கரு கருனு இருக்கும்.. மாதவிடாய் பிரச்சினைகளை தடுக்கும்.. ரெகுலராக சாப்பிட்டால் மேஜிக் செய்யும்!
சென்னை: எந்த தாவரத்திலும் இல்லாத அரிய பொருள் ஒன்று கருஞ்சீரகத்தில் காணப்படுகிறது. இதனால் இது புற்றுநோய், நீரிழிவு நோய், உள்ளிட்ட நோய்களை கட்டுப்படுத்துகிறது
மருத்துவ குணங்கள் அதிகமுள்ள பல அரிய வகை மூலிகைகளும் உணவு பொருட்களும் நம்மிடம் இருக்கும் போது நாமோ அதை சட்டை செய்யாமல் விலை அதிகம் உள்ள மருந்து மாத்திரைகளை சாப்பிட்டு பக்க விளைவுகளை இலவசமாக பெறுகிறோம்.
அந்த வகையில் அரிய வகை மருத்துவ குணம் கொண்ட கருஞ்சீரகம் குறித்து பார்ப்போம். இது ஆங்கிலத்தில் Black Cumin, Small Fennel என அழைக்கப்படுகிறது. இந்த பொருளை நாம் மறந்துவிட்டாலும் அரபு நாடுகளில் அன்றாடம் உணவுகளில் சேர்த்துக் கொள்கிறார்கள்
மருத்துவக் குணங்கள் கொண்ட கருஞ்சீரகத்தில் தைமோகுயினன் என்ற வேதிப்பொருள் உள்ளது. இது வேறு எந்த பொருளிலும் இல்லை. இது நோய் எதிர்ப்பு சக்தியை தரவல்லது, இது உடலுக்கு நன்மை செய்யும் கொழுப்பு இருப்பதால், கெட்ட கொழுப்பை குறைக்க உதவுகிறது. அமினோ அமிலங்கள், வைட்டமின்கள், கால்சியம், இரும்புச் சத்து போன்றவை உள்ளன.
இது வீக்கத்தை தணிக்க உதவும். ஆஸ்துமா, சுவாச பிரச்சினைகளுக்கு தீர்வு கொடுக்கும். இதயநோய் வராமல் தடுக்கிறது. புற்றுநோய் வராமல் தடுப்பதில் கருஞ்சீரகத்திற்கு முக்கிய பங்கு உள்ளது. இது எலும்பு மஜ்ஜை உற்பத்தியை சீராக்கி, புற்றுநோய் கட்டிகள் வராதபடி பாதுகாக்கிறது. கணையத்தை பாதுகாக்கும் பாதுகாவலன்.
சிறுநீரக கற்களை குணப்படுத்தும் தன்மை இதற்கு உண்டு. சோரியாசிஸ் நோய்க்கு மிகவும் நல்ல மருந்து. மாதவிடாயின் போது வயிற்று வலி, அதிக உதிரப்போக்கை தடுக்கும். இதை வறுத்து பொடித்து வைத்துக் கொண்டு தேன் அல்லது கருப்பட்டியுடன் கலந்து மாதவிடாய் தேதிக்கு 10 நாட்களுக்கு முன்னர் முதல், ஒரு டேபிள் ஸ்பூன் சாப்பிடலாம்.
கருப்பையில் உள்ள அழுக்கை நீக்கும். உடலில் உள்ள நச்சுகள் மலம், சிறுநீர், வியர்வை மூலம் வெளியேற வழிவகுக்கும். இது ரத்தத்தை சுத்திகரிக்கும். பற்களின் வலிமைக்கு நல்லது. இந்த கருஞ்சீரகத்தில் விட்டமின்கள் ஏ,பி, பி 12, நியாசின், சி உள்ளிட்டவை உள்ளன. இது நினைவாற்றலை மேம்படுத்தும். நீரிழிவு நோய், ரத்த அழுத்தத்தை கட்டுப்படுத்தும், வராமலும் தடுக்கும். தலைவலிகளுக்கு தீர்வு அளிக்கிறது. மூல நோயை விரட்டும், உடலில் படிந்துள்ள கொழுப்பை குறைக்கும், மலச்சிக்கலுக்கு ஏற்றது.
Click it and Unblock the Notifications
Sign in with Google