இந்திய ரயில்வேயில் 3445 பணியிடங்கள்.. வெளியான சூப்பர் அறிவிப்பு.. சம்பளம், தகுதி முழு விவரம்

டெல்லி: இந்திய ரயில்வேயில் கமெர்சியல் கம் டிக்கெட் கிளார்க், அக்கவுண்ட் கிளார்க் கம் டைப்பிஸ்ட், ஜூனியர் கிளார்க், மற்றும் பயிற்சி கிளார்க் ஆகிய பணியிடங்களுக்கான அறிவிப்பு இன்று வெளியாகி உள்ளது. நாடு முழுவதும் மொத்தம் 3445 பணியிடங்கள் ரயில்வேயில் புதிதாக நிரப்பப்பட உள்ளது. இதற்கு தகுதியும் விருப்பமும் உள்ளவர்கள் விண்ணப்பிக்கலாம் என அறிவிக்கப்பட்டுள்ளது.

இந்திய ரயில்வேயில் வேலைக்கு சேர வேண்டும் என்று பலருக்கும் கனவு இருக்கும்.. அப்படி கனவுடன் இருப்பவர்களுக்கு அருமையான வாய்ப்பு உருவாகி உள்ளது. ரயில்வேயில் பல்வேறு மண்டலங்களில் காலிபணியிடங்கள் நிரப்பப்பட உள்ளதாக ரயில்வே தேர்வு வாரியம் (ஆர்ஆர்பி ) சார்பில் இன்று (செப்டம்பர் 21) அறிவிப்பு வெளியிடப்பட்டுள்ளது.

மொத்த காலிபணியிடங்கள்: 3445

கமெர்சியல் கம் டிக்கெட் கிளார்க் பணியிடம்: 2022

கமெர்சியல் கம் டிக்கெட் கிளார்க் பணிக்கு 18 முதல் 33 வயது வரை உள்ளவர்கள் விண்ணப்பிக்கலாம். வழக்கமான வயது தளர்வுடன் கொரோனா காலம் காரணமாக 3 ஆண்டுகள் வரை வயது சலுகை அறிவிக்கப்பட்டுள்ளது.

மாத சம்பளம் ஆரம்ப நிலை : 21700 ரூபாய் (லெவல் 3)

அக்கவுண்ட் கிளார்க் கம் டைப்பிஸ்ட், ஜூனியர் கிளார்க், மற்றும் பயிற்சி கிளார்க் பணியிடங்கள்: 19900

அக்கவுண்ட் கிளார்க் கம் டைப்பிஸ்ட், ஜூனியர் கிளார்க், மற்றும் பயிற்சி கிளார்க் பதவிகளுக்கு 18 முதல் 33 வயது வரை உள்ளவர்கள் விண்ணப்பிக்கலாம். வழக்கமான வயது தளர்வுடன் கொரோனா காலம் காரணமாக 3 ஆண்டுகள் வரை வயது சலுகை வழங்கப்பட்டுள்ளது.

மாத சம்பளம் ஆரம்ப நிலை : 19900 ரூபாய் (லெவல் 2)

விண்ணப்பிப்பது எப்படி: சென்னை, அஹமதாபாத், பெங்களூர், முஸாபர்நகர், கொல்கத்தா, புவனேஸ்வர், திருவனந்தபுரம், மும்பை , சண்டிகர், சிலிகுரி, செகந்திராபாத், ராஞ்சி, பிரக்யாராஜ், பட்னா, மால்டா, சண்டிகர், பிலாஸ்பூர், குவஹாத்தி, கோரக்பூர், ஜம்மு ஸ்ரீநகர், சிலிகுரி உள்பட மண்டல அலுவலகங்களுக்கு தனித்தனியாக உள்ள ஆர்ஆர்பி தளத்தில் விண்ணப்பிக்க வேண்டும்.

விண்ணப்பம் தொடங்கும் தேதி: 21.09.2024

விண்ணப்பிக்க கடைசி தேதி: 20.10.2024

கல்வி தகுதி , முழு சம்பள விவரம் மற்றும் தகுதிகள் உள்பட முழு விவரங்களை https://www.rrbapply.gov.in/என்ற இணையதளத்தில் பார்க்கலாம். அல்லது செய்தியுடன் இணைக்கப்பட்டுள்ள பிடிஎப் பைலில் விவரமாக பார்க்கலாம். எந்த காரணம் கொண்டு அதிகாரப்பூர்வமற்ற இணையதளங்களில் விண்ணப்பித்து ஏமாற வேண்டாம் என்றும், பணம் கொடுத்தால் வேலை கிடைக்கும் என்று வரும் புரோக்கர்களையும் நம்ப வேண்டாம் என்றும் ரயில்வே தேர்வு வாரியம் அறிவித்துள்ளது.

English summary

Commercial cum Ticket Clerk, Account Clerk cum Typist, Junior Clerk and Training Clerk Vacancies in Indian Railways has been released today. A total of 3445 posts are to be newly filled in the railways across the country.