மழைக்காலம் வந்தாச்சு.. அடிக்கடி சளி பிடிக்குதா? இதை டிரை பண்ணுங்க.. ஹெல்தியா இருக்கலாம்!

Updated: Tuesday, November 12, 2024, 9:10 [IST]

Subscribe to Oneindia Tamil

சென்னை: மழைக்காலம் வந்துவிட்டாலே, கூடவே மழைக்கால நோய்களும் வர தொடங்கிவிடும். குறிப்பாக பலருக்கும் மழைக்காலங்களில் சளி பிடித்துகொள்ளும். ஒருசிலருக்கு ஒரு வாரத்திற்குள் சரியாகிவிடும். ஆனால் ஒருசிலருக்கு சளியின் தீவிரம் அதிகமாக இருக்கும். இதற்கு வைட்டமின் பற்றாக்குறை தான் காரணம் என்று மருத்துவ நிபுணர்கள் சொல்கிறார்கள். இது பற்றி இங்கு பார்க்கலாம்.

வெயில் காலம் முடிந்து பருவமழைக்காலம் தொடங்கிவிட்டது. இனி ஜனவரி - பிப்ரவரி வரை குளிர்ச்சியான காலம்தான். பொதுவாக குளிர் காலத்தில் சில குளிர் கால நோய்களும் மக்களை தாக்க தொடங்கிவிடும். அதில் குளிர் காலத்தில் பொதுவாக பலருக்கும் சளி பிடிப்பது வாடிக்கையான ஒன்றுதான். சிலருக்கு சளி பிடித்தாலும் அவ்வளவு தீவிரமாக இருக்காது. எளிதாக சரியாகிவிடும்.

வைட்டமின் பற்றாக்குறை: ஆனால் சிலருக்கு சளியின் தீவிரம் அதிகமாக இருக்கும்.. இதற்கு உடலுக்கு அவசியம் தேவைப்படும் வைட்டமின் பற்றாக்குறையும் ஒரு காரணமாக இருக்கலாம் என்பது மருத்துவ நிபுணர்கள் சொல்லும் கருத்தாக உள்ளது. அதாவது வைட்டமின் பி 12 பற்றாக்குறை இருந்தால், எளிதாக உங்களுக்கு சளி பிடிக்கும். ரத்த சிவப்பணுக்கள் மறு உற்பத்தியில் வைட்டமின் பி 12 முக்கிய பங்காற்றுகிறது.

ரத்த சோகை: உடலுக்கு தேவையான ஆக்சிஜன்களை கடத்துவது இந்த சிவப்பணுக்கள்தான். வைட்டமின் பற்றாக்குறை இருந்தால் சிவப்பணுக்களை நமது உடலால் உற்பத்தி செய்ய முடியாது. எனவே பி12 பற்றாக்குறை இருந்தால் ரத்த சோகை போன்றவை ஏற்படலாம். பி 12 பற்றாக்குறையும் அடிக்கடி சளி பிடிக்க ஒரு காரணம் ஆகும். வைட்டமின் பி 12 பற்றாக்குறை இருந்தால் சோர்வாகவும் பலவீனமாகவும் இருக்கும்.

அறிகுறிகள் என்ன?: குமட்டல், வாந்தி அல்லது வயிற்றுப்போக்கு ஆகியவையும் வைட்டமின் 12 க்கான ஒரு காரணமாக இருக்கும். நரம்பு மண்டல செயல்பாடுகளையும் குடல் ஆரோக்கியத்தையும் பி 12 பற்றாக்குறை பாதிக்கும். கவனம் செலுத்துவதில் சிரமம், அறிவாற்றல் மாற்றங்கள் ஆகியவையும் வைட்டமின் பி12 பற்றாக்குறையை காட்டும் அறிகுறிகளில் ஒன்றாகும்.

இது போன்ற அறிகுறிகளை நீங்கள் ஒருங்கிணைந்து உணர்ந்தீர்கள் என்றால், கொஞ்சம் அலர்ட் ஆவது அவசியம். உடனடியாக மருத்துவரை கலந்து ஆலோசித்து அவருடைய அட்வைஸை பெறுவது நல்லது. பி 12 பற்றாக்குறை நீண்டகாலம் இருந்தால், உடல் ஆரோக்கியத்தில் கடுமையான பாதிப்புகளை ஏற்படுத்தக் கூடும். வைட்டமின் பி 12 சத்து நிறைந்த உணவுகள் எவை என்பது குறித்து இங்கே பார்க்கலாம்.

என்னென்ன சாப்பிடலாம்: கொய்யாப்பழத்தில் வைட்டமின் பி12 உள்ளது. கொய்யாவில் வைட்டமின் சி, வைட்டமின் ஏ, வைட்டமின் கே, ஃ போலிக் அமிலம், பொட்டாசியம் மற்றும் நார்ச்சத்து போன்ற சத்துக்களும் அதிகம் நிறைந்துள்ளன. முட்டை, பால், நெய், தயிர், மீன் போன்றவற்றிலும் பி12 அதிகமாக உள்ளது.

இங்கே குறிப்பிட்டுள்ளவை பொதுவான தகவல் என்பதும் தனிப்பட்ட உடல்நலனுக்கு ஏற்றபடி மருத்துவர்களை கலந்து ஆலோசிப்பது சிறந்ததும் என்பதும் மருத்துவ நிபுணர்கள் சொல்லும் கருத்தாக உள்ளது.