நோ எக்ஸாம்.. நேர்க்காணல் மட்டுமே.. மாத சம்பளம் ரூ.43,000.. கோவை ஆவினில் அசத்தலான வேலைவாய்ப்பு!

கோவை: தமிழ்நாட்டில் மாவட்ட வாரியாக காலியாக உள்ள ஆவின் பணியிடங்கள் எழுத்து தேர்வு இன்றி நேர்க்காணல் முறையில் நிரப்பப்பட்டு வருகின்றன. அந்த வகையில் கோவை மாவட்ட ஆவினில் காலியாக உள்ள பணியிடங்கள் எக்ஸாம் இன்றி மாதம் ரூ.43 ஆயிரம் ஊதியத்தில் நிரப்பப்பட உள்ளது.

தமிழ்நாடு அரசின் கட்டுப்பாட்டில் இயங்கும் நிறுவனங்களில் ஒன்று ஆவின். இது தமிழ்நாடு பால்வளத்துறை அமைச்சகத்தின் கீழ் இந்த ஆவின் நிறுவனம் செயல்பட்டு வருகிறது. இங்கு காலியாக உள்ள பணியிடங்கள் மாவட்ட வாரியாக நிரப்பப்பட்டு வருகிறது. தற்போது கோவை மாவட்ட ஆவினில் காலியாக உள்ள பணிகளுக்கு ஆட்கள் தேர்வு செய்வதற்கான அறிவிப்பு வெளியாகி இருக்கிறது.

அதன்படி கோவை மாவட்ட கூட்டுறவு பால் உற்பத்தியாளர் யூனியன் லிமிடெட்டில் காலியாக உள்ள வெட்னரி கன்சல்டன்ஸ் (கால்நடை ஆலோசகர்) பணியிடங்களை நிரப்ப முடிவு செய்யப்பட்டுள்ளது. மொத்தம் 4 பேர் தேர்வு செய்யப்பட உள்ளனர். இந்த பணிக்கு இளங்கலை வெட்னரி சயின்ஸ் & அனிமல் ஹஸ்பன்ட்ரி படிப்பை (B.V.Sc. & A.H) அல்லது அதற்கு நிகரான படிப்பை முடித்திருப்பதோடு, கம்ப்யூட்டர் அறிவு பெற்றிருக்க வேண்டும்.

இது ஒரு ஒப்பந்த அடிப்படையிலான தற்காலிக பணியாகும். தேர்வாகும் நபர்கள் 2024 மே மாதம் 31ம் தேதி வரை பணி செய்ய முடியும். மாத சம்பளமாக ரூ.30 ஆயிரம் வழங்கப்பட உள்ளது. மேலும் Propulsion charges ஆக ரூ.8 ஆயிரம், Individual Incentive ஆக ரூ.5 ஆயிரம் வழங்கப்பட உள்ளது. இதன்மூலம் மாதம் ரூ.43 ஆயிரம் வரை சம்பளமாக கிடைக்கும்.

விண்ணப்பம் செய்வோர் 50 வயதுக்குள் இருக்க வேண்டும். இந்த பணிக்கு எழுத்து தேர்வு எதுவும் இல்லை. நேர்க்காணல் மட்டுமே உள்ளது. தகுதி மற்றும் விருப்பம் உள்ளவர்கள் நேரடியாக நேர்க்காணலில் பங்கேற்கலாம். நேர்க்காணல் வரும் 25ம் தேதி காலை 10 மணிக்கு நடைபெற உள்ளது என அறிவிக்கப்பட்டுள்ளது.

தகுதி மற்றும் விறுப்பம் உள்ளவர்கள் தங்களின் பயோடேட்டா, சுயசான்றொப்பமிட்ட கல்வி சான்றிதழ்கள் உள்ளிட்டவற்றுடன் நேர்க்காணலில் பங்கேற்க வேண்டும். நேர்க்காணல் என்பது Coimbatore District Co-operative Milk Producers Limited, Pachapalayam, Kalampalayam Post, Coimbatore-641010 என்ற முகவரியில் நடைபெற உள்ளது.

English summary

On the behalf of District wise Aavin vacancies in Tamil Nadu are being filled through interview without written test. In that way, the Aavin Veterinary Consultant 4 vacant posts in Coimbatore district are to be filled without exam at a salary of Rs.43 thousand per month.