குண்டா இருக்கீங்களா? கவலைய விடுங்க! உடல் எடையை குறைக்கும் பெருஞ்சீரக தண்ணீர்! ‛டயட்’லாம் வேணாம்!

சென்னை: உணவில் சுவைகூட்டியாகவும், நறுமணத்துக்காகவும் பயன்படுத்தப்படும் பொருட்களில் ஒன்று தான் பெருஞ்சீரகம். இது உள்ள சத்துகள் உடல் ஆரோக்கியத்தையும் மேம்படுத்துகிறது. இது பலருக்கும் தெரிந்து இருந்தாலும் கூட பெருஞ்சீரகத்தை பயன்படுத்தியே ‛டயட்' எதும் இன்றி உடல் எடையை குறைக்கலாம் என்பது பலருக்கும் தெரியாத ஒன்றாக தான் உள்ளது.

வாங்க.. இந்த செய்தியில் பெருஞ்சீரகத்தை பயன்படுத்தி உடல் எடையை எப்படி குறைப்பது என்பது பற்றி நாம் பார்க்கலாம். நம் வீட்டு சமையலறைகளில் பயன்படுத்தும் பொருட்கள் ஒவ்வொன்றுக்கும் ஒவ்வொரு தனிச்சிறப்பு உண்டு. பெருஞ்சீரகம் உணவுக்கு சுவைக்கூட்டியாகவும், நறுமண பொருளாகவும் இருக்கிறது.

அதோடு பெருஞ்சீரகத்தில் கால்சியம், சோடியம், அயர்ன், பொட்டாசியம் உள்ளிட்டவை உள்ளன. இது நமது உடலுக்கான அத்தியாவசிய சத்துகளாகும். இதனால் தான் சமையலின்போது பெருஞ்சீரகம் சேர்ப்பதை பலரும் வாடிக்கையாக்கி கொண்டுள்ளனர்.

மேலும் சிலர் பெருஞ்சீரகத்தை வாயில் போட்டு மெல்வதை வாடிக்கையாக வைத்துள்ளனர். இதன்மூலம் வாய் புத்துணர்ச்சி பெறும். இருப்பினும் கூட பெருஞ்சீரகம் உடல் எடையை குறைப்பதில் மிகவும் முக்கிய பங்காற்றுகிறதாம். அதாவது பெருஞ்சீரக தண்ணீரை குடித்து வருவதன் மூலம் உடலில் இருக்கு தேவையற்ற கொழுப்புகள் குறைந்து எடை குறையுமாம்.

அதாவது காலை எழுந்தவுடன் வெறும் வயிற்றில் பெருஞ்சீரக தண்ணீரை தொடர்ந்து பருகவது என்பது செரிமான சக்தியை அதிகரிக்கும். மலச்சிக்கல், வயிற்றில் ஏற்படும் அமிலத்தன்மை உள்ளிட்ட பிரச்சனைகளை போக்கும். மேலும் குடல் சுத்திகரிக்கும் செயலையும் இந்த பெருஞ்சீரக தண்ணீர் செய்கிறது.

மேலும் பெருஞ்சீரகத்தில் வைட்டமின் ஏ சத்து நிறைந்துள்ளது. கண்கள் தெளிவாக பார்க்க இந்த சத்து மிகவும் அவசியமாகும். இதனால் கண்பார்வை குறைபாடு ஏற்படாமல் தடுக்க விரும்புவோர் பெருஞ்சீரக தண்ணீரை பருகலாம். அதோடு பெருஞ்சீரகத்தில் உள்ள பெட்டாசியம் இரத்த அழுத்தத்தை கட்டுப்படுத்துவதிலும், இதய ஆரோக்கியத்துக்கும் பக்கபலமாக இருக்கிறது.

பெருஞ்சீரகத்தில் இத்தகைய நன்மைகள் இருந்தாலும் கூட சில குறைபாடுகளும் உள்ளன. இதனால் உடல் எடையை குறைக்கும் வகையில் பெருஞ்சீரக தண்ணீரை குடிப்பதற்கு முன்பு இதனை நன்கு அறிந்து வைத்து கொள்ள வேண்டும். அதாவது வயிறு சார்ந்த பிரச்சனை, வயிற்று வலி பாதிப்பு உள்ளவர்கள் கட்டாயம் பெருஞ்சீரக தண்ணீர் குடிப்பதை தவிர்க்க வேண்டும். மீறினால் இது வயிறு சார்ந்த பிரச்சனையை இன்னும் அதிகமாக்கும்.

மேலும் கர்ப்பிணி பெண்கள் பெருஞ்சீரக தண்ணீர் பருகுவதை அறவே தவிர்க்க வேண்டும். மேலும் Sensitive Skin கொண்டவர்கள் பெருஞ்சீரக தண்ணீர் குடிக்கக்கூடாது. மீறினால் இது தோல் ஒவ்வாமை பிரச்சனையை ஏற்படுத்தும். இதனால் பெருஞ்சீரக தண்ணீர் குடிப்பதற்கு முன்பு டாக்டர் ஒருவரை சந்தித்து ஆலோசனை பெற்று கொள்வது முக்கியமாகும்.

English summary

Fennel is one of the ingredients used for flavoring and flavoring food. Its nutrients also improve physical health. Although this is known to many people, it is something that many people do not know that you can lose weight without any 'diet' by using fennel.