AIIMS Job: எய்ம்ஸ் மருத்துவமனையில் வேலை.. 3,000+ பணியிடங்கள்.. நர்சுகளுக்கு சூப்பர் வாய்ப்பு!

சென்னை: எய்ம்ஸ் மருத்துவமனையில் வேலைவாய்ப்பு அறிவிப்பு வெளியிடப்பட்டுள்ளது. மொத்தம் 3 ஆயிரம் காலிப்பணியிடங்கள் நிரப்பப்பட உள்ளன. தேர்வு செய்யப்படுபவர்களுக்கு மாதம் ரூ.35 ஆயிரம் வரை சம்பளம் வழங்கப்படும். இதற்கு எப்படி விண்ணப்பிப்பது, என்னென்ன கல்வித் தகுதிகள் வேண்டும் என்பனவற்றை இங்கு காணலாம்.

நாட்டின் உயரிய மருத்துவ நிறுவனங்களில் ஒன்றாக எய்ம்ஸ் உள்ளது. மருத்துவக் கல்லூரி மற்றும் மருத்துவ ஆய்வுக்கழகமான எய்ம்ஸ் மத்திய அரசின் சுகாதாரம் மற்றும் குடும்ப நல அமைச்சகத்தின் கீழ் செயல்படுகிறது.

எய்ம்ஸ் மருத்துவமனை வேலை

டெல்லியை தலைமையிடமாக கொண்டு செயல்படும் எய்ம்ஸ் மருத்துவமனை நாட்டின் பல்வேறு நகரங்களில் உள்ளன. தமிழகத்தின் மதுரையிலும் கட்டுமான பணிகள் நடைபெற்று வருகின்றன. எய்ம்ஸ் மருத்துவமனை தரப்பில் இருந்து மெகா வேலை வாய்ப்பு அறிவிப்பு வெளியாகியுள்ளது. அதாவது நர்சிங் முடித்துவிட்டு பணிக்காக காத்து இருப்பவர்களுக்கு பொன்னான வாய்ப்பாக இது அமைந்துள்ளது. இந்த வேலை வாய்ப்பு அறிவிப்பு பற்றி இங்கே பார்க்கலாம்.

பணியிடங்கள் விவரம், கல்வித் தகுதி:

நர்சிங் ஆபிசர்- மூன்றாயிரத்திற்கும் மேற்பட்ட இடங்கங்கள் நிரப்பப்படுகின்றன. கல்வித் தகுதியை பொறுத்தவரை பிஎஸ்சி (ஹான்ஸ்) நர்சிங்/ பிஎஸ்சி நர்சிங், பிஎஸ்சி ( (Post-Certificate), மாநில அல்லது இந்திய நர்சிங் கவுன்சிலில் நர்ஸ் மற்றும் மிட்வைப் (செவிலியர் மற்றும் பிரசவ உதவியாளர்) ஆக பதிவு செய்யப்பட்டிருக்க வேண்டும்.

தேவையான கல்வித் தகுதியைப் பெற்ற பின்பு, குறைந்தது 50 படுக்கைகள் கொண்ட மருத்துவமனையில் இரண்டு ஆண்டுகள் பணி அனுபவம் இருக்க வேண்டும். தேர்வர்கள் கல்வித் தகுதி பற்றிய முழு விவரங்களை தேர்வு அறிவிப்பில் பார்த்து உறுதி செய்து கொள்ளலாம்.

வயது வரம்பு:

16.03.2026 தேதிப்படி 18 வயது முத 30 வயதுக்கு உட்பட்டவர்கள் விண்ணப்பிக்கலாம். அரசு விதிமுறைகளின்படி வயது வரம்பில் தளர்வுகள் அளிக்கப்படுகிறது. எஸ்சி/எஸ்டி பிரிவினருக்கு 5 ஆண்டுகளும் ஒபிசி பிரிவினருக்கு 3 ஆண்டுகளும், பொதுப்பிரிவு மாற்றுத்திறனாளிகளுக்கு 10 ஆண்டுகளும்,

எஸ்சி /எஸ்டி பிரிவை சேர்ந்த மாற்றுத்திறனாளிகளுக்கு 15 ஆண்டுகளும், ஒபிசி பிரிவை சேர்ந்தவர்களுக்கும் 13 ஆண்டுகளும் சலுகை அளிக்கப்படும். அதாவது எஸ்சி /எஸ்டி பிரிவினர் என்றால் 35 வரை விண்ணப்பிக்கலாம். மாற்றுத்திறனாளிகள் என்றால் 40 வயது வரையும் விண்ணப்பிக்கலாம்.

சம்பளம் எவ்வளவு?

தேர்வு செய்யப்படும் நர்சிங் பணியாளர்களுக்கு மத்திய அரசின் ஊதிய கமிஷன் 7-வது படி ரூ. 9,300 - 34,800 ஊதிய வரம்பில் சம்பளம் அளிக்கப்படும்.

தேர்வு முறை

தேர்வு முறையை பொறுத்தவரை நர்சிங் அதிகாரி ஆட்சேர்ப்பு பொது தகுதித் தேர்வு (NORCET) நடைபெறும். அதாவது முதல் நிலைத்தேர்வு, மெயின் தேர்வு அடிபடையில் தேர்வர்கள் தேர்வு செய்யப்படுவார்கள். விண்ணப்ப கட்டணமாக ரூ. 3 ஆயிரம் செலுத்த வேண்டும். பெண்கள் எஸ்சி/எஸ்டி பிரிவினருக்கு ரூ.2,400 கட்டணம் ஆகும்.

விண்ணப்பிப்பது எப்படி?

எய்ம்ஸ் மருத்துவமனை இணையதளத்தில் கொடுக்கப்பட்டுள்ள ஆன்லைன் விண்ணப்ப படிவத்தை பூர்த்தி செய்ய வேண்டும். விண்ணப்ப பதிவு 24.02.2026 முதல் 16.03.2026 மாலை 5 மணி வரை விண்ணப்பிக்கலாம்.

தேர்வு நடைபெறும் நாள்:

முதல் நிலைத்தேர்வு- 11.04.2026 ( சனிக்கிழமை), மெயின் தேர்வு; 30.04.2026-ஆகிய தேதிகளில் நடைபெறும். தேர்வர்கள் தேர்வு அறிவிப்பை படித்து உறுதி செய்து கொள்ள அறிவுறுத்தப்படுகிறார்கள்.
தேர்வு அறிவிப்பினை படிக்க: Click Here

English summary

AIIMS Job: All India Institute of Medical Sciences (AIIMS) has released a recruitment notification to fill 3,000 vacancies. Selected candidates will receive a monthly salary of up to ₹35,000. Applicants can check eligibility criteria, educational qualifications, and the application process details in the official notification.