தொள தொள தொப்பை.. மளமளன்னு கரையணுமா.. அப்ப வெறும் வயிற்றில் "இதை"யும் சேர்த்துக்குங்க.. ஜஸ்ட் ட்ரை

சென்னை: உடல் எடை குறைய வேண்டும் என்றால், பச்சை காய்கறிகளும், கீரைகளும், தினம் ஒரு பழமும், போதுமான உடற்பயிற்சியும் மிக மிக அவசியம்..

இவைகளை தவிர்த்துவிட்டு, உடல் எடையை குறைப்பது என்பது கொஞ்சம்கூட சாத்தியம் கிடையாது. அதேசமயம், சின்ன சின்ன விஷயங்களில் நாம் கவனம் செலுத்தினால், உடல் எடை குறைய அவை பெரிதும் துணைபுரியும்.

தொப்பை: தொப்பையை குறைக்க வேண்டுமானால், முதலில் குறைக்க வேண்டியது அல்லது தவிர்க்க வேண்டியது உப்புதானாம்.. உப்பு, மைதா, சர்க்கரையை தவிர்த்தாலே பெரிய பாரம் குறைந்துவிடுமாம். அத்துடன் சின்ன சின்ன டிப்ஸ்களை தொடர்ந்து முயற்சிக்கும்போது, எடை குறைவதில் நல்ல வித்தியாசம் தெரியும் என்கிறார்கள்.

தொப்பைக்கு பெரிய எதிரியே இந்த சர்க்கரைதானாம்.. அதனால், சர்க்கரை பதிலாக தேன் சேர்த்துகொள்ளலாம். காலையில் எழுந்ததுமே வெதுவெதுப்பான நீரைக்குடிப்பது, தொப்பையை கரைக்க துணைபுரியும்.. வேண்டுமானால் அதனுடன் எலுமிச்சம் சாறு கலந்து குடித்ததால் இன்னும் சிறப்பு.

புரோட்டீன் மற்றும் நார்ச்சத்துக்கள் நிறைந்த உணவை காலையிலேயே சாப்பிட்டுவிட வேண்டுமாம். இதுதான் அன்றைய நாள் முழுவதும் ஆற்றலை தரக்கூடியது. அத்துடன் நீண்ட நேரத்துக்கு பசியும் தெரியாது. முக்கியமாக, முட்டை, தயிர், பருப்பு வகைகள் இருக்குமாறு காலை உணவு இருந்தால், உடல் எடை குறைவது சுலபமாகிவிடுமாம்.

வேர்க்கடலை: ஸ்நாக்ஸ் நேரத்தில் பிஸ்கட், நொறுக்குதீனி பக்கம் போகாமல், வால்நட், பாதாம், வேர்க்கடலை போன்ற சத்தானவைகளை சாப்பிடலாம். எக்காரணம் கொண்டும் க்ரீன் டீயை மட்டும் விட்டுவிடக்கூடாது. ஒருநாளைக்கு ஒருமுறையாவது இந்த க்ரீன் டீ குடித்துவிட வேண்டும்.

எந்த சமையல் செய்தாலும் பெரும்பாலும் இஞ்சி, பூண்டைஅதிகம் சேர்த்து கொள்ள வேண்டும். எப்போது தண்ணீர் குடித்தாலும், அதில் சீரகத்தையும் சேர்த்து குடித்தால் கூடுதல் சிறப்பை தரும். அதுவும் வெறும் வயிற்றில் 2, 3 டம்பளராவது சீரகத்தண்ணீர் குடிப்பது, அன்றைய நாள் முழுவதும் புத்துணர்ச்சியை தந்துவிடும். வயிறு சுத்தமாகும்.

உணவில் நிறைய புதினாவை சேர்த்து கொள்ள வேண்டும்.. இஞ்சி + சீரகம் சேர்த்து புதினா துவையலை சாப்பிடுவது பல வழிகளில் உடல் எடை குறைய வழிவகுக்கிறது.

ரத்த ஓட்டம்: தேனுடன் கலந்து இவற்றை குடிப்பதால் வயிறு சுத்தப்படுத்தப்படும். இதனால் எளிதில் எடை குறையும். சமையலில் நிறைய பூண்டை சேர்த்து கொள்ளலாம். கெட்ட கொழுப்புகளை வெளியேற்றும். பூண்டில் இருக்கக் கூடிய சல்பூரிக் அமிலம் உடலுக்கு சீரான அமைப்பை கொடுக்கும். ரத்த குழாய்களில் அடைப்புகள் ஏற்படாமல் சீரான ரத்த ஓட்டத்திற்கு உதவுகிறது.

சாயங்கால நேரங்களில், ஒரு கிளாஸ் நீரில், கால் டீஸ்பூன் வெந்தயம், கருஞ்சீரகம், 2 சிட்டிகை ஓமம் சேர்த்து கொதிக்க வைத்து 15 அல்லது 20 நாட்கள் குடிக்கலாம். கருஞ்சீரகம் உள்ளதால், நீண்ட நாட்கள் சாப்பிடக்கூடாது என்பார்கள். தொப்பை குறைய இதுவும் ஒரு சிறந்த டிப்ஸ்..

வெந்தயம்: அல்லது வெந்தயத்தை இரவில் ஊறவைத்து காலையில் அந்த தண்ணீரை சூடாக்கி குடித்தாலும், தொப்பை குறைய துவங்கும்.. அல்லது காலையில், சிறிய வெள்ளரிக்காயை துண்டுகளாக்கி, அதை சொம்பு நீரில் சேர்த்து, எலுமிச்சை சாறு, ஒரு கைப்பிடி புதினா இலை, 2 ஸ்பூன் இஞ்சித்துருவல் சேர்த்து, 2 மணி நேரம் ஊறவைத்துவிட வேண்டும். அதற்கு பிறகு அந்த தண்ணீரை குடித்தால், விரைவில் உடல் எடையில் மாற்றம் தெரிய ஆரம்பிntrக்குமாம்.

அல்லது மதிய நேரத்தில், மோர் + புதினா, இஞ்சி, வெள்ளரிக்காய் என அனைத்தையும் அரைத்து குடிக்கலாம். அல்லது காபி, டீ குடிக்கும்போது, அதனுடன் சிறிது பட்டை தூளை சேர்த்து குடிப்பது உடல் எடை குறைய உதவும்.

தொள தொள தொப்பை: அனைத்தையும்விட, முக்கியமானது, தண்ணீர் குடித்து கொண்டிருந்தாலே அதுவே மிகப்பெரிய டயட்தான்.. ஏனென்றால், உடலில் தண்ணீர் நிறைய இருந்தாலே தேவையற்ற கொழுப்புகள் கரைய துவங்கும் என்கிறார்கள். மொத்தத்தில், சீரான உணவும், முறையான தூக்கமும், ஆரோக்கியமான உடற்பயிற்சியும், 3 லிட்டர் தண்ணீரும் இருந்தாலே போதும்.. தொள தொள தொப்பை, கரைய துவங்கிவிடும்.

English summary

Health Super benefits of Fenugreek Seeds and do you know Fenugreek Seed is the Best Health Tips for weight loss