சர்னு வெயிட் குறையணுமா.. அப்ப இதை ட்ரை பண்ணுங்க.. சட்டுனு ஒல்லியாயிடலாம்.. பெஸ்ட் காலை டிபன் இதுதான்

Updated: Wednesday, March 20, 2024, 18:05 [IST]

Subscribe to Oneindia Tamil

சென்னை: காலையில் நாம் எடுத்து கொள்ளும் உணவுதான், அன்றைய நாளுக்கான ஒட்டுமொத்த புத்துணர்ச்சியை தருவதுடன், உடல் எடை குறைவதிலும் முக்கிய பங்காற்றுகிறது. அவை என்னென்ன தெரியுமா?

பெரும்பாலானோர் காலை உணவை தவிர்த்து விடுகிறார்கள்.. அல்லது அவசரத்துக்கு ஏதாவது ஒரு உணவை, வாயில் போட்டுக் கொண்டு ஓடிவிடுகிறார்கள்.. ஆனால், காலை உணவை சரியாக எடுத்து கொள்ள முடியாவிட்டால் வேகவைத்த முட்டையை சாப்பிடலாம் அல்லது வாழைப்பழத்தையாவது சாப்பிட்டு விட வேண்டும் என்கிறார்கள் நிபுணர்கள்.

What are the Super benefits of Cabbage Juice and what are the Best Healthy Breakfast for Weight Loss

வெளியான ஆய்வு: உடல் எடை குறைக்க வேண்டுமானால், காலை உணவு மிகவும் அவசியம் என்கிறார்கள். இதுகுறித்து ஆய்வு ஒன்று முக்கிய தகவலை வெளியிட்டுள்ளது. அதில், உடல் எடையை சீராக பராமரிப்பவர்களில் கிட்டத்தட்ட 97 சதவீதம் பேர், தினமும் காலை உணவை தவிர்க்காமல் எடுத்துக் கொள்பவர்களாக இருக்கிறார்களாம்..

எனவே, அனைவருமே வைட்டமின் C அதிகம் உள்ள உணவுகளை காலையில் சாப்பிட்டே ஆக வேண்டும். காரணம், வளர்சிதை மாற்றத்தை வேகப்படுத்தி, மூளைக்கு அதிகமான ஆக்சிஜனை தரக்கூடியது இந்த வைட்டமின் அதிகமுள்ள உணவுகள்தானாம்.. நாள் முழுவதும் சுறுசுறுப்பாக இயங்க வைப்பதும், இந்த வைட்டமின் சி அதிகமுள்ள உணவுகள்தானாம். முழுக்க சுறுசுறுப்பாக இயங்க முடியும்.

முழு தானியங்கள்: உடைக்காத முழுத்தானியங்களால் செய்யப்பட்ட இட்லி, சம்பா ரவை உப்புமா, கஞ்சி, தோசை, சோள உப்புமா, தவிடு நீக்காத கோதுமை சப்பாத்தி, சிறுதானிய உணவுகள், முளைகட்டிய பயிறுகள், கேழ்வரகு தோசை, போன்றவைகளில் அதிகம் வைட்டமின் C இருக்கிறது.

பால், தயிர், பாலாடைக்கட்டிகள் மூலம் கிடைக்கும் சுண்ணாம்புச்சத்தும் மூளை மற்றும் நரம்பு மண்டலத்துக்குத் தேவையான சக்தியை தருகின்றன.. இவைகளை சாப்பிட முடியாவிட்டாலும்கூட, ஒரு தக்காளி பழத்தையாவது சாப்பிடுவது மிகவும் நல்லதாம்.. அதில் வைட்டமின் C ஏகப்பட்ட அளவு நிறைந்து கிடக்கிறது.

ஓட்ஸ் உப்புமா: இதில் பெரிதும் பலன்தரக்கூடியது, ஓட்ஸ் உணவுதான்.. கலோரிகளும் குறைவு என்பதுடன், கார்போ ஹைட்ரேட்டும் நிறைந்துள்ளது. பீட்டா குளூக்கன் என்ற ஒரு வகை நார்ச்சத்து உள்ளதால், கொழுப்பின் அளவை குறைக்கிறது.. சாதாரண ஓட்ஸையே வாங்கி, வேக வைத்து, தேன், பால், நட்ஸ்களை சேர்த்து சாப்பிடலாம். உடல் எடை குறைக்க வேண்டும் என்று நினைப்பவர்கள் வெறும் ஓட்ஸிலேயே சிறிது காய்கறிகளை வேகவைத்து உப்புமா போல செய்து சாப்பிடலாம். அல்லது கோதுமை அவல் சாப்பிடலாம்..

முட்டைக்கோஸ் காயில் ஜூஸ் போல தயாரித்து குடிக்கலாம்.. பொடிபொடியாக கோஸ், நறுக்கி கொண்டு, அதனுடன் சிறிது இஞ்சி, சீரகம், புதினா இலைகள் சேர்த்து சிறிது தண்ணீர் சேர்த்து நன்றாக அரைத்து ஜூஸை மட்டும் வடிகட்டி எடுத்துக்கொள்ள வேண்டும்.. இதில், சிறிது கல் உப்பு, சிறிது எலுமிச்சம் சாறு, சிறிது மிளகுதூள் சேர்த்தால், முட்டைக்கோஸ் ஜூஸ் ரெடி.

கோஸ் ஜூஸ்: இந்த ஜூஸை காலை வெறும் வயிற்றில் குடித்தால், உடல் எடை குறையுமாம்.. ஏனென்றால், முட்டைகோஸில் கார்போஹைட்ரேட் என்பது சுத்தமாக கிடையாது.. அதனால், இந்த ஜூஸ் குடிக்கும்போது, அதிகமான கொலஸ்டிரால் கரைந்துவிடும்.. தொப்பை, மற்றும் தொங்கும் தசைகளும் குறைய ஆரம்பித்துவிடும்.

அதுபோலவே, சர்க்கரைவள்ளி கிழங்கையும் காலை நேர உணவில் சேர்த்து கொள்ளலாம்.. இதிலும் நார்ச்சத்து அதிகம்.. எனவே, உடலில் தங்கியிருக்கும் தேவையற்ற நச்சுகள், கழிவுகளை வெளியேற்றவும் உதவுவதால், உடல் எடையை குறைக்க நினைப்பவர்களுக்கு இந்த சர்க்கரை வள்ளிக்கிழங்கு பெஸ்ட் சாய்ஸ்..

கிழங்கு உணவு: நார்ச்சத்து போன்ற ஸ்டார்ச் எதிர்ப்பு பொருள் இருப்பதால், அவை உடலில் உறிஞ்சப்படுவதில்லை. கார்போஹைட்ரேட்டுகளுக்கு பதிலாக இதுபோன்ற ஸ்டார்ச் எதிர்ப்பு கொண்ட உணவுகளை சாப்பிடுவது கொழுப்பை எரித்து, பசியை கட்டுப்படுத்தி, வயிறு நிறைந்த திருப்தியை தருகின்றன.

எனவே, உடல் எடையை குறைக்க, வேகவைத்த சர்க்கரை வள்ளிக்கிழங்கை காலை உணவாகவே எடுத்து கொள்ளலாம்.. அல்லது இந்த கிழங்கை சாலட் போலவும், அடுப்பில் சுட்டும் சாப்பிடலாம்.. அடுப்பில் இந்த கிழங்கை சுட்டு எடுத்து, அதை சின்ன சின்ன துண்டுகளாக வெட்டி, மிளகுதூள், சீரக தூள், பிளாக் சால்ட், எலுமிச்சை சாறு கலந்து சாப்பிட்டாலும் பலன் கிடைக்கும்.