சமையல் கேஸ் தட்டுப்பாடா? டயட்டுக்கு நோ எக்ஸ்க்யூஸ்! பேலியோ இருக்கே! 250 ரூபாய் போதும்!

சென்னை: சமையல் கேஸ் தட்டுப்பாட்டால் டயட்டை கடைபிடிக்கமுடியவில்லை என சாக்கு போக்கு சொல்லாமல் பேலியோவை தொடரலாம் என மருத்துவர் ஒருவர் குறிப்பிட்டுள்ளார்.

இதுகுறித்து டாக்டர் ஹரிஹரன் என்பவர் கூறியிருப்பதாவது: "அடுப்பு எரியவில்லை, அதனால் டயட் போச்சு" என்று இனி சாக்குப்போக்கு சொல்லத் தேவையில்லை. சமையல் எரிவாயு இல்லாமலே ஆரோக்கியமான பேலியோ உணவுகளை நாம் உட்கொள்ள முடியும்.
மனமிருந்தால் மார்க்கமுண்டு!

இதோ உங்களுக்கான சில எளிமையான வழிகள்:

காலை உணவு (Breakfast)

🔹 பாதாம்: 60-70 பாதாம் பருப்புகளை ஊறவைக்காமலே பச்சையாக அப்படியே உண்ணலாம்.

🔹 புல்லட் புரூப் காபி: எலக்ட்ரிக் கெட்டில் (Electric Kettle) இருந்தால் பிளாக் காபி தயார் செய்து, அதில் 30 கிராம் வெண்ணெய் அல்லது நெய் கலந்து பருகலாம்.

🔹 மாற்று: பாதாமுக்கு பதிலாக ஒரு முழு தேங்காயை துருவி அல்லது துண்டுகளாக அப்படியே உண்ணலாம்.

மதிய உணவு (Lunch)

🔹 Cheese: சூப்பர் மார்க்கெட்டில் கிடைக்கும் இரண்டு க்யூப் சீஸ் (50g Cheese) அப்படியே சாப்பிடலாம்.

🔹 Natural Fillers: இதனுடன் வீட்டிலிருந்தே கேரட், வெள்ளரிக்காய் மற்றும் ஒரு டம்ளர் கெட்டியான மோர் சேர்த்துக் கொள்ளலாம்.

இரவு உணவு (Dinner - No-Gas Options)

சமையல் எரிவாயு இல்லாமலே கீழே உள்ளவற்றில் ஏதேனும் ஒன்றை முயற்சி செய்யலாம்:

1️⃣ முட்டை: ஆன்லைனில் ₹250-க்கு கிடைக்கும் Electric Egg Boiler ஒரு வரப்பிரசாதம். இதில் 4-5 முட்டைகளை எளிதாக வேகவைக்கலாம். (அல்லது கெட்டிலில் வேகவைக்கலாம்).
2️⃣ பனீர்: இண்டக்ஷன் ஸ்டவ் (Induction) இருந்தால், 5 நிமிடத்தில் 200g பனீரை உப்பு, மிளகாய்ப் பொடி தூவி வறுத்து சாப்பிடலாம்.
3️⃣ நவீன கருவிகள்: Air Fryer அல்லது Oven இருந்தால் சிக்கன், மீன் போன்ற இறைச்சி வகைகளை சமைக்கலாம்.
4️⃣ OPOS முறை: பிரஷர் குக்கர் பயன்படுத்தி மிகக் குறைந்த நேரத்தில் சமைக்கும் முறையைப் பின்பற்றலாம்.

ப்ரோ டிப்: வீட்டில் இட்லி சமைக்கும் போது, இட்லி தட்டிற்கு அடியில் தண்ணீர் கொதிக்கும் போதே முட்டைகளையும் உள்ளே போட்டு வேகவைத்து எரிபொருளை மிச்சப்படுத்தலாம்!

இடையில் பசி எடுத்தால் (Snacks)

✅ உப்பிட்ட லெமன் ஜூஸ்
✅ கொய்யாப்பழம்
✅ கீரை ஸ்மூத்தி
✅ பிஸ்தா பருப்புகள்
ஆரோக்கியமான வாழ்விற்கு தேவை திடமான முடிவு மட்டுமே, அடுப்பு அல்ல! இவ்வாறு அவர் தெரிவித்துள்ளார்.