60 கிலோ உடல் எடையை குறைத்த பெண்.. அதுவும் வெறும் ஒரே ஆண்டில்..! சீக்ரெட்டை பகிர்ந்த இன்ஸ்டா பிரபலம்

Updated: Thursday, January 30, 2025, 15:49 [IST]

Subscribe to Oneindia Tamil

டெல்லி: உடல் பருமன் என்பது இந்தியர்களிடையே அதிகரித்து வரும் பிரச்சினையாக இருக்கிறது. எடை குறைப்பைப் பலரும் முயன்றாலும் கூட அதை அடைய முடிவதில்லை. இதற்கிடையே பெண் ஒருவர் வெறும் ஓராண்டில் சுமார் 60 கிலோ எடையைக் குறைத்துள்ளார். அதுவும் வீட்டில் கிடைக்கும் டயட்டை வைத்தே அவர் இதைச் சாதித்துள்ளார். அவர் என்ன செய்தார்.. எப்படி இந்தளவுக்கு அவரால் எடை குறைக்க முடிந்தது என்பதை நாம் பார்க்கலாம்.

உடல் பருமன் என்பது இப்போது உலகெங்கும் உள்ள மக்கள் எதிர்கொள்ளும் ஒரு மேஜர் பிரச்சினையாக இருக்கிறது. அதிலும் இந்தியர்களிடையே உடல் பருமன் என்பது மேஜர் பிரச்சினையாக உருவெடுத்துள்ளது.

ஆனால், எவ்வளவு முயன்றாலும் பலரால் எடையைக் குறைக்கவே முடிவதில்லை.. ஆனால், இங்கே பெண் ஒருவர் வெறும் ஓராண்டில் சுமார் 60 கிலோ எடையைக் குறைத்துள்ளார்.

ஆபத்தான உடல் எடை:

கடந்தாண்டு ஜனவரி மாதம் ராஜி கங்காஸ் 155 கிலோ இருந்துள்ளார். மேலும், செல்லும் இடமெல்லாம் கேலி, கிண்டலுக்கும் உள்ளானார். கேலி. கிண்டல்களை அவர் பெரிதாக எடுத்துக்கொள்ளவில்லை என்ற போதிலும் அதீத எடை தனது உடலுக்கு ஆபத்தை ஏற்படுத்தும் என்பதை அவர் உணர்ந்தார். அவர் நீரிழிவுக்கு முந்தைய நிலை, அதாவது pre-diabetic பிரச்சினையை எதிர்கொண்டார். மேலும், ஹார்மோன் கோளாறுகளும் ஏற்படத் தொடங்கியது. இப்படியே விட்டால் உயிருக்கே ஆபத்தாகப் போய் முடியும் என்பதை உணர்ந்த அவர் எடை குறைக்கும் முயற்சியில் இறங்கினார்.

மற்றவர்களைப் போல சும்மா பேச்சுக்கு எடை குறைப்பு என சொல்லாமல்.. இவர் சீரிஸயாகவே உடல் எடை குறைப்பில் கவனம் செலுத்தினார். இதன் மூலம் அவரால் ஒரே ஆண்டில் 60 கிலோவுக்கு மேல் எடையைக் குறைக்க முடிந்ததுள்ளது. இதில் குறிப்பிடத்தக்க விஷயம் என்னவென்றால் அவர் டயட் என்று ஏதேதோ எல்லாம் சாப்பிடவில்லை. வீட்டில் வழக்கமாக வாங்கும் பொருட்களை வைத்தே டயட்டை பின்பற்றியுள்ளார்.

கடுமையான டயட்:

டயட்டை கடுமையாகப் பாலோ செய்த அவர், அத்துடன் உடற்பயிற்சிகளையும் மேற்கொண்டார். இதன் மூலம் அவரால் ஒரே ஆண்டில் சுமார் 60 கிலோவுக்கு மேல் எடை குறைக்க முடிந்துள்ளது. இதற்காக கடந்த ஓராண்டில் எடை குறைக்க என்னவெல்லாம் செய்தார் என்பதை அவர் தனது இன்ஸ்டாகிராமிலும் பதிவிட்டுள்ளார்.

வாழ்க்கை முறை மாற்றம்:

உடல் எடை அதிகமாக இருந்த போது ஏகப்பட்ட மருத்துவ பிரச்சினைகளை எதிர்கொண்டதாக அவர் குறிப்பிடுகிறார். அதிக எடையுடன் இருந்ததால் ஹார்மோன் பிரச்சினையை எதிர்கொண்டதாகவும் இதனால் ஒழுங்கற்ற மாதவிடாயை எதிர்கொண்டதாகவும் குறிப்பிடுகிறார். இதனால் நீரிழிவு நோய் ஏற்படும் ஆபத்தும் உருவானதாகக் குறிப்பிடும் அவர், இதனால் வாழ்க்கை முறையை உடனடியாக மாற்ற வேண்டி இருந்ததாகத் தெரிவித்தார். உயிருடன் இருக்க வேண்டும் என்றால் இந்த மாற்றங்களைச் செய்ய வேண்டியது கட்டாயம் என்பதை உணர்ந்து கொண்டதாகவும் அவர் குறிப்பிடுகிறார்.

உணவு என்ன:

ராஜி கங்காஸ் தான் பின்பற்றிய டயட் குறித்த தகவல்களைத் தனது சமூக வலைத்தளங்களிலும் பகிர்ந்துள்ளார். அவர் தினசரி வீட்டிலேயே செய்யும் எளிய டயட் முறையையே பின்பற்றி இருக்கிறார்.

காலை டிரிங்: வெந்தயம் மற்றும் ஓமத்தைத் தண்ணீரில் கொதிக்க வைத்து அதைக் குடிக்கலாம்.

காலை உணவு: காய்கறிகள் அதிகம் உள்ள போஹாவை தயிர் சேர்த்து காலை உணவாக எடுத்துக்கொள்கிறார்.

11 மணிக்கு: சியா விதை கலந்த தண்ணீரைக் குடிக்கலாம்.