தமிழ்நாடு மின்வாரியத்தில் 500 பயிற்சி பணியிடங்கள்.. டிப்ளமோ முடித்தவர்கள் விண்ணப்பிக்கலாம்

சென்னை: தமிழ்நாடு மின்சார வாரியத்தில் அப்ரெண்டீஸ் எனப்படும் பயிற்சி பணியிடங்களுக்கான அறிவிப்பு வெளியாகியுள்ளது. டிப்ளமோ முடித்தவர்கள் இந்த பணியிடங்களுக்கு விண்ணப்பிக்கலாம்.

டான்ஜெட்கோ தமிழ்நாடு மின்சார வாரியத்தில் காலிப்பணியிடங்கள் அவ்வப்போது முறையான அறிவிப்பு வெளியிடப்பட்டு நிரப்பப்பட்டு வருகின்றன. அதேபோல், பயிற்சி பணியிடங்களும் நிரப்பபடுகின்றன. அந்த வகையில், தற்போது 500 பயிற்சி பணியிடங்களை நிரப்புவதற்கான அறிவிப்பு வெளியாகியுள்ளது. இதற்கான கல்வி தகுதி , வயது வரம்பு, ஊதிய விவரம் உள்ளிட்டவற்றை இங்கே பார்க்கலாம்.

பணியிடங்கள் விவரம்:
எலக்ட்ரிக்கல் மற்றும் எலக்ட்ரானிக்ஸ் இன்ஜினியரிங் - 395 பணியிடங்கள்
எலக்ட்ரானிக்ஸ் அண்ட் கம்யூனிகேஷன் இன்ஜினியரிங் - 22
எலக்ட்ரானிக்ஸ் மற்றும் இன்ஸ்ட்ருமென்டேஷன் இன்ஜினியரிங் - 09
கணினி பொறியியல்/ தகவல் தொழில்நுட்பம் - 09
சிவில் இன்ஜினியரிங் - 15
இயந்திர பொறியியல் - 50
என மொத்தம் 500 இடங்கள் நிரப்பப்படுகின்றன.

கல்வி தகுதி & சம்பளம்: பயிற்சி பணியிடங்களுக்கான கல்வி தகுதியை பொறுத்தவரை துறை சார்ந்த பிரிவில் டிப்ளமோ படிப்பு முடித்து இருக்க வேண்டும். தேர்வு செய்யப்படும் விண்ணப்பதாரர்கள் ஓராண்டு கால பயிற்சி அடிப்படையில் பணியில் சேர்த்து கொள்ளப்படுவார்கள். ஊதியமாக மாதம் ரூ.8 ஆயிரம் வழங்கப்படும்.

தேர்வு முறை: தேர்வு முறையை பெறுத்தவரை மெரிட் லிஸ்ட், மற்றும் சான்றிதழ் சரிபார்ப்பு அடிப்படையில் தகுதியான விண்ணப்பதாரர்கள் தேர்வு செய்யப்படுவார்கள். ஆர்வமும் தகுதியும் உள்ள விண்ணப்பதாரர்கள் ஆன்லைன் வழியே விண்ணப்பிக்கலாம். www.mhrdnats.gov.in , https://nats.education.gov.in என்ற இணையதளங்கள் வாயிலாக தேர்வர்கள் விண்ணப்பிக்கலாம்.
இது பற்றிய முழுமையான விவரங்களை விண்ணப்பதாரர்கள் தேர்வு அறிவிப்பில் தெரிந்து கொள்ளலாம். விண்ணப்பதாரர்கள் விண்ணப்பிக்கும் முன்பு தேர்வு அறிவிப்பை ஒருமுறை நன்கு படித்துக்கொள்ள அறிவுறுத்தப்பட்டுள்ளது.

விண்ணப்பிக்க கடைசி நாள்: 07.02.2024 - முதல் ஆன்லைன் மூலம் விண்ணப்பிக்கலாம். NATS போர்ட்டலில் "TANGEDCO" பணியிடத்திற்கு விண்ணப்பிப்பதற்கான கடைசி நாள் வரும் 20.02.2024 ஆகும். மெரிட் அடிப்படையில் தகுதியான விண்ணப்பதாரர்கள் பட்டியல் 26.02.2024 வெளியாகும்.

சான்றிதழ் சரிபார்ப்பு 05.03.2024 to 08.03.2024 வரை நடைபெற உள்ளது. தேர்வு அறிவிப்பினை படிக்க http://boat-srp.com/wp-content/uploads/2024/02/TANGEDCO_Notification_updated.pdf இங்கே கிளிக் செய்யவும். தேர்வுக்கு விண்ணப்பிக்க https://portal.mhrdnats.gov.in/boat/login/user_login.action என்ற இணையதளத்தில் விண்ணப்பிக்கலாம்.

English summary

Tamil Nadu Electricity Board has announced the notification for Apprenticeships. Diploma candidates can apply for these posts.