குழந்தை வரத்தை தரும் பழம்.. கிடைப்பதே அரிது.. என்னென்ன நன்மைகள்? மதுவுடன் சாப்பிடவே கூடாது!
சென்னை: பார்க்க கரடுமுரடாக காணப்படும் பழம் ஒன்று பாலுணர்வை தூண்டி குழந்தையின்மைக்கு மருந்தாக செயல்படுகிறது. இது ஒரு சீசனல் பழமாகும்.
தூரியன் பழங்கள் இந்தியாவில் நீலகிரி மாவட்டத்திலும் மேற்கு கடலோரத்தின் சில இடங்களிலும் கேரளாவிலும் பயிரிடப்படுகிறது. இது 30 இனங்களை கொண்டது. இதில் 9 இனங்களை மட்டும் நாம் உணவாக பயன்படுத்துகிறோம். தூரியன் பழங்கள் மிகவும் பெரியவை.
இவை 25 முதல் 50 மீட்டர் உயரம் வரை வளரும். பூமியில் நட்டதுடன் 7 ஆண்டுகளில் பழம் காய்க்கத் தொடங்கும். மகரந்த சேர்க்கை நிகழ்ந்த 3 மாதங்களில் பழங்கள் முதிர்ச்சி அடையும். பழம் 30 செ.மீ நீளத்திலும் 15 செ.மீ. சுற்றளவும் கொண்டிருக்கும். எடை மட்டும் 1 முதல் 3 கிலோ எடையுடன் இருக்கும்.
பழத்தின் தோல் பழுப்பு பச்சை நிறத்தில் காணப்படும். பழத்தில் அறை அறையாக இருக்கும். அதில் வெளீர் மஞ்சள், இளஞ்சிவப்பு, ஆரஞ்சு வண்ணங்களில் கிடைக்கும். ஒவ்வொரு பழமும் 7 விதைகளை கொண்டிருக்கும். இந்த பழத்தின் சதை வெண்ணெய் போல் வாசமிருக்கும். இதுதான் பலருக்கு இந்த பழம் பிடிக்க காரணமாகிறது.
அது போல் நெய் சாப்பிடாதவர்களுக்கு இதன் வாசனை பிடிக்காமல் போகும். இது பழுத்தவுடன் தானாகவே மரத்திலிருந்து கீழே விழும். பழுத்த 5 அல்லது 6 நாட்களில் கெட்டுவிடும். இவற்றை நேரடியாகவே சாப்பிடலாம். இவை கேக், ஐஸ்கிரீம்களிலும் பயன்படுத்தப்படுகிறது. இந்த பழத்தை அதிகமாக உண்ணக் கூடாது.
கர்ப்பிணிகள், ரத்த அழுத்தம் உள்ளவர்கள் இதை உண்ணவே கூடாது. இந்த பழத்தில் ஈஸ்ட்ரோஜன் எனும் பெண்களுக்கான ஹார்மோன் அதிகம் காணப்படுகிறது. இது பெண்களுக்கு குழந்தையின்மையை போக்கும். இது பாலுணர்வை தூண்டும். பாலியல் பிரச்சினைகளை தீர்க்கும். ஆரோக்கியத்தை அள்ளித் தரும் அற்புத டானிக். மூளையின் செரோடோனின் அளவை அதிகரிக்கும் ஆற்றல் உண்டு. இதனால் மனசோர்வை நீக்கி தூக்கத்தை கொடுக்கும்.
இது எடை கூட்டுவதற்கு உதவும். ரத்தத்தில் சர்க்கரை அளவை கட்டுப்படுத்தும், இதய நோயை தடுக்கும். புற்றுநோய் அபாயத்தை குறைக்கும். எலும்புகளையும் மூட்டுகளையும் வலுப்படுத்தும். இது பழங்களின் ராஜா என அழைக்கப்படுகிறது. இது பார்ப்பதற்கு சீதா பழம் போல் இருக்கும். நோய் தொற்றுகளை எதிர்த்து போராடும் வல்லமை உண்டு.
இந்த பழத்தை மது குடித்துவிட்டு சாப்பிடக் கூடாது. இதில் சல்பர் இருப்பதால் இவை ரத்தத்தில் ஆல்கஹாலின் அளவை அதிகரிக்கும். இதனால் வாந்தி, குமட்டல், இதய பிரச்சினைகளை ஏற்படுத்தும். இதில் நார்ச்சத்து, கொழுப்பு, தாதுக்கள், விட்டமின் பி, விட்டமின் சி ஆகியவை உள்ளன.
Click it and Unblock the Notifications
Sign in with Google