Pcos: பெண்களுக்கு பெரும் எதிரி.. கருப்பை நீர்க்கட்டி என்றால் என்ன? முன்கூட்டியே கண்டறிவது எப்படி?

பெண்களுக்கு ஏற்படும் ஒழுங்கற்ற மாதவிடாய் பிரச்சனைகளும், அறிகுறிகளும்.

சென்னை: இன்று பல பெண்கள் Polycystic Ovarian Disease (Pcos) பிரச்சனையால் பாதிக்கப்பட்டுள்ளனர். 5 இல் 3 பெண்களுக்கு இந்த பிரச்சனை இருப்பதாக ஆய்வில் தெரியவந்துள்ளது. உடலில் மாற்றங்களும் சில அறிகுறிகளும் காணப்படும்போது சரியான முறையில் சிகிச்சை பெற்றால் பெரிய அளவிலான பாதிப்புகளை தவிர்க்கலாம்.

பெண்களின் ஹார்மோன் சுரப்பில் மாற்றங்கள் ஏற்பட்டு மாதவிடாயின் சுழற்சியில் பாதிப்பு ஏற்படுவது, முறையற்ற உணவுமுறைகள், தூக்கமின்மை, மனஅழுத்தம் என்று மற்ற காரணங்களும் இந்த பாதிப்புக்கு காரணமாகும்.

சில முக்கிய அறிகுறிகளை வைத்து பாலிசிஸ்டிக் ஓவரி சிண்ட்ரோம் பிரச்சனையை கண்டறிந்து அவற்றை சிகிச்சை மூலம் சரிசெய்து கொள்ளலாம். பூப்படைந்த புதிய, குழந்தைகளுக்கும், 38 வயதிற்கு மேல் உள்ள பெண்களுக்கும் நீர்க்கட்டி வருவதற்கானஅதிக வாய்ப்புகள் உள்ளன. கர்ப்பமாவதை தடுப்பதில் இது பெரும் பங்கு வகிப்பதால் பெண்களுக்கு மட்டுமல்ல குடும்பத்திற்கே எதிரியாக மாறுகிறது இந்த நோய்.

உடல் பருமன்

முதல் அறிகுறி உடல் எடை கூடுதல், 28 நாள் மாதவிடாய் சுழற்சியில் இருந்து 35-45 நாட்கள் தள்ளி, ஒழுங்கற்ற இரத்தப்போக்கு காணப்படும், ஒழுங்கற்ற மாதவிடாய் நாட்கள் காரணமாக சினைப்பையில் சிறு சிறு நீர்க்கட்டிகள் உருவாகும், இதுவே முதற்கட்ட ஆரம்ப நிலை.

முட்டையில் கட்டி உருவாகுதல்

சிறிய திரவம் போன்ற முதிர்ச்சி அடையாத முட்டைகள் பைகளில் இருக்கும், இவை குறைவாகவும், ஒழுங்கற்ற இரத்த போக்கை வருவிக்கிறது. காலப்போக்கில் இவை பெரிய கட்டியாக வளர்ந்துவிடும்.

முகத்தில் பரு

சில பெண்களுக்கு மாதவிடாய் நாள் வருவதற்கு முன் முகப்பரு வந்தாலும், நாளடைவில் அவை தானாக மறைந்துவிடும். ஆனால் ஆன்ட்ரோஜன் ஹார்மோன்கள் அதிகம் உற்பத்தியாவதால், கழுத்து, மார்பு, மற்றும் முகத்தில் பரு வருதல் இந்த பிரச்சினைக்கான அறிகுறிகளாக கூறப்படுகிறது.

தலை முடி உதிர்வு

ஹார்மோன் சுரப்பு அதிகமாகி தலை முடி கொட்டுதல் மற்றொரு அறிகுறியாகும். சில பெண்களுக்கு உடலில் முகம், கை, கால் மேல்பகுதியில் அதிகம் முடி வளர்தல் போன்ற அறிகுறிகளும் இருக்கும். அறிகுறிகளை பார்த்து, உரிய நேரத்தில் மருத்துவர்களிடம் சென்று சிகிச்சை பெறுவது பல பிரச்சினைகளை தவிர்க்க உதவும்.

English summary

Pcod Problems and Symptoms in Tamil: Check out the Common signs and symptoms of PCOD problem / PCOS in Female including eight gain, infertility, acne, irregular periods and much more in Tamil.