அன்னாசி பழத்தில் ஆயிரம் நன்மைகள் இருக்கு.. இனி மிஸ் பண்ணவே மாட்டீங்க.. இதை பாருங்க!

சென்னை: அன்னாசிப்பழம் பார்ப்பதற்கு கரடுமுரடான பூப்போல இருந்தாலும், உள்ளே பலாப்பழ சுளை போல இனிப்பாகவும், சற்று புளிப்பு சுவைகொண்ட கோடைகால பழவகைகளில் ஒன்றாகும். இதில் 75% நீர்சத்தும், மீதம் சர்க்கரை, வைட்டமின் ஏ, சி, பொட்டாசியம், நார்சத்து, ப்ரோமிலைன் (Bromelain) என்ற சக்தி வாய்ந்த வேதிப்பொருள் அதிக அளவிலும், மருத்துவ நன்மைகள் உள்ளது.

இப்பழத்தின் முக்கிய தன்மை உடலில் ரத்தத்தை விருத்தி செய்ய, சிறந்த டானிக் மற்றும் பல்வேறு நோய்களுக்கு மருந்தாக செயல்படுகிறது.

அடிக்கடி தலைவலி, ஒற்றை தலைவலிக்கு, விக்கல், தொடர் விக்கல், மூளை கோளாறு, செரிமான பிரச்சனை, மலசிக்கல், கீரைப்பூச்சி வெளியேற, மூட்டு வலி, பற்கள் மற்றும் எலும்புகள் வலிமையாகும், கண் பார்வை தெளிவடைய, பித்தம், பெண்களுக்கு ஏற்படும் வெள்ளைநோய், தொண்டை கரகரப்பு, தொண்டை அழற்சி உடனடி, நிவாரணியாக செயல்படுகிறது பித்தம் சம்பந்தமான வியாதிகள் குணமாக, அன்னாசிப்பழ வற்றல் சாப்பிட்டுவர நல்ல தீர்வு கிடைக்கும்.

எப்படியெனில் வைட்டமின் சி அதிக அளவில் இருப்பதால், உடலுக்கு நல்ல ஆன்டி-ஆக்ஸிடன்ட் ஆக செயல்பட்டு, பல்வேறு நோய் கிருமி தொற்று வராமல் தடுக்கிறது.

வயிற்று பூச்சி வெளியேற: குழந்தைகள் அதிகம் விரும்பி சாப்பிடுவது இனிப்பு வகையான தின்பண்டங்கள், சாக்லேட், அதனால் வயிற்று வலி, கீரைப்பூச்சி போன்ற வயிறு சம்பந்தமான கோளாறுகள் அடிக்கடி ஏற்படும். இதனை சரிசெய்ய, அன்னாசிப்பழ இலையை மைய அரைத்து, ஒரு ஸ்பூன் அளவு அதன் சாறுடன் தேன் கலந்து குடுத்தால், வயிற்று போக்கு ஏற்பட்டு, வயிற்றில் உள்ள பூச்சிகள் வெளியேறிவிடும்.

அசைவ உணவு செரிமானமாக: அசைவ உணவு உட்கொண்ட பிறகு, 1/2 மணி நேரம் கழித்து சிறிதளவு அன்னாசிப்பழம் சாப்பிட்டால், இறைச்சியில் உள்ள புரதசத்து முழுவதும் உறிய செய்து, நன்கு செரிமானம் ஆக உதவும். அன்னாசிப்பழ சாறுடன் நாட்டு சர்க்கரை சேர்த்து ஜூஸ் அருந்தினால், இரும்பு சத்து அதிகரித்து ரத்த சோகை நீங்கும். கருபப்பையில் உள்ள நச்சுக்கள், கழிவுகள், மற்றும் சீரற்ற மாதவிடாய் போன்ற பிரச்சனைகளும் சரிசெய்து, கருபப்பையின் ஆரோக்கியத்தை மேம்படுத்தும். உடலில் ஏற்படக்கூடிய உடல் அசதி, சோர்வு, உட்புறக்காயம், மற்றும் வெளிப்புற காயம், விரைவில் குணமாகும் ஆற்றல் இப்பழத்திற்கு உண்டு.

அன்னாசிப்பழ வற்றல்: நன்கு பழுத்த பழத்தை சிறிய சிறிய துண்டுகளாக நறுக்கி, வெயிலில் உலர்த்தி, வற்றல் பதத்திற்கு காயவைக்க வேண்டும். தினமும் இரவு படுப்பதற்கு முன் ஒரு டம்ளர் பாலில் 3-5 துண்டு அன்னாசிப்பழ வற்றலை 1/2 மணி நேரம் உறவைக்கவேண்டும். ஊறவைத்த அன்னாசிப்பழ வற்றலை தொடர்ந்து 40 நாட்கள் வரை சாப்பிட்டுவந்தால் பித்த கோளாறுகள் நீங்கும். அன்னாசிப்பழ வற்றலை பாலில் ஊறவைத்து, வாரத்தில் 2 முறையாவது குடித்துவந்தால், பெண்களுக்கு ஏற்படும் வெள்ளைநோய் குணமாகும்.

தொப்பை குறைய: உடல் எடை, தொப்பை குறைக்க முயற்சிப்போர், அன்னாசிப்பழம், ஒரு ஸ்பூன் அளவு ஓமம் தண்ணீரில் கலந்து, நன்கு கொதிக்கவைத்து வடிகட்டி, குடித்துவந்தால், விரைவில் தொப்பை குறைத்துவிடும். நல்ல குரல் வளம் விரும்புவோர் தேநீர், காபி பதிலாக, அன்னாசிப்பழ சாற்றில் தேன் கலந்து குடித்து வந்தால், கரகரப்பு நீங்கி, குரல் இனிமையாக மாறும். தொண்டை அழற்சி சரியாக, அன்னாசிப் பழசாறு கொண்டு கொப்பளித்தால், விரைவில் அழற்சி குணமாகும்.

தவிர்க்கவேண்டியவர்கள்: சர்க்கரை நோயாளிகள், அல்சர் பிரச்சனை உள்ளவர்கள் இப்பழத்தை தவிர்ப்பது நல்லது, மேலும் கர்பிணி பெண்கள் கருவுற்ற ஆரம்ப காலத்தில் சாப்பிடுவதை தவிர்த்து, 8 மாதத்திற்கு மேல் சாப்பிட்டுவந்தால், சுகப்பிரசவம் ஆக வாய்ப்புள்ளதாக கூறப்படுகிறது

English summary

Benefits of Pineapple in Tamil/ Annachi Palam (அன்னாசிப் பழத்தின் மருத்துவப் பயன்கள்) : Check out the benefits of Pineapple and its Medicinal uses in Tamil, helps to reduce belly, good for heart, helps to prevent stones in kidney, strengthens bones, good for digestion, also increases blood count, etc., and much more at Oneindia Tamil.