Amazon ஐடி நிறுவனத்தில் வேலை.. சென்னை உள்பட 5 இடங்களில் நியமனம்.. வாய்ப்பை மிஸ் பண்ணாதீங்க

சென்னை: அமேசான் ஐடி நிறுவனத்தில் காலியாக உள்ள பணியிடங்கள் நிரப்பப்பட உள்ளது. இந்த பணிக்கு தேர்வாகும் நபர்கள் சென்னை, பெங்களூர் உள்பட 5 இடங்களில் நியமனம் செய்யப்பட உள்ளனர்.

அமேசான்.. ஆன்லைன் வர்த்தகம், Cloud கம்ப்யூட்டிங், ஆன்லைன் விளம்பரம், டிஜிட்டல் ஸ்ட்ரிம்மிங், ஏஐ உள்ளிட்ட பல்வேறு துறைகளில் கால்பதித்து செயல்பட்டு வருகிறது. அமெரிக்காவை தலைமையிடமாக கொண்டு செயல்படும் இந்த அமேசான் நிறுவனம் நம் நாட்டிலும் முக்கிய நகரங்களில் இயங்கி வருகிறது.

இந்நிலையில் தான் சென்னையில் செயல்பட்டு வரும் அமேசான் நிறுவனத்தில் காலிப்பணியிடங்கள் நிரப்புவதற்கான அறிவிப்பு வெளியாகி உள்ளது. அதன் விபரம் வருமாறு: தற்போதைய அறிவிப்பின்படி அமேசான் நிறுவனத்தில் Cloud Support Associate பணிக்கு ஆட்கள் தேர்வு செய்யப்பட உள்ளனர்.

இந்த பணி என்பது கஸ்டமர் சப்போர்ட் ரோல் வகையை சேர்ந்ததாகும். விண்ணப்பம் செய்வோர் குறிப்பிட்ட பிரிவில் 0 முதல் 1 ஆண்டு வரை பணி அனுபவம் கொண்டிருக்க வேண்டும். இதன்மூலம் பணி அனுபவம் இல்லாதவர்களும் விண்ணப்பம் செய்யலாம். பணி அனுபவம் கொண்டவர்கள் என்றால் அவர்கள் லினக்ஸ் சிஸ்டம் அட்மினிஸ்ட்ரேஷன் அல்லது டேட்டாபேஸ் டிசைன் மற்றுமுஅ ஆப்டிமேஷன் அல்லது பிக் டேட்டா அனலிஸட் அல்லது நெட்வொர்க் அட்மினிஸ்ட்ரேஷன் அல்லது Dev - opsல் பணியாற்றி இருக்க வேண்டும்.

அதோடு புரோகிராமிங்/ ஸ்கிரிப்டிங் அனுபவம் (Java, Perl, Ruby, C# அல்லது PHP) கொண்டிருக்க வேண்டும். ட்ரபிள் சூட்டிங்/சப்போர்ட் அனுபவம், ஆங்கிலத்தில் சரளமாக பேசவும், எழுதவும் தெரிந்திருக்க வேண்டும். இதுதவிர நெட்வொர்க்கிங் (TCP/IP, DNS, Database) பற்றிய அடிப்படை அறிவு இருக்க வேண்டும். ஓஎஸ் கான்செப்ட்/லினக்ஸ், யூனிக்ஸ் சிஸ்டமர்ஸ் அட்மினிஸ்ட்ரேஷன்ஸ் (Ubuntu, CentOS, RedHat, Solaris) தெரிந்திருக்க வேண்டும்.

தற்போதைய அறிவிப்பின்படி பணிக்கான மாதசம்பளம் பற்றி எதுவும் தெரிவிக்கப்படவில்லை. இதுபற்றி கடைசி கட்ட இண்டர்வியூவில் தெரிவிக்கப்படலாம். பணிக்கு தேர்வாகும் நபர்கள் சென்னை, பெங்களூர், ஹைதராபாத், மும்பை, குர்கிராம் உள்ளிட்ட 5 இடங்களில் ஏதேனும் ஒன்றில் நியமனம் செய்யப்படலாம்.

தகுதி மற்றும் விருப்பம் உள்ளவர்கள் அமேசான் நிறுவனத்தின் இணையதளம் சென்று விண்ணப்பம் செய்யலாம். விண்ணப்பம் செய்வதற்கான கடைசி தேதி குறிப்பிடப்படவில்லை. எப்போது வேண்டுமானாலும் விண்ணப்ப தேதி முடிவுக்கு வரலாம் என்றலா் முன்கூட்டியே விண்ணப்பம் செய்வது நல்லது.

பணிக்கான அறிவிப்பு மற்றும் விண்ணப்பம் செய்ய Click Here

English summary

Amazon Hiring 2024: Amazon hiring for Cloud Support Associate role for 5 locations including Chennai. 0 - 1 years of experience in lunix systems administration or Database Design and Optimization candidates can be apply for this job.