மத்திய அரசு நிறுவனத்தில் வேலை.. 12ம் வகுப்பு தகுதிதான்.. ஆரம்பமே 21,500 சம்பளம்.. மதுரையில் பணியிடம்

Updated: Saturday, June 13, 2026, 11:06 [IST]

Subscribe to Oneindia Tamil

சென்னை: மத்திய அரசு நிறுவனமான விமான நிலைய சரக்கு மற்றும் லாஜிஸ்டிக்ஸ் சேவைகளை வழங்கும் AAICLAS நிறுவனத்தில் பாதுகாப்பு உதவியாளர் (Assistant -Security) பணியிடங்களை நிரப்ப அறிவிப்பு வெளியாகி உள்ளது. மொத்தம் 62 காலிப்பணியிடங்கள் நிரப்பப்படுகின்றன. 12 ஆம் வகுப்பு முடித்தவர்கள் இந்த பணியிடங்களுக்கு விண்ணப்பிக்க முடியும். தேர்வு செய்யப்படும் விண்ணப்பதாரர்களுக்கு ஆரம்ப சம்பளமே மாதம் ரூ.21,500 வழங்கப்படும். தேர்வு செய்யப்படுபவர்கள் திருச்சி, மதுரை உள்ளிட்ட நகரங்களில் பணியமர்த்தப்படுவார்கள்.

AAICLAS என்பது இந்திய விமான நிலைய ஆணையமான Airports Authority of India-யின் துணை நிறுவனமாகும். 2016 ஆம் ஆண்டு தொடங்கப்பட்ட இந்த நிறுவனம், நாடு முழுவதும் உள்ள விமான நிலையங்களில் சரக்கு (Cargo) கையாளுதல், லாஜிஸ்டிக்ஸ் சேவைகள், கிடங்கு வசதிகள் மற்றும் அதனுடன் தொடர்புடைய சேவைகளை நிர்வகித்து வருகிறது. இந்தியாவின் விமான சரக்கு போக்குவரத்து துறையை மேம்படுத்தும் நோக்கில் உருவாக்கப்பட்ட இந்த நிறுவனம், தற்போது பல்வேறு சர்வதேச மற்றும் உள்நாட்டு விமான நிலையங்களில் சேவைகளை வழங்கி வருகிறது. இந்நிறுவனத்தில் தற்போது 62 பணியிடங்களை நிரப்ப அறிவிப்பு வெளியாகி உள்ளது.

காலிப்பணியிட விவரம்

* பாதுகாப்பு உதவியாளர் (Assistant Security) - 62 பணியிடங்கள்

* திருச்சி - 23
* உதய்பூர் - 12
* திருப்பதி - 9
* மதுரை - 9
* புவனேஸ்வர் - 9

கல்வித் தகுதி:

* அங்கீகரிக்கப்பட்ட கல்வி வாரியம் அல்லது கல்வி நிறுவனத்தில் 12ஆம் வகுப்பு தேர்ச்சி பெற்றிருக்க வேண்டும்.
* பொதுப்பிரிவு விண்ணப்பதாரர்கள் குறைந்தபட்சம் 60% மதிப்பெண்களும் , SC/ST பிரிவினர் 55% மதிப்பெண்களும் பெற்றிருக்க வேண்டும்.
* ஆங்கிலம், இந்தி அல்லது உள்ளூர் மொழியை பேசவும் படிக்கவும் தெரிந்திருக்க வேண்டும்.

வயது வரம்பு

* 01.06.2026 தேதியின்படி அதிகபட்ச வயது 27 ஆண்டுகள் .
* SC/ST பிரிவினருக்கு 5 ஆண்டுகள் தளர்வு.
* OBC (NCL) பிரிவினருக்கு 3 ஆண்டுகள் தளர்வு.
* முன்னாள் ராணுவத்தினருக்கு அரசின் விதிமுறைகளின்படி வயது தளர்வு வழங்கப்படும்.

ஊதிய விவரம்

* முதல் ஆண்டு - ரூ.21,500
* இரண்டாம் ஆண்டு - ரூ.22,000
* மூன்றாம் ஆண்டு - ரூ.22,500

தேர்வு முறை

* விண்ணப்பதாரர்கள் முதலில் குறுந்தேர்வு (Shortlisting) செய்யப்படுவர்.
* அதன் பின்னர் நேர்காணல் (Interview) நடத்தப்படும்.

விண்ணப்பக் கட்டணம்

* SC/ST/EWS/பெண்கள் - ரூ.100
* பிற பிரிவினர் - ரூ.500
* ஆன்லைன் மூலம் கட்டணம் செலுத்த வேண்டும்.

முக்கிய தேதிகள்

* ஆன்லைன் விண்ணப்பம் தொடக்கம்: 11.06.2026
* விண்ணப்பிக்க கடைசி நாள்: 02.07.2026

எப்படி விண்ணப்பிப்பது?

தகுதியும் விருப்பமும் உள்ளவர்கள் AAICLAS நிறுவனத்தின் அதிகாரப்பூர்வ இணையதளத்தில் உள்ள Careers பிரிவின் மூலம் ஆன்லைனில் விண்ணப்பிக்கலாம். விண்ணப்பிக்கும் முன் அதிகாரப்பூர்வ அறிவிப்பை முழுமையாக படித்து உறுதி செய்துகொள்ள வேண்டும். இந்த பணியானது நிரந்தர பணி அல்ல, 3 ஆண்டுகள் ஒப்பந்த அடிப்படையிலான பணி ஆகும்.

அதிகாரப்பூர்வ தேர்வு அறிவிப்பினை படிக்க; https://www.aaiclas.aero/uploads/career/AAICLAS8231778658325.pdf