம்.
இந்த நவீனக் காலத்தில் நாம் நீண்ட நேரம் ஒரே இடத்தில் அமர்ந்து வேலை செய்ய வேண்டிய சூழல் ஏற்படுகிறது. இதனால் முன்பு அரிதாக ஏற்பட்டுக் கொண்டிருந்த நோய்களும் கூட இப்போது பரவலாக ஏற்படத் தொடங்கியுள்ளது.
குறிப்பாக இதில் நாம் நீரிழிவு பாதிப்பைச் சொல்லலாம். முன்பு அங்கு ஒன்றும் இங்கு ஒன்றுமாக இருந்த நீரிழிவு பாதிப்பு என்பது இப்போது பரவலாக ஏற்படத் தொடங்கியுள்ளது. இதனால் நாம் பல்வேறு பிரச்சினைகளை எதிர்கொள்கிறோம்.
சுகர் பாதிப்பு: உலக அளவில் பிரேசில் தான் கரும்பை அதிகம் தயாரிக்கிறது. இருப்பினும், அவர்களைத் தாண்டி சுகர் நோயாளிகள் அதிகம் இருக்கும் நாடுகளில் ஒன்றாக இந்தியா இருக்கிறது. சுகர் பாதிப்பு உள்ளவர்கள் எடுத்துக் கொள்ளும் உணவைப் பார்த்துப் பார்த்து எடுத்துக் கொள்ள வேண்டும். இதனிடையே பெரும்பாலும் சுகர் உள்ளவர்கள் கரும்பு ஜூஸை எடுத்துக் கொள்ளலாமா என்பதே கேள்வியாக இருக்கும்.
விளையாடும் போதே அல்லது வெயிலில் வெளியே செல்லும் போது கூல் டிரிஸ் குடிப்பது கெடுதல் என்பது அனைவருக்கும் தெரியும். இதனால் அதற்கு மாற்றாக கரும்பு ஜூஸை குடிக்கலாமா என்பது சுகர் நோயாளிகளின் கேள்வியாக இருக்கிறது கரும்பு ஜூஸ் என்பது நமது குடல் ஆரோக்கியமாக இருக்கப் பயன்படும்.. கரும்பு ஜூஸில் மெக்னீசியம், பொட்டாசியம், ஐயன், பி காம்ப்ளக்ஸ், விட்டமின் என பல சத்துகள் இருக்கிறது. விளையாடும் போது இது நமக்கு அதிக எனர்ஜியை தருவதாக இருக்கிறது.
வல்லுநர்கள் சொல்வது என்ன: சுகர் நோயாளிகள் இதை எடுத்துக் கொள்ளலாம் என்ற போதிலும் மிதமாகவே சாப்பிட வேண்டும். இது குறித்து ஊட்டச்சத்து நிபுணர்கள் கூறுகையில் "கரும்பு ஜூஸில் இருக்கும் சர்க்கரை காரணமாக இது உடனடியாக நமது உடலுக்கு எனெர்ஜியை தருகிறது. அதேநேரம் இது கரும்பில் இருந்து வருவதால் இதை மிகவும் அளவாகவே சாப்பிட வேண்டும். அதேநேரம் முற்றிலுமாக இதைத் தவிர்க்க வேண்டும் என்று இல்லை.
கரும்பிலிருந்து கிடைக்கும் சர்க்கரை நமது சிறுகுடலுக்குச் செல்லாமல் கல்லீரலில் தான் ஜீரணமாகும். எனவே கூல் டிரிங்கஸை குடிப்பதற்குப் பதிலாக இதை எடுத்துக் கொள்ளலாம். அதேநேரம் டைப் 2 சுகர் பாதிப்பு கொண்டவர்கள் இதை மேலும் கவனத்துடன் அளவாகவே எடுத்துக் கொள்ள வேண்டும். உங்களால் கண்டிரோல் செய்ய முடியாது என நினைத்தால் கரும்பு ஜூஸுக்கு பதிலாக நேரடியாக சில துண்டு கரும்பை மென்று துப்பிவிடலாம். அதேநேரம் சுகர் இருப்போர் இதைத் தினசரி குடிப்பதும் ஆபத்தானது" என்றார்
கொட்டி கிடக்கும் சத்துகள்: அதேநேரம் சுகர் பாதிப்பு இல்லை என்றால் இதை தாராளமாக எடுத்துக் கொள்ளலாம். ஒரு கிளாஸ் ஜூஸில் நமக்கு ஒரு நாளைக்குத் தேவையான ஐயன் சத்து இருக்கிறது. மேலும், கரும்பில் இயற்கையாகக் கிடைக்கும் சர்க்கரை அதிகமாக இருக்கிறது. குறிப்பாக சுக்ரோஸ் அதிகமாக இருக்கிறது. கரும்பில் ஃபைபரும் இருக்கிறது. இது நமது உடலுக்கு ரொம்பவே நல்லது.
மேலே கூறப்பட்டுள்ள தகவல்கள் பொதுவான டிப்ஸ் மட்டுமே. இதை மருத்துவ அறிவுரையாக எடுத்துக் கொள்ளக் கூடாது. உடலில் எதாவது பிரச்சினை என்றால் உடனடியாக மருத்துவரை அணுக வேண்டும்.
Click it and Unblock the Notifications
Sign in with Google