ஆவின் நிறுவனத்தில் 460 காலிப்பணியிடங்கள்.. இளைஞர்கள் வயிற்றில் பால் வார்க்கும் அரசு அறிவிக்கை!

சென்னை: தமிழக கூட்டுறவு பால் உற்பத்தி சங்கம் சார்பில் ஆவின் நிறுவனத்தில் 460 காலிப்பணியிடங்களுக்கான அறிவிக்கையை தமிழக அரசு வெளியிட்டுள்ளது.

மூத்த ஆலை உதவியாளர் (பால் உற்பத்தி) பணியிடத்திற்கு 170 இடங்களும், மூத்த ஆலை உதவியாளர் (ஆய்வகம்) பணியிடத்திற்கு 20 இடங்களும், மூத்த ஆலை உதவியாளர் (கால்நடை), மூத்த ஆலை உதவியாளர் (நிர்வாகம்), மூத்த ஆலை உதவியாளர் (பொறியியல்) தலா 70 இடங்களும் மூத்த ஆலை உதவியாளர் (மார்கெட்டிங்) 60 இடங்களும் என மொத்தம் 460 காலியிடங்கள் உள்ளன.

சென்னை, ஈரோடு, நீலகிரி, திருவண்ணாமலை, சேலம், தஞ்சை ஆகிய மாவட்டங்களில் பணியாற்ற வேண்டும். தேர்வு செய்வோருக்கு ஊதியமாக மாதத்திற்கு 15700 ரூ முதல் 50 ஆயிரம் வரை வழங்கப்படுகிறது.

இதற்காக குறைந்தபட்சம் 18 வயது நிரம்பியவராகவும் அதிகபட்சம் 30 வயது நிரம்பியவராகவும் இருக்க வேண்டும். பிற்படுத்தப்பட்டோர், மிகவும் பிற்படுத்தப்பட்டோருக்கு 32 வயதும், எஸ்சி, அருந்ததியர், எஸ்டி பிரிவினருக்கு 35 வயதும் நிரம்பியிருக்க வேண்டும்.

இந்த பணிக்கு விண்ணப்பிக்க ரூ 250 விண்ணப்பக் கட்டணம் அளிக்க வேண்டும். இதை ஆன்லைன் மூலம் செலுத்தலாம். இந்த பணிக்கு விண்ணப்பிக்க கடைசி தேதி டிசம்பர் 5 ஆகும். இது தொடர்பாக மேலும் விவரங்களுக்கு www.aavinfedrecruitment.com, www.aavinmilk.com என்ற இணையதள முகவரிகளை அணுகலாம்.

English summary

Tamilnadu Cooperative Milk Producers Federation invites online application for 460 vacants.