சூப்பர்! மாரடைப்பை விரட்டும் புதிய மருந்து.. இளம்வயது மாரடைப்பை தடுக்கும்.. பக்கவிளைவே கிடையாதாமே!

எடப்பாடி பழனிசாமியின் படங்களை பாஜகவினர் எரித்துள்ளனர்.

வாஷிங்டன்: மாரடைப்பு ஏற்படுவதை தடுக்கவும், இதய மற்றும் கொலஸ்ட்ரால் பாதிப்புகளை குறைக்கவும் மருந்து ஒன்று கண்டுபிடிக்கப்பட்டிருப்பது உலக நாடுகளிடையே பெரும் வரவேற்பை பெற்றுள்ளது. ஏனெனில் தற்போது உள்ள ஸ்டேடின்கள் எனப்படும் மருந்துகள் அதிக கொலஸ்ட்ராலுக்கான முதல்-தேர்வு சிகிச்சையாக இருந்தாலும், அதிகப்படியான பக்கவிளைவுகள் காரணமாக பலரால் பயன்படுத்த முடியாத நிலை உள்ளது.

இன்றைய நவீன உணவு பழக்கத்தின் காரணமக அதிக உயிர்களை காவு வாங்கும் நோயாக இதயநோய் பாதிப்பு பார்க்கப்படுகிறது. சமீப காலங்களில் 12 வயது சிறுவர் கூட மாரடைப்பால் பாதிக்கப்பட்டு உயிரிழந்த செய்திகளை பார்த்திருப்போம். அமெரிக்காவை பொறுத்தவரை ஒவ்வொரு 34 நொடிக்கு ஒருவர் இதய பாதிப்பால் உயிரிழக்கிறார்.

2020இல் உலகம் முழுவதும் கொரோனா பாதிப்பால் மக்கள் ஏராளமானோர் உயிரிழந்தனர். அமெரிக்காவில் மட்டும் 2020ம் ஆண்டு இதய நோய் பாதிப்பால் 697000 பேர் பலியாகி உள்ளனர். உடலில் அதிக அளவு கொழுப்பு சத்தால் அதிக அளவில் அமெரிக்கர்கள் பாதிக்கப்பட்டு வரும் நிலையில், 90 சதவீதம் அமெரிக்கர்கள் ஸ்டேடின் (statins) என்ற மருந்துகளை மாத்திரை வடிவில் உட்கொண்டு வருகிறார்கள்.

கல்லீரலில் கொழுப்பு

உடலில் கொழுப்பு அதிகரிப்பது இதய பாதிப்பை அதிகரிப்பதற்கு காரணமாக இருக்கும் நிலையில், கல்லீரலில் இருந்து உருவாகும் கொழுப்பு தான், இரத்தத்தில் கலக்கிறது. இந்நிலையில் கல்லீரலில் கொழுப்பு உற்பத்தியாகும் வேலையை செய்யவிடாமல் தடுக்கும் மருந்துதான் இந்த ஸ்டாட்டின்ஸ் (statins) மருந்து.

தசைபிடிப்பு

ஆனால் ஸ்டாட்டின்ஸ் (statins) மருந்தை உட்கொள்ளும் போது, தசைப்பிடிப்பு, தசைவலி, சோர்வு, ரத்தத்தில் உள்ள பிளேட்களின் எண்ணிக்கை குறைவது போன்ற பக்க விளைவுகள் ஏற்படுவதால், மருந்து எடுத்துக்கொள்வோர் அவதிக்குள்ளாக நேர்கிறது.

பக்கவிளைவு இல்லை

இந்நிலையில் எவ்வித பக்கவிளைவுகளும் ஏற்படுத்தாமல், உடலில் உள்ள கெட்ட கொழுப்பை 20 சதவீதம் வரை குறைப்பதோடு, இதய பாதிப்பில் கார்டியோ வாஸ்குலர் சிக்கல்கள் ஏற்படுவதை 13 சதவீதம் குறைப்பதோடு, மாரடைப்பு ஏற்படுவதை 23 சதவீதமும் குறைக்கும் மருந்தை கண்டுபிடித்துள்ளனர் ஆராயச்சியாளர்கள். பம்பெடிக் ஆசிட்டான (bempedoic acid) அந்த மருந்தின் பெயர் நெக்ஸ்லிடோல் (Nexletol) ஆகும். இந்த நெக்ஸ்லிடோல் (Nexletol) மருந்து கல்லீரலில் உற்பத்தியாகும் கொலஸ்ட்ராலை தடுக்கிறதாம்.

ஆஸ்திரேலியா அனுமதி

இந்த மருந்து 2020ம் ஆண்டே அமெரிக்காவில் பயன்பாட்டிற்கு வந்துவிட்டதாம். தற்போது தான் இந்த மருந்து எந்த அளவிற்கு கைகொடுக்கிறது என்பது ஆய்வு மூலம் தெரியவந்துள்ளது. அமெரிக்காவிலும், ஐரோப்பிய நாடுகளிலும் பயன்பாட்டில் உள்ள நெக்ஸ்லிடோல் (Nexletol) மருந்து, விரைவில் ஆஸ்திரேலியாவும் அனுமதி அளிக்க உள்ளதாம். ஆனால் ஸ்டாட்டின்ஸ் மருந்தை விட நெக்ஸ்லிடோல் (Nexletol)மருந்து பலமடங்கு விலை உயர்ந்தது என்கிறார்கள் மருத்துவர்கள்.

English summary

Good news for people, the new pill Nexletol blocks cholesterol production in the liver but in a different way than statins and without that muscle side effect.