பாஜகவின் பிரதமர் வேட்பாளராக குஜராத் முதல்வர் நரேந்திர மோடி இன்று அறிவிப்பு?

டெல்லி: பாரதிய ஜனதா கட்சியின் பிரதமர் வேட்பாளராக குஜராத் முதல்வர் நரேந்திர மோடி இன்று அறிவிக்கப்படக் கூடும் என்று தெரிகிறது.

லோக்சபா தேர்தலில் மோடியை பிரதமர் வேட்பாளராக அறிவிப்பது என்பது கிட்டத்தட்ட ஏகமனதாக பாஜகவில் முடிவெடுக்கப்பட்டாகிவிட்டது. ஆனால் அத்வானி, சுஷ்மா ஸ்வராஜ் மற்றும் முரளி மனோகர் ஜோஷி ஆகியோர் கடும் எதிர்ப்பு தெரிவித்து வருகின்றனர்.

இவர்களை சமாதானப்படுத்தும் முயற்சியில் பாஜகவின் தாய் அமைப்பான ஆர்.எஸ்.எஸ். இயக்கம் மும்முரம் காட்டி வருகிறது. செப்டம்பர் 19-ந் தேதிக்கு முன்பாகவே மோடியை பிரதமர் வேட்பாளராக அறிவித்துவிட வேண்டும் என்பது ஆர்.எஸ்.எஸ். இயக்கத்தின் முடிவு.

இல்லையெனில் இந்த விவகாரத்தில் இழுபறி நீடித்து குழப்பமான நிலை உருவாகிவிடும் என்றும் ஆர்.எஸ்.எஸ். கருதுகிறது. இதனால் அனேகமான உடனே பிரதமர் வேப்டாளர் நரேந்திர மோடி என அறிவிக்குமாறு பாஜக தலைவர் ராஜ்நாத்துக்கு ஆர்.எஸ்.எஸ். இயக்கம் நெருக்கடியும் கொடுத்து வருகிறது.

அனேகமாக இன்றே குஜராத் முதல்வர் நரேந்திர மோடியை பிரதமர் வேட்பாளராக பாஜக அறிவிக்கவும் வாய்ப்பிருப்பதாக அக்கட்சி வட்டாரங்கள் தெரிவிக்கின்றன.

English summary

Narendra Modi could be announced BJP's PM candidate on today decision to name Narendra Modi the party's candidate for prime minister.