பற்கள் ஆடுகிறதா? ஜஸ்ட் இந்த 2 பொருள் போதும்.. பல்லெல்லாம் பலம் பெறும்.. அற்புத நெல்லிக்காய் + பூண்டு

Published: Sunday, March 31, 2024, 10:28 [IST]

Subscribe to Oneindia Tamil

சென்னை: நம்முடைய வாய் சுகாதாரத்தை பேண வேண்டியது மிகவும் முக்கியமாகும்.. அந்தவகையில், பற்கள் சம்பந்தமான ஆரோக்கியத்திலும் அதிகம் கவனம் செலுத்த வேண்டும்.. குறிப்பாக பற்கள் ஆடினால் அதற்கு என்ன தீர்வு?

பற்களை சுற்றியிருக்கும், எலும்புகள், பலமின்றி இருப்பதுதான் நம்முடைய பற்கள் ஆடுவதற்கு முக்கிய காரணமாக உள்ளது.. இதன்காரணமாக, பற்களில் ஏற்படும் ஈறு நோய் நாளடைவில் அதனை சுற்றியுள்ள எலும்பிலும் பரவிவிடுவதால், எலும்பு தேய ஆரம்பிக்கிறது. பற்களின் பிடிமானமும் குறைந்து, நாளடைவில் ஆட துவங்குகின்றன.

Do you know the Super Benefits in Indian Gooseberry and what are Best tips to Strengthen Loose Teeth

பற்கள் ஆடுவதால், உடனே அந்த பற்களை எடுக்க வேண்டிய கட்டாயம் கிடையாது.. பல் ஆடுவதற்கான சரியான காரணம் தெரிந்தாலே, இதற்கு நிவர்த்தி கண்டுபிடித்துவிடலாம்..

நாம் பற்களை எப்போதுமே சுத்தமாக வைத்திருக்க வேண்டும்.. சாப்பிட்ட பிறகு, பற்களில் இருக்கும் எச்சங்களை வெளியேற்ற மவுத் வாஷ் பயன்படுத்த வேண்டும்.. மருத்துவரின் ஆலோசனையை பெற்று, வைட்டமின் D, கால்சியம் சப்ளிமெண்ட்களை எடுத்து கொள்ளலாம்.

பற்கள் பலமாக இருக்க வேண்டுமானால், உணவுமுறைகளில் கவனத்தை செலுத்த வேண்டும்.. நிறைய பூண்டு, மிளகு, மற்றும் மஞ்சளை உணவில் சேர்த்து கொள்ள வேண்டும். காரணம், ஆடும் பற்களுக்கு சிறந்த மருந்துகள் இவை.. ஆண்டிமைக்ரோபியல் பண்பு கொண்டவை என்பதால், பூண்டு, மிளகு, மஞ்சள் இந்த மூன்றையும் தவிர்க்கவே கூடாது.

அதிலும், ஒரு பல் பூண்டினை, தட்டி வலி பற்கள் ஆடும் இடத்தில் வைத்தால், நுண்ணுயிரிகள் நீங்குவதுடன், பற்களும் பலப்படும். மிளகு, மஞ்சளில் உள்ள ஆன்டி ஆக்ஸிடண்ட், பலவீனமான பற்களை தடுத்து நிறுத்தும்.. வலியையும் கட்டுப்படுத்தும்.

அல்லது, மஞ்சள் தூள், மிளகுதூள் இரண்டையும் சேர்த்து ஈறுகளில் வைத்து மென்மையாக மசாஜ் செய்யலாம்.. இதனால் பற்களும், ஈறுகளும் வலுவடையும். தேங்காய் எண்ணெய் அல்லது ஆலிவ் எண்ணெய் அல்லது நல்லெண்ணெய் இவைகளை வைத்து, ஆயில் புல்லிங் செய்யலாம்.. அல்லது நெல்லிக்காய் இடித்து, தண்ணீரில் கலந்து வாய் கொப்பளிக்கலாம். அல்லது நெல்லிக்காயை தினமும் மென்று சாப்பிட்டு வந்தாலே பற்கள் உறுதிப்பெறும்.

இரும்பு சத்து அதிகம் கொண்ட நெல்லிக்காயில், ஆன்டிஆக்ஸிடன்ட்கள் மற்றும் வைட்டமின்கள் நிறைய உள்ளன. ரத்தத்தை சுத்தப்படுத்தி, உடலில் ஏற்படும் பிரச்னைகளுக்கு சரியான தீர்வை தருகிறது நெல்லிக்கனி. நெல்லிக்காயை பொடி செய்து சாப்பிட்டு வந்தால் பற்களில் இருக்கும் ஓட்டிகள் அடைந்து அவை ஒன்றாக இணையும். மேலும் இது பற்களை இறுக்கமாக்கும்.

குழந்தைகளுக்கு கால்சியம் மற்றும் வைட்டமின் D நிறைந்த உணவை இப்போதே கொடுக்க ஆரம்பிக்க வேண்டும்.. இதனால், பிற்காலத்தில், பற்கள் மற்றும் எலும்புகளில் சிக்கல் ஏற்படாமல் தடுக்கப்படும்..

சிலருக்கு ஈறு பிரச்சனை காரணமாக அல்லது எலும்பு இழப்பு காரணமாக, பற்கள் தளர்வடைகின்றன.. மோசமான வாய்வழி சுகாதாரம், பல்லில் காயங்கள் உண்டாவது, எலும்பு முறிவுகள், இனிப்பு உணவுகள் அதிகம் சேர்ப்பது, பல்சிதைவு இப்படியான காரணங்களுக்காகவும் பற்களில் ஆட்டம் காணலாம்.

இந்த பிரச்சனைக்கு, நெல்லிக்காய் பொடி கால் கப் எடுத்துக் கொண்டு, இதனுடன் மஞ்சள்- 1 ஸ்பூன், பட்டைப் பொடி - கால் ஸ்பூன், கிராம்புப் பொடி - அரை ஸ்பூன், உப்பு - 1 ஸ்பூன் போன்றவற்றையும் சேர்க்க வேண்டும். பிறகு, ஒரு வாணலில் நல்லெண்ணெய் கால் கப் சேர்த்து, இந்த பொடிகளையும் அதில் கொட்டி கலந்து எடுத்து கொள்ள வேண்டும். இந்த எண்ணெய்யில் தினமும் ஆயில் புல்லிங் செய்யலாம்..

பற்கள் ஆடுகிறதா: அதேபோல, இந்த எண்ணெய்யை எல்லா பற்களிலும் படும்படி 20 நிமிடங்கள் வாயிலேயே வைத்திருந்துவிட்டு, பிறகு உமிழ வேண்டும். இதனால், ஈறுகள் பலப்படும். பற்களும் கெட்டிப்படும்.

தேங்காய் எண்ணெய்யுடன், ஆலிவ் எண்ணெய் அல்லது நல்லெண்ணெய் ஏதாவது ஒன்றை கலந்து, பல் துலக்குவதற்கு முன்பு 15 முதல் 20 நிமிடங்கள் வாயில் வைத்து கொப்புளித்து வரலாம். கடுகு எண்ணெய் மற்றும் உப்பு இரண்டையும் பேஸ்ட் போல குழைத்து, பாதிக்கப்பட்ட பற்களை சுற்றி தடவி, மென்மையான மசாஜ் செய்து, வெதுவெது நீரில் வாயை கொப்பளிக்கலாம். இதுபோல 2 நாட்களுக்கு ஒருமுறை செய்து வந்தாலே போதும், ஈறுகள் பலப்படும்.

கடுகு எண்ணெய்: மிளகு -1ஸ்பூன், சாம்பிராணி - 1 ஸ்பூன், இந்துப்பு - 1 ஸ்பூன், ஓமம் - அரை ஸ்பூன், கிராம்பு - 2.5 ஸ்பூன், வேப்பம்பட்டை - 10, படிகார உப்பு - 6 ஸ்பூன் இவைகளை எல்லாம் ஒன்றாக சேர்த்து அரைத்து வைத்துக் கொள்ள வேண்டும். தினமும் இந்த பொடியில் பல் துலக்கினாலும் பற்களுக்கு நல்லது. அல்லது கடுகு எண்ணெயில் உப்பு கலந்து வாயை கழுவி வந்தாலும் ஆடும் பற்கள் உறுதிப்படும்..

இந்த வீட்டு மருத்துவம் எல்லாம் ஆரம்ப கட்டத்தில் தடுக்கக்கூடிய ஒரு எளிய வழிமுறைகள்தான்.. மற்றபடி, ஈறுகள் தொந்தரவு, பற்கள் ஆடுவது அதிகமானால் உடனடியாக டாக்டரை சந்தித்து ஆலோசனை பெறுவது முக்கியம்.. ஈறுகளுக்கு வலு தந்து, 'சப்ளின்டிங் என்ற முறையில், ஆடும் பற்களை சரிசெய்வது உட்பட பல்வேறு சிகிச்சைகளை டாக்டர்கள் மேற்கொள்வார்கள்.

Published On March 31, 2024