தொப்பை தொங்குகிறதா.. அப்ப இந்த 5 உணவையும் காலையில் தொட்டுக்கூட பார்க்காதீங்க.. வெயிட் இன்னும் ஏறும்

Updated: Wednesday, June 12, 2024, 16:23 [IST]

Subscribe to Oneindia Tamil

சென்னை: உடல் எடையை குறைக்க முயற்சிப்பவர்கள், சில உணவுகளை காலை உணவுகளை வெறும் வயிற்றில் சாப்பிடக்கூடாது.. அவைகள் என்னென்ன தெரியுமா?

உடல் எடையை குறைக்க முயற்சிப்பவர்களுக்கு உலர் பழங்கள் வெகுவாக கைகொடுத்து உதவுகின்றன. பிஸ்தா, முந்திரி, உலர் திராட்சைகள், வால்நட் பருப்புகள் போன்றவைகளையும் காலை உணவில் சேர்த்து கொள்ள வேண்டியிருக்கிறது.

அதேபோல, வைட்டமின் C அதிகம் உள்ள உணவுகளை காலை நேரத்தில் சாப்பிடுவதால், கூடுதல் பலன் கிடைக்கிறதாம்.. வளர்சிதை மாற்றத்தை வேகப்படுத்தி, மூளைக்கு அதிகமான ஆக்சிஜனை வைட்டமின் C உணவுகளே நிறைய வழங்குகின்றன. உடலுறுப்புகளை சுறுசுறுப்பாக இயங்க வைக்கும் சக்தி இந்த வைட்டமின் C சத்துக்களுக்கு அதிகமாகவே உள்ளன.

சோள உப்புமா: உடைக்காத முழுத்தானியங்களால் செய்யப்பட்ட இட்லி, சம்பா ரவை உப்புமா, கஞ்சி, தோசை, சோள உப்புமா, தவிடு நீக்காத கோதுமை சப்பாத்தி, சிறுதானிய உணவுகள், முளைகட்டிய பயிறுகள், கேழ்வரகு தோசை போன்றவைகளில் வைட்டமின் C நிறைய இருப்பதால்தான், இவைகளை காலை உணவுகளில் சேர்க்க சொல்கிறார்கள்.

அதேபோல, உடல் எடை குறைய என்ன செய்யலாம் என்பதைவிட, என்னென்ன செய்யக்கூடாது என்பதை அறிந்திருப்பது அதைவிட அவசியமாகிறது. அந்தவகையில்,

பாக்டீரியாக்கள்: யோகர்ட்டை வெறும் வயிற்றில் தவிர்க்க வேண்டும்.. இதில், புரோபயாடிக் கால்சியம் அதிகம் உள்ளதால், பற்களுக்கு ஆரோக்கிய குறைவை ஏற்படுத்தும்.. வெறும் வயிற்றில் இதை சாப்பிட்டால், வயிற்றில் உள்ள அமிலம் , நன்மை பயக்கும் பாக்டீரியாக்களை அழித்துவிடும்... எனவே, காலை உணவுடன் சேர்த்து யோகர்ட் சாப்பிடலாம். இல்லாவிட்டால் உடல் பருமன் அதிகமாகிவிடும்.

அதேபோல காலையில் எண்ணெய் அதிகம் கலந்திருக்கும் உணவுகளை சாப்பிடுவதை தவிர்க்கலாம்.. வறுத்த உணவு பொருட்களை சாப்பிட்டால், உடலில் நீரிழப்பை ஏற்படுத்திவிடுவதுடன், எடையும் கூடிவிடும்.. இதில், இனிப்பு உணவுகளையும் சேர்த்து கொள்ளலாம்.. வெறும் வயிற்றில் தித்திப்பு உணவுகளை சாப்பிட்டால், உடல் எடையும் அதிகமாவதுடன், உடலில் சர்க்கரை அளவும் கூடிவிடும். அதேபோல குளிர்பானங்களையும் வெறும் வயிற்றில் குடிப்பதை தவிர்க்க வேண்டும்.

சிட்ரஸ்: சிட்ரஸ் பழங்களில் நிறைய சிட்ரிக் அமிலம் உள்ளதால், வயிற்றில் அதிகப்படியான அமிலம் உற்பத்தியாகும். இதனால் நெஞ்செரிச்சல் உள்ளிட்ட பிரச்சனைகள் ஏற்படக்கூடும் என்பதால், சிட்ரஸ் பழங்களையும், காரமான உணவுகளையும் வெறும் வயிற்றில் சாப்பிடுவதை தவிர்க்கலாம்.