பஸ் டிரைவருக்கு ஹார்ட் அட்டாக்கா! இந்த 3 மாத்திரையை கொடுங்க! வெறும் 100 ரூபாயில் உயிர் காக்கும்

சென்னை: கிரெடிட் கார்டு, டெபிட் கார்டு வைத்திருக்கீங்கல்ல, அது போல் லோடிங் டோஸையும் உங்கள் பாக்கெட்டில் எப்போதும் வைத்திருங்கள் என மருத்துவர் பக்தவத்சலம் தெரிவித்துள்ளார்.

இதுகுறித்து மூத்த மருத்துவர் பக்தவத்சலம் சன் நியூஸ் சேனலுக்கு அளித்த பேட்டியில் கூறியிருப்பதாவது: ஹார்ட் அட்டாக் என்பது எல்லாருக்கும் வருகிறது. மாரடைப்பு, நெஞ்சில் வலி, இடது கையில் வலி , கேஸ் டிரபிள், தாடையில் வலி, முதுகு வரை வலி, ஏசி இருக்கும் அறையில் கூட குப்பென வியர்வை ஐயோ தலை சுற்றுகிறது, ஹார்ட் அட்டாக். யாருக்கு மாரடைப்பு வரும்?

சர்க்கரை வியாதி, ரத்த கொதிப்பு, புகைப்பழக்கம், உடல் பருமனாக இருப்போர், உடற்பயிற்சியே செய்யாதவர்கள் என யாருக்கு வேண்டுமானாலும் வரலாம். அண்மையில் வட இந்தியாவில் ஒரு ஐஐடி பேராசிரியர், அவருக்கு 45 வயது, மெக்கானிக்கல் என்ஜீனியரிங் படித்துள்ளார். எப்படி ஆரோக்கியமான வாழ்வை எப்படி வாழ வேண்டும் என அரை மணி நேரம் பேசுகிறார். திடீரென அவர் மயக்கம் போட்டு கீழே விழுகிறார். மருத்துவமனைக்கு சென்றால் உயிர் இல்லை என்கிறார்கள்.

பெங்களூரில் நடிகர் புனித் ராஜ்குமார் உடற்பயிற்சி செய்த போது மாரடைப்பு ஏற்பட்டுள்ளது. கேஸ் டிரபிள், வயிறு குப்புனு இருக்கிறது, நெஞ்சு எரிச்சல் வந்தாலே அது ஹார்ட் அட்டாக் . உடனே நீங்கள் நல்ல மருத்துவமனைக்கு செல்லுங்கள். ஆனால் அதற்கு முன்பு லோடிங் டோஸை எடுத்துக் கொண்டு செல்லுங்கள். Atorvastatin 80 mg, Clopitab 150 mg, Disprin 350 mg ஆகிய மாத்திரைகளை உங்கள் பாக்கெட்டில் எப்போதும் வைத்திருங்கள்.

இதை வாங்க ஒரு 100 ரூபாய்தான் ஆகும். நெஞ்சு வலி வந்ததும் இதை சாப்பிட்டால் உயிர் உங்களிடம் இருக்கும். சிகரெட் குடிக்கிறீர்கள், சர்க்கரை வியாதி கட்டுக்குள் இல்லை, ரத்த கொதிப்பும் இருக்கிறது, நெஞ்சு வலி வந்தால் ஹார்ட் அட்டாக் என்று அர்த்தம். இந்த லோடிங் டோஸ் உங்களை மட்டும் அல்ல, மற்றவர்களையும் காப்பாற்றும். நான் ஏற்கெனவே பேசிய வீடியோவை தமிழக சுகாதாரத் துறை அமைச்சர் மா. சுப்பிரமணியன் பார்த்தார்.

நான் சொன்ன லோடிங் டோஸ் குறித்து அவருக்கு தெரிந்த மருத்துவர்களிடம் கேட்டு அது உயிர் காக்கும் என்று தெரிந்ததும் தமிழகத்தில் 13 ஆயிரம் ஆரம்ப சுகாதார நிலையங்களில் இந்த மாத்திரைகளை வைக்க ஏற்பாடு செய்துள்ளார். 5, 10, 15 நிமிடங்களில் இந்த மருந்தை கொடுத்துவிட வேண்டும் என பக்தவத்சலம் தெரிவித்தார்.

English summary

Senior consultant Dr Bakthavatchalam says that every one should have 3 tablets with them any time.