வந்தாச்சு! சூப்பர் அறிவிப்பு.. நீங்களும் போலீஸ் சப் இன்ஸ்பெக்டர் ஆகலாம்.. எப்போது விண்ணப்பிக்கலாம்

Updated: Saturday, May 6, 2023, 9:23 [IST]

Subscribe to Oneindia Tamil

சென்னை: தமிழகத்தில் 621 போலீஸ் சப்-இன்ஸ்பெக்டர் பணியிடங்களுக்கு ஆட்களை நிரப்ப தமிழ்நாடு சீருடைப் பணியாளர் தேர்வு வாரியம் அறிவிப்பு வெளியிட்டுள்ளது. இந்த தேர்வுக்கு வரும் ஜூன் 1-ந்தேதி முதல் ஆன்லைனில் விண்ணப்பிக்கலாம் என்றும் தெரிவிக்கப்பட்டுள்ளது.

தமிழக காவல்துறையில் சேர்ந்து பணியாற்ற வேண்டும் என்பது இளைஞர்களுக்கு பலரும் பெரும் கனவாக உள்ளது. வருடக்கணக்கில் இந்த தேர்வுக்காக படிப்பதோடு, காலையிலே மைதானங்களில் உடல் பயிற்சியில் ஈடுபட்டு வரும் ஆயிரக்கணக்கான இளைஞர்களை காண முடியும்.

621 Police Sub Inspector Recruitment, You can apply from June onwards

காவல்துறையில் பணியிடங்களை பொறுத்தவரை தமிழ்நாடு சீருடை பணியாளர் தேர்வு வாரியம் தேர்வு நடத்தி தமிழக காவல்துறை பணியிடங்களில் உள்ள காவலர்கள் மற்றும் சப் இன்ஸ்பெக்டர் உள்ளிட்ட இடங்களை நிரப்பி வருகிறது.

இந்த நிலையில், தமிழ்நாடு சீருடைப் பணியாளர் தேர்வு வாரியம் சார்பில் 621 போலீஸ் சப்-இன்ஸ்பெக்டர் (தாலுகா,ஆயுதப்படை,தமிழ்நாடு சிறப்புக் காவல் படை) பணியிடங்களுக்கு நேரடித் தேர்வு நடைபெறும் என்று அறிவிப்பு வெளியாகியுள்ளது. இந்த தேர்வுக்கு வரும் ஜூன் 1-ம் தேதி முதல் ஜூன் 30- ந் தேதி வரை விண்ணப்பிக்கலாம். இணையதளத்தின் மூலம் மட்டுமே விண்ணப்பிக்க முடியும்.

எழுத்து தேர்வானது வரும் ஆகஸ்ட் மாதம் நடத்த சீருடை பணியாளர் தேர்வு வாரியம் திட்டமிட்டுள்ளது. மொத்தம் உள்ள காலிப்பணியிடங்களில் 20 சதவீதம் போலீஸ்துறையினருக்கு ஒதுக்கப்பட்ட்டு இருக்கிறது

காலிப்பணியிட விவரங்கள்:

காவல் துணை கண்காணிப்பாளர்கள் (தாலுகா) - 366 பணியிடங்கள்
சப் இன்ஸ்பெக்டர் (ஆயுதப்படை) - 145
காவல் துணை கண்காணிப்பாளர்கள் ( TSP) - 110

கல்வித்தகுதி: பல்கலைக்கழக மானியக்குழு / அரசால் அங்கீகரிக்கப்பட்ட பல்கலைக்கழகத்தில் இருந்து ஏதாவது ஒரு இளங்கலை பட்டப்படிப்பை நிறைவு செய்து இருக்க வேண்டும்.

வயது வரம்பு: 20 முதல் 30 - க்குள் இருக்க வேண்டும்

தேர்வு முறை: எழுத்துத்தேர்வு, சான்றிதழ் சரிபார்ப்பு, உடல் நிலைதேர்வுகள் மற்றும் சிறப்பு மதிப்பெண்கள் உள்ளிட்டவைகளை கொண்டது. தமிழ் வழியில் படித்தவர்களுக்கு முன்னுரிமை அளிக்கப்படும்.

தேர்வுக்கட்டணம்: விண்ணப்பதாரர் தேர்வுக்கட்டணமாக ரூ.500 செலுத்த வேண்டும். துறை சார்ந்த விண்ணப்பதாரர்கள் விண்ணப்ப கட்டணமாக ரூ.1,000 செலுத்த வேண்டும். இந்த தேர்வு தொடர்பான மேலும் தகவலை https://www.tnusrb.tn.gov.in/என்ற தமிழ்நாடு சீருடைப் பணியாளர் தேர்வு வாரிய இணையத்தளம் மூலம் அறிந்துக் கொள்ளலாம் .