சத்தமே இல்லாமல் வரும் ஆபத்து.. சில மாநிலங்களில் உச்சக்கட்ட பாதிப்பு! சுகரை சாதாரணமா நினைக்காதீங்க

சென்னை: இந்தியாவில் நீரிழிவு குறுந்தொற்று நோயின் பரவல் வேகமும் முறைகளும் சில மாநிலங்கள் உச்சக்கட்டமாகி இருப்பதாக மருத்துவர்கள் வேதனை தெரிவித்து இருக்கிறார்கள்.

நீரிழிவு சிறப்பு மையத்தின் (DMDSC) நிர்வாக இயக்குநரும், மெட்ராஸ் டயாபடீஸ் ரிசர்ச் பவுண்டேஷன் (MDRF) தலைவருமான மருத்துவர் ஆர்.எம்.அஞ்சனா இந்தியாவில் நீரிழிவு நோய்கள் தொடர்பாக தன்னுடைய கவலையை வெளிப்படுத்தி உள்ளார். "இந்தியாவில் வளர்சிதை மாற்ற தொற்றா நோய்களின் (NCDs) பரவல் கணிசமாக அதிகரித்துள்ளது. இந்தியாவில் நீரிழிவு குறுந்தொற்று நோயின் பரவல் வேகமும், பரவல் முறைகளும் குறிப்பிடத்தக்க அளவில் மாற்றங்களைச் சந்தித்து வருகிறது.

சில மாநிலங்கள் ஏற்கனவே உச்ச கட்ட விகிதத்தில் பாதிக்கப்பட்டுள்ளனர். மற்ற மாநிலங்கள் இப்போதுதான் பாதிக்கப்பட்டு வருகின்றனர். அனைத்து வளர்சிதை மாற்ற தொற்றா நோய்களும் (NCDs) நகர்ப்புறங்களில் அதிகம் காணப்பட்டாலும், கிராமப்புறங்களில் முன்பு கண்டறியப்பட்டதை விடக் கணிசமான அளவுக்கு அதிகப் பரவல் விகிதங்கள் இருப்பதாக ஆய்வு காட்டுகிறது." என குறிப்பிட்டு உள்ளார்.

நீரிழிவு சிறப்பு மையம் மற்றும் மெட்ராஸ் டயாபடீஸ் ரிசர்ச் பவுண்டேஷன் ஆகியவற்றின் தலைவரும், ஆய்வின் மூத்த ஆசிரியருமான டாக்டர் வி.மோகன் கூறியதாவது, "மெட்ராஸ் டயாபடீஸ் ரிசர்ச் பவுண்டேஷன் (MDRF) உறுப்பினர்களின் அர்ப்பணிப்புமிக்க, பாராட்டத்தக்க முயற்சிகளால், தற்போது உலகம் முழுவதும் உள்ள பல கோடிக்கணக்கான மக்களை அதிகம் பாதிக்கும் உடல் பருமன், உயர் இரத்த அழுத்தம், நீரிழிவு போன்ற தொற்றா நோய்களின் அதிகரிப்பை எங்களால் வெற்றிகரமாக மதிப்பீடு செய்ய முடிந்து உள்ளது.

எங்கள் ஆய்வின் முடிவுகள் இந்தியாவின் சுகாதாரப் பராமரிப்பை திட்டமிடுவதற்கும், அது மக்களுக்கு பெரிதும் பயனளிக்கும் வகையில் பல்வேறு மாற்றங்களைக் கொண்டுள்ளன. இந்தத் தொற்றா நோய்கள் பற்றிய விரிவான மாநில அளவிலான தரவுகள், தொற்றா நோய்களின் பாதிப்பை வெற்றிகரமாக நிறுத்துவதற்கும், அவற்றின் சிக்கல்களைத் திறம்படக் கட்டுக்குள் வைத்திருப்பதற்கும், இந்தியாவில் உள்ள மாநில நிலை தரவு சான்றுகள் மூலம் இடையீட்டுச் சேவைகளை உருவாக்கி, அந்தந்த மண்டலங்களில் சுகாதாரப் பராமரிப்பை வழங்குவதற்குப் பெருமளவில் உதவும்." என்று கூறினார்.

"மக்கள் தொகையில் கணிசமான பகுதி மக்கள் வளர்சிதை மாற்ற தொற்றா நோய்களால் ஏற்படும் கார்டியோவாஸ்குலர் (இதயம் மற்றும் இரத்தக்குழல்) நோய் மற்றும் பிற நீண்ட கால உறுப்புக் கோளாறுகளால் பாதிக்கப்படும் ஆபத்தில் உள்ளார்கள் என்பதைத் தெளிவாகக் காட்டுகிறது." என இந்திய மருத்துவ ஆராய்ச்சி கழகத்தின் (ICMR) தொற்றா நோய் பிரிவின் தலைவர் டாக்டர் ஆர்.எஸ். தாலிவால் தெரிவித்து உள்ளார்.

English summary

Doctors have lamented that the rate and patterns of the diabetes epidemic in India have peaked in some states.