சூப்பர் மேனின் 75ம் ஆண்டு நிறைவுவிழா: 7 ‘சூப்பர்’ தங்க, வெள்ளி நாணயங்களை வெளியிட்ட கனடா

டொரண்டோ: பிரபல காமிக்ஸ் கதாபாத்திரமான சூப்பர் மேனின் 75வது ஆண்டு நிறைவு விழாவை ஒட்டி, அவரது உருவம் பொறித்த 7 தங்க, வெள்ளி நாணயங்களை வெளியிட்டுள்ளது கனடா.

உண்மை, நீதி மற்றும் நியாயத்திர்குப் போராடும் காமிக்ஸ் கதாபாத்திரம் சூப்பர்மேன். இந்த காமிக்ஸ் ஹீரோ தோன்றி கிட்டத்தட்ட 75 வருடங்கள் நிறைவு பெற்று விட்டதாம். அதனைக் கொண்டாடும் வகையில், கனடா நாட்டின் டொரண்டோ துண்டாஸ் சதுக்கத்தில் ஒரு விழா ஏற்பாடு செய்யப் பட்டிருந்தது.

நேற்று நடைபெற்ற அந்தவிழாவில், 7 புதிய நாணயங்களை வெளியிட்டது ராயல் கனடா மின்ட். இந்த நாணயங்கள் தங்கம் மற்றும் வெள்ளியால் ஆனவை.

நீதிக்காக போராடும் சூப்பர்மேன்....

உண்மைக்காக, நீதிக்காகப் போராடும் சூப்பர்மேன் கதாபாத்திரம், கனடா நாட்டின் ஜோ ஷஸ்டர் மற்றும் அவரது அமெரிக்க நண்பரான ஜெர்ரி சீகல் ஆகியோரால் 1938ம் ஆண்டு ஜூன் மாதம் உருவாக்கப்பட்டது.

வரலாற்று முக்கியத்துவமிக்க ஆண்டு....

சூப்பர்மேன் கதாபாத்திரத்தின் 75வது ஆண்டு வரலாற்றில் மிக முக்கியத்துவம் வாய்ந்த தருணங்களை வெளிப்படுத்தும் வகையில் இந்த நாணயங்கள் உருவாக்கப்பட்டு உள்ளன.

சூப்பர் மேன் தோற்றம்....

கடந்த 1938ம் ஆண்டு வெளியான கதைகளில் இருந்து எடுக்கப்பட்டவை மற்றும் தி நியூ 52 என்ற காமிக்ஸ் புத்தக கதாபாத்திரத்தில் இருந்து சூப்பர்மேனின் புதிய உடையுடன் கூடிய தோற்றத்தை வெளிப்படுத்தும் ஒரு நாணயமும் வெளியிடப்பட்டு உள்ளது.

ஷஸ்டர் வடிவம்....

ஷஸ்டர் வடிவத்தை வெளிப்படுத்தும் வகையில் உருவாக்கியுள்ள 14 காரட் தங்க நாணயம் 750 டாலருக்கு விற்கப்பட்டு உள்ளது. மற்ற 6 நாணயங்கள் 29.75 டாலர் முதல் 129.75 டாலர் வரை விலை கொண்டவை.

சினிமா....

காமிக்ஸ்ல் இருந்து சூப்பர்மேன் கதாபாத்திரத்தை மையமாக கொண்டு சினிமா மற்றும் டிவி தொடர்கள் உருவாக்கப்பட்டன.

ஸ்மால்வில்லி தொடர்....

இந்த ஸ்மால்வில்லி தொடர்களில் பெரும்பாலும் கனடா நாட்டை சேர்ந்த நடிகர்கள் நடித்துள்ளனர். லாய்ஸ் லேன் ஆக தோன்றும் எரிக்கா டியூரன்ஸ், ஜிம்மி ஆல்சன் ஆக தோன்றும் ஆரன் ஆஷ்மோர் மற்றும் லானா லேங் ஆக தோன்றும் கிறிஸ்டின் கிரியூக் ஆகியோர் கனடாவை சேர்ந்தவர்களே. ஸ்மால்வில்லி தொடர்கள் பெரும்பாலும் பிரிட்டிஷ் கொலம்பியாவில் படமாக்கப்பட்டவையே ஆகும்.

கனடா நாட்டுடன் தொடர்புடையவர்கள்....

இதுவரை வந்த சூப்பர்மேன் படங்களில் நான்கில் மார்கட் கிட்டர், லாய்ஸ் லேன் ஆக நடித்துள்ளார். மேலும், கிறிஸ்டோபர் ரீவ் என்பவரும் வட கனடாவைச் சேர்ந்தவரே ஆவர். பெரும்பாலும், சூப்பர்மேன் கதாபாத்திரத்துடன் நடித்துள்ள நடிகர்கள் கனடா நாட்டுடன் தொடர்பு கொண்டவர்களே.

English summary

The Royal Canadian Mint have launched (9th September) a series of coins marking the 75th anniversary of the first publication of the superhero comic book character “Superman” known all around the world to comic-book enthusiasts as the quintessential “Man of Steel” fighter of crime and upholder of all that is good and moral.