குப்பைமேனி தழை.. தேங்காய் எண்ணெய் போதுமே.. உங்க சருமம் பளபளன்னு ஜொலிக்கும்.. வேற லெவல் குப்பைமேனி

சென்னை: சருமத்துக்கு கவசம் போல பாதுகாக்கக்கூடியது குப்பைமேனி.. இந்த இலைகளை வைத்து எண்ணெய் தயாரிக்கலாமா? குப்பை மேனி தைலத்தின் பயன்கள் என்னென்ன தெரியுமா?
சளி, இருமல், தொண்டை வலி, தொண்டைக்கட்டு, தொண்டை கமறல் போன்ற பிரச்சனைக்கு, குப்பை மேனி சாற்றுடன் சுண்ணாம்பு கலந்து பூசினால் குணமாகும். குப்பைமேனி இலை பொடியை விளக்கெண்ணையில் கலந்து சாப்பிட்டாலும் வயிற்று புழுக்கள் வெளியேறிவிடும்.

சுடுநீர்: சளியை இளக்கி வெளியேற்றும் குணம் குப்பைமேனிக்கு உண்டு என்பதால், இந்த இலையை பொடி செய்து, ஒரு கிராம் அளவு சுடுநீரில் கலந்து குடித்தால் தீர்வு கிடைக்கும். தலைவலியால் அவதிப்படுபவர்கள், குப்பைமேனியை அரைத்து சாற்றை மட்டும் எடுத்து நெற்றியில் பற்று போட்டால் நிவாரணம் கிடைக்கும்.

குப்பைமேனி இலைச்சாற்றை வெந்நீரில் கலந்து குடிக்கும்போது, மலச்சிக்கல் தீர்வாகிறது.. அன்றைய தினங்களில், பாம்பு கடிக்கு விஷ முறிவாக இந்த குப்பைமேனியைதான் பயன்படுத்தி வந்திருக்கிறார்கள்.. குப்பை மேனிக்கீரைக்கு உடல் அழகை கூட்டுவதில் முக்கிய பங்கு உள்ளது.. மேனியை பளபளப்பாகும் குணம் கொண்டது இந்த கீரைகள்.. தோலில் சொறி, சிரங்கு, புண், கரும்புள்ளிகள் போன்றவற்றை விரட்டக்கூடியது இந்த குப்பை மேனிக்கீரை..

காயங்கள்: இந்த இலைகளுடன் மஞ்சள், கல் உப்பு சேர்த்து மை போல அரைத்து உடலில் பூசி குளித்து வந்தாலே கரும்புள்ளிகள் மறைந்து, சருமஅழகு கூடும். தோல்நோய்கள், நோய்த்தொற்றுகள், காயங்கள் போன்றவற்றுக்கு குப்பை மேனி எண்ணெய் பயன்படுகிறது..

இந்த எண்ணெய்யை தயாரிக்க, குப்பைமேனி இலைகளை மிக்ஸியில் விழுதுபோல அரைத்து, அதன் சாற்றை வடிகட்ட எடுத்து கொள்ள வேண்டும்.

எண்ணெய் ரெடி: இப்போது ஒரு வாணலில் இந்த சாற்றை கொட்டி, சம அளவு தேங்காய் எண்ணெய் சேர்த்து, அத்துடன் சிறிது மஞ்சளையும் கொட்டி கொதிக்கவிட வேண்டும். எண்ணெய் கொதித்து சத்தம் அடங்கும்வரை விட்டு, அடுப்பை நிறுத்திவிட வேண்டும். இப்போது இந்த எண்ணெய்யை ஆறவைத்து எடுத்து வைத்து கொண்டால், எண்ணெய் ரெடி.
அதேபோல, குப்பைமேனி தைலம் தயாரிக்கலாம். குப்பைமேனி இலைகள் 2 கைப்பிடி எடுத்து கழுவி, மிக்சியில் விழுதாக அரைத்து கொள்ள வேண்டும். ஒரு பாத்திரத்தில் தேங்காய் எண்ணெய் - 250 மி.லி, விளக்கெண்ணெய் - 3 ஸ்பூன் இரண்டையும் சேர்த்து கலந்து, அதில், இந்த குப்பைமேனி விழுதையும் கொட்டி கொதிக்கவிட வேண்டும். 30 நிமிடம் அடுப்பை குறைத்து வைத்து, அணத்துவிட வேண்டும். இந்த தைலத்தையும், சரும நோய்களுக்கு பயன்படுத்தலாம்.

English summary

Do you know the Excellent Health Benefits of Kuppaimeni Leaves and Kuppaimeni Oil is the Best for Skin diseases