கல்லீரல் வீக்கம்.. அனீமியாவை போக்கும் சத்தான முருங்கைக்காய்.. கர்ப்பிணி முருங்கை சாப்பிடலாமா? சூப்பர்

Updated: Sunday, April 21, 2024, 20:42 [IST]

Subscribe to Oneindia Tamil

சென்னை: கர்ப்பிணிகள் கட்டாயம் சாப்பிட வேண்டிய காய்கறிகளில் மிக முக்கியமானது முருங்கைக்காய்.. ஏன் தெரியுமா? முருங்கையின் நன்மைகளை பாருங்கள்.

முருங்கைக்காயிலிருக்கும் பொட்டாசிய சத்து, வாழைப்பழத்தை விடவும் அதிகம் என்கிறார்கள். இந்த முருங்கையிலிருக்கும் புரோட்டின் சத்தக்கள் முட்டைக்கு இணையானது என்கிறார்கள்.. கால்சியம் சத்துக்கள், பசும்பாலைவிட, 4 மடங்கு அதிகமாம்.. இதிலுள்ள வைட்டமின் C, ஆரஞ்சுப் பழத்தைவிட அதிகமாம்.. மற்ற அனைத்து கீரைகளில் இருப்பதைவிட, இந்த முருங்கையில் ஏகப்பட்ட இரும்புச் சத்துக்கள் உள்ளன.

Do you know the Super Health Benefits of Drumsticks Seeks and Can pregnant women take drumsticks

ரத்த சர்க்கரை: மூலநோய் உள்ளவர்கள், சுவாச கோளாறு உள்ளவர்கள், ரத்தசோகை, வயிற்றில் புழு பிரச்சனை உள்ளவர்கள், கணையம், கல்லீரலில் வீக்கம் உள்ளவர்கள் போன்றோருக்கு முருங்கைக்காய் சிறந்த மருந்தாகும். ரத்த சர்க்கரை அளவை சீராக்கி அதை கட்டுக்குள் வைக்க செய்கிறது முருங்கைக்காய்கள்... இதனால், ரத்தமும், சிறுநீரும் சுத்தமாகும்.. மலச்சிக்கலால் அவதிப்படுபவர்கள், மூலநோயால் பாதிக்கப்பட்டவர்கள் இந்த முருங்கைக்காயை அடிக்கடி சமைத்து சாப்பிடலாம்.

அதேசமயம் கர்ப்பிணிகளுக்கு இந்த முருங்கைக்காய் மிகவும் நல்லது.. தாய்க்கும், வயிற்றிலுள்ள குழந்தைக்கும், அதிக நன்மையை தருவதால், முருங்கைக்காய் கர்ப்ப காலத்தில் ஒரு சிறந்த சப்ளிமெண்டாகவே செயல்படுகிறது. அதிலும், கர்ப்ப காலத்தில் 100 கிராம் அளவு முருங்கைக்காய் சாப்பிடுவது சிறந்தது.. இதனால், கருவின் உறுப்புகள் நன்றாக வளரும்..

ரத்த சோகை: வைட்டமின் A உள்ளதால், மூளை மற்றும் கண்பார்வை வளர்ச்சியும் மேம்படும்.. இரும்புச்சத்து உறிஞ்சுதலை மேம்படுத்தவும்.. அத்துடன் தொற்று ஏற்படுவதைத் தவிர்க்கக்கூடிய வைட்டமின் C இந்த முருங்கைக்காயில் உள்ளது. வைட்டமின்கள், மினரல்கள், இரும்புச்சத்து, கால்சியம், பாஸ்பரஸ் மற்றும் வைட்டமின் C-யின் சிறந்த ஆதாரமாக உள்ளதால், ரத்த சோகை வருவதைத் தடுக்கிறது. முருங்கைக்காயில் உள்ள இரும்புச்சத்து உங்கள் ஹீமோகுளோபின் எண்ணிக்கையை அதிகரிக்கவும் உதவுகிறது

முருங்கைக்காயில் சூப் செய்து குடிக்கலாம்.. இதற்கு ஒரு பாத்திரத்தில் முருங்கைக்காய், தக்காளி, வெங்காயம், பூண்டு பற்கள் போன்றவற்றை பொடியாக நறுக்கி போட்டு, அதனுடன் மிளகு, சீரகம்,உப்பு, மஞ்சள் தூள் எல்லாம் சேர்த்து தண்ணீர் ஊற்றி, முருங்கைக்காய் வேகும்வரை விட வேண்டும்.

சூப் ரெடி: பின்னர் சூப்புக்கு உள்ளே இருக்கக்கூடிய முருங்கைக்காயை மட்டும் வெளியே எடுத்து, ஆற வைத்து, அதனுள் உள்ள சதைப்பகுதியை மட்டும் 1 ஸ்பூனை வைத்து தனியாக எடுத்துக் கொள்ள வேண்டும். இந்த சதைப்பகுதியை சூப்பில் போட்டு, அனைத்தையும் ஒரு மிக்ஸியில் அரைத்து, வடிகட்டி எடுத்தால், முருங்கை சூப் தயார். இப்போது கொத்தமல்லியை தூவிவிட்டு சாப்பிட வேண்டியதுதான்.

இவ்வளவு நன்மைகள் இருந்தாலும், முருங்கைக்காய்கள் சிலருக்கு பக்கவிளைவுகளை தந்துவிடலாம்.. முருங்கைக்காய்களை நன்றாக சமைத்து சாப்பிட வேண்டும்.. அரைகுறையாக வேக வைக்கப்பட்ட முருங்கைக்காயில் பாக்டீரியாக்கள் இருக்கலாம். அதுமட்டுமல்ல, கழுவப்படாத முருங்கைக்காயில், ஒட்டுண்ணிகள், பாக்டீரியாக்கள் இருக்கலாம்.. எனவே நன்றாக கழுவி, நன்றாக வேகவைத்து சாப்பிட வேண்டும்..

பக்கவிளைவுகள்: சிலசமயம், முருங்கைக்காய் சாப்பிடுவதால் மலச்சிக்கல் வரலாம்.. அல்லது நெஞ்செரிச்சல் அல்லது உணவை விழுங்குவதில் சிக்கல் ஏற்படலாம்.. எனவே, தலைவலி, மயக்கம் மற்றும் சருமத்தில் தடிப்பு போன்றவற்றில் ஏதாவது அறிகுறிகள் தென்பட்டால், முருங்கைக்காய் சாப்பிடுவதை நிறுத்திவிடலாம். அதேபோல, முருங்கைக்காயின் நடுவே இளஞ்சிவப்பு அல்லது சிவப்பு நிறம் காணப்பட்டால் அதை கட்டாயம் தவிர்த்துவிட வேண்டும்..

பல நன்மைகளை தரக்கூடியது என்றாலும், மருத்துவர்களின் முறையான ஆலோசனையை பெற்று, கர்ப்பிணிகள் முருங்கைக்காய்களை சாப்பிடுவது ஆரோக்கியமானது, அதுவே பாதுகாப்பானதும்கூட.