Amazon ஐடி நிறுவனத்தில் வேலை.. சென்னையிலேயே பணி.. செம வாய்ப்பு
சென்னை: பிரபலமான அமேசான் ஐடி நிறுவனத்தில் காலியாக உள்ள பணியிடங்கள் நிரப்பப்பட உள்ளது. இந்த பணிக்கு தேர்வாகும் நபர்கள் சென்னையில் பணியமர்த்தப்பட உள்ளனர்.
அமேசான்.. நாம் அதிகம் கேள்விப்பட்டு இருக்கும் நிறுவனம். இந்த நிறுவனம் ஆன்லைன் வர்த்தகம், க்ளைட் கம்ப்யூட்டிங், ஆன்லைன் விளம்பரம், டிஜிட்டல் ஸ்ட்ரிம்மிங், ஏஐ உள்ளிட்ட பல்வேறு துறைகளில் கால்பதித்து செயல்பட்டு வருகிறது.
அமெரிக்காவை தலைமையிடமாக கொண்டு செயல்படும் இந்த அமேசான் நிறுவனம் அமெரிக்காவை தலைமையிடமாக கொண்டு செயல்பட்டு வருகிறது. இந்நிலையில் தான் சென்னையில் இயங்கி வரும் அமேசான் நிறுவனத்தில் காலிப்பணியிடங்கள் நிரப்புவதற்கான அறிவிப்பு வெளியாகி உள்ளது. அதன் விபரம் வருமாறு:
சென்னை பெருங்குடியில் அமேசான் நிறுவனம் செயல்பட்டு வருகிறது. இந்த நிறுவனத்தில் 3 வகையான பணிக்கு ஆட்கள் தேர்வு செய்யப்பட உள்ளனர். அதன்படி டிவைஸ் அசோசியேட் (Device Associate), குவாலிட்டி சர்வீசஸ் (Quality Services), ரீடர்ஸ் ஓபிஎஸ் (Reader Ops.) பணிக்கு ஆட்கள் தேர்வு செய்யபப்ட உள்ளனர்.
இந்த பணிக்கு விண்ணப்பம் செய்வோர் இளங்கலை பிரிவில் ஏதேனும் ஒரு பிரிவில் பட்டப்படிப்பை முடித்திருக்க வேண்டும். QA மெத்தோடோலஜி அண்ட் டூல்ஸ் (Methodology and Tools) தெரிந்திருக்க வேண்டும். சாப்ட்வேர் டெஸ்ட்டிங் அனுபவம் மற்றும் சான்றிதழ் படிப்பு முடித்திருந்தால் இன்னும் பிளஸ் பாயிண்டாகும்.
இந்த பணிக்கு தேர்வாகும் நபர்கள் பணி என்பது டெஸ்ட்டிங் சாப்ட்வேருக்கு தேவையான எக்ஸிக்கியூட் டெஸ்ட் கேசஸ் கொடுப்பது, அதில் உள்ள பிழைகளை திருத்துவது உள்ளிட்ட பணிகளை செய்ய வேண்டி இருக்கும். மேலும் ஆங்கிலத்தில் பேசவும், எழுதவும் தெரிந்திருக்க வேண்டும். ஆண்கள், பெண்கள் என்று இருதரப்பினரும் பணிக்கு விண்ணப்பம் செய்யலாம்.
தற்போதைய அறிவிப்பின்படி பணிக்கான மாதசம்பளம் பற்றி எதுவும் தெரிவிக்கப்படவில்லை. தகுதி மற்றும் திறமையை பொறுத்து சம்பளம் என்பது நிர்ணயம் செய்யப்படும். விருப்பம் உள்ளவர்கள் அமேசான் நிறுவனத்தின் இணையதளம் சென்று விண்ணப்பம் செய்யலாம். விண்ணப்பம் செய்வதற்கான கடைசி தேதி குறிப்பிடப்படவில்லை. இதனால் முன்கூட்டியே விண்ணப்பம் செய்வது நல்லது.
பணிக்கான அதிகாரப்பூர்வ அறிவிப்பு மற்றும் விண்ணப்பம் செய்ய Click Here
Click it and Unblock the Notifications
Sign in with Google