Country Tomato vs Hybrid Tomato: நாட்டுத் தக்காளியா? ஹைபிரிட் தக்காளியா? சமையலுக்கு எது பெஸ்ட்?

Updated: Friday, January 30, 2026, 10:18 [IST]

Subscribe to Oneindia Tamil

சென்னை: சமையல் செய்ய எது சிறந்தது, நாட்டுத் தக்காளியா இல்லை ஹைபிரிட் தக்காளியா? என்பதை பார்க்கலாம். இரண்டுக்கும் உள்ள வேறுபாடுகளையும் அறியலாம் வாங்க!

சமையல்களில் தக்காளி என்பது முக்கியமான ஒன்று. அதை பயன்படுத்தாமல் பெரும்பாலான சமையலே இல்லை எனலாம். சாஸ், சூப், குழம்பு என பல உணவுகளுக்கு இனிப்பு, புளிப்புச் சுவையையும், தனித்துவமான மணத்தையும் சேர்க்கும் இந்தத் தக்காளியில், ஊட்டச்சத்துக்களும் நிறைந்தது.

தக்காளியில் நாட்டு தக்காளி,ஹைபிரிட் தக்காளி என இரு வகை உண்டு. நாட்டு தக்காளி அதிக புளிப்புச் சுவையுடன் இருக்கும். ஹைபிரிட் தக்காளியில் விதைகள் அதிகம் இருக்காது, ஜூஸும் அதிகம் வராது.

இந்த நிலையில் உள்நாட்டில் விளையும் நாட்டுத் தக்காளிகளுக்கு கடும் போட்டியாகியுள்ளன. நாட்டுத் தக்காளிக்கும், ஹைபிரிட் தக்காளிக்கும் இடையே உள்ள வேறுபாடு என்ன, இவற்றில் எது சிறந்தது என்பதை இங்கு விரிவாகப் பார்ப்போம்.

நாட்டு மற்றும் ஹைபிரிட் தக்காளிகள் உலக அளவில் சமையலுக்குப் பரவலாகப் பயன்படுகின்றன. கலப்பின (ரோமா தக்காளி போன்ற) மற்றும் பாரம்பரிய (வீட்டுத் தக்காளி) வகைகளில் எது சிறந்தது எனத் தேர்ந்தெடுப்பது சற்று கடினம். ஏனெனில், ஒரு சமையல் குறிப்பின் தேவையைப் பொறுத்து, இரண்டுக்கும் தனித்துவமான குணங்கள் உள்ளன. இந்த இரு வகைகளைப் பற்றி இங்கு காண்போம்.

ஹைபிரிட் தக்காளி

இதன் நிறம் முழுவதுமாக சிவப்பு நிறத்தில் இருக்கும். குறைந்த புளிச் சுவை இருக்கும். அமிலத்தன்மையும் குறைவாக இருக்கும். இதன் தோல் தடிமனாக இருக்கும். விதைகளும் இல்லாமல் இருக்கும். சிலவற்றில் விதைகள் குறைவான அளவிலும் இருக்கும். இது நீண்ட நாள் வைத்திருந்தாலும் கெட்டு போகாது. அது போல் எளிதில் சேதம் அடையாது. இதன் வளர்ச்சிக்கு உரம், பூச்சிக் கொல்லி மருந்துகள் அதிகம் தேவைப்படும்.

நாட்டுத் தக்காளி

இதன் வடிவம் உருண்டையாக இருக்கும். சீரற்ற வடிவத்தில் இருக்கும். அடர் சிவப்பு அல்லது ஆரஞ்சு நிறத்தில் இருக்கும். மேல் பகுதியில் பச்சை நிறம், மஞ்சள் கலந்த பச்சையும் இருக்கும். இதன் சுவை புளிப்பாக இருக்கும், அமிலத்தன்மை அதிகம் உள்ளது. தோல் மெலிதாக இருக்கும். இதனால் சீக்கிரம் கெட்டு போகும், அழுகி போகும். இதற்கு குறைந்த உரம் போட்டாலே போதுமானது.

நாட்டுத் தக்காளியில் விட்டமின் சி அதிகம் இருக்கிறது. இதில் சிட்ரிக் அமிலம் அதிகம் இருப்பதால் புளிப்பு சுவை அதிகம் தெரியும்.

சமையலுக்கு எது சிறந்தது?

கலப்பின மற்றும் நாட்டுத் தக்காளிகளுக்கு இடையேயான தேர்வு நீங்கள் தயாரிக்கும் உணவின் வகையைப் பொறுத்தது. கலப்பினத் தக்காளிகள், சீரான அளவு மற்றும் சாறுள்ள தன்மை காரணமாக, சாலட், சாண்ட்விச் போன்ற பச்சையாகச் செய்யும் உணவு வகைகளுக்கு ஏற்றவையாகும்.

இவற்றின் மென்மையான சுவை, மற்றப் பொருட்களின் மணத்தை மிகைப்படுத்தாமல் ஈரப்பதத்தை அளிக்க உதவுகிறது. இருப்பினும், சமையலுக்கு வரும்போது, நாட்டுத் தக்காளிகளே சிறந்த விருப்பத் தேர்வாகும்.