Mutton or Chicken: ஆட்டிறைச்சியா? கோழி இறைச்சியா? எது ஆரோக்கியமானது?

சென்னை: இறைச்சிகளில் ஆட்டிறைச்சி சிறந்ததா இல்லை கோழி இறைச்சியா என்ற சந்தேகம் பலருக்கும் இருந்து வருகிறது. ஆடும் வேண்டாம், கோழியும் வேண்டாம் என்று கருதி கடல் உணவுகளை உட்கொள்வோரும் பலர் இருக்கிறார்கள்.

அந்த வகையில் புரதத்திற்கு எது சிறந்தது? ஆட்டிறைச்சியா... கோழி இறைச்சியா? என்ற முழு விவரத்தை பார்க்கலாம்.

மனித உடலுக்கு மிகவும் அவசியமான ஊட்டச்சத்து புரதம். இது தசைகள் வளர, உடல் செல்கள் புதுப்பிக்க, நோய் எதிர்ப்பு சக்தியை உயர்த்த மிக முக்கிய பங்கு வகிக்கிறது.

அசைவ உணவு சாப்பிடுபவர்களுக்கு, ஆட்டிறைச்சி மற்றும் கோழி இறைச்சி இரண்டும் புரதம் நிறைந்த உணவுகள் தான். ஆனால் ஆரோக்கியத்திற்கு எது சிறந்தது? என்பதில் பலருக்கும் குழப்பம் உள்ளது.

ஆய்வு என்ன சொல்கிறது?

தேசிய மருத்துவ நூலகம் (National Library of Medicine) மேற்கோள் காட்டிய ஆய்வுகள் கூறுவதாவது: ஆட்டிறைச்சியில் புரதத்தை விட கொழுப்பு அதிகம்.

அதாவது, 100 கிராம் ஆட்டிறைச்சியில்,
230 - 300 கலோரிகள், சுமார் 25 கிராம் புரதம் இருக்கிறது.

இவ்வாறு அதிக கொழுப்பு உட்கொள்வதால் உடல் எடை அதிகரிப்பு, ரத்த சர்க்கரை (Glucose) உயர்வு, கொழுப்பு மற்றும் டிரைகிளிசரைடு அளவு அதிகரிப்பு, இதய நோய் அபாயம்
என்ற பிரச்சினைகள் ஏற்பட வாய்ப்பு உள்ளது.

குறிப்பாக சர்க்கரை நோய், ரத்த அழுத்தம், கொழுப்பு அதிகம் உள்ளவர்கள் ஆட்டிறைச்சியை அடிக்கடி சாப்பிட வேண்டாம்.

கோழி இறைச்சி - ஏன் சிறந்தது?

தேசிய சிக்கன் கவுன்சில் மற்றும் மருத்துவ ஆய்வுகள் கூறுவதாவது:

100 கிராம் தோல் இல்லாத கோழி மார்பகம்:

165 கலோரிகள் மட்டும்

31 கிராம் புரதம்

இதில் கொழுப்பு மிகக் குறைவு, நிறைவுற்ற கொழுப்பு (Saturated Fat) குறைவு, எளிதில் செரியும் மெலிந்த புரதம் (Lean Protein)

இதனால் உடல் எடை கட்டுப்பாட்டில் இருக்கும். தசைகள் நன்றாக வளரும். நீண்ட நேரம் பசியை கட்டுப்படுத்தும். இதயத்திற்கு பாதுகாப்பானது.

கோழியின் எந்த பகுதி நல்லது?

மார்பக பகுதி (Breast) - மிகச் சிறந்தது

தொடை, கால்பகுதி - கொஞ்சம் அதிக கலோரி

தோலுடன் சாப்பிட்டால் கொழுப்பு அதிகரிக்கும்

அதனால், தோல் நீக்கி சமைத்த கோழி தான் ஆரோக்கியமான தேர்வு.

எடை குறைக்க முயல்பவர்களுக்கு?

கோழி இறைச்சி - மிகச் சிறந்தது

ஆட்டிறைச்சி - அடிக்கடி வேண்டாம்

வயதானவர்கள், நோயாளிகள்?

கோழி இறைச்சி எளிதில் செரியும்

நோய் எதிர்ப்பு சக்தியை உயர்த்தும்

உடல் பலம் தரும்

முக்கியமான அறிவுரை

எந்த இறைச்சியையும் அதிகமாக சாப்பிடுவது நல்லது அல்ல. எண்ணெயில் பொரித்தது, அதிக மசாலா சேர்த்தது தவிர்க்கவும்

வாரத்திற்கு:

கோழி - 2 முதல் 4 முறை

ஆட்டிறைச்சி - 1 முறை (அல்லது 15 நாளுக்கு ஒருமுறை)

ஆரோக்கியம், புரத அளவு, குறைந்த கொழுப்பு ஆகியவற்றை பார்க்கும்போது ஆட்டிறைச்சியை விட கோழி இறைச்சியே சிறந்த தேர்வு, இரண்டையும் மிதமான அளவில் எடுத்தாலும், தினசரி அல்லது அடிக்கடி உணவில் சேர்க்க ஏற்றது - கோழி இறைச்சி தான் என்கிறார்கள்.

பொறுப்பு துறப்பு: ஆட்டிறைச்சியா, கோழி இறைச்சியா என்ற முடிவுக்கு வருவதற்கு முன்னர் உங்கள் மருத்துவ ஆலோசகரையும் நேரில் சந்தித்து அவரது அறிவுரையின்படி நடக்குமாறு கேட்டுக் கொள்கிறோம்.

English summary

Many people are often confused about whether mutton or chicken is the better meat choice for health, while some prefer to avoid both and opt for seafood instead. With each option offering different nutritional benefits, understanding which source provides healthier protein can help make better dietary choices.