டிகிரி ஓகே.. பெங்களூர் கூகுள் நிறுவனத்தில் ஆண்டுக்கு ரூ.6 -13 லட்சம் சம்பளத்தில் வேலை.. நல்ல சான்ஸ்

சென்னை: பெங்களூரில் செயல்பட்டு வரும் கூகுள் நிறுவனத்தில் ஆண்டுக்கு ரூ.6 லட்சம் முதல் ரூ.13 லட்சம் சம்பளத்தில் அனலிஸ்ட் பணிக்கு ஆட்கள் தேர்வு செய்யப்பட உள்ளனர். அதன் விபரம் வருமாறு:

இந்தியா உள்பட உலகம் முழுவதும் அதிகமானவர்களால் பயன்படுத்தும் சர்ச் என்ஜினாக (Search Engine) கூகுள் உள்ளது. அமெரிக்காவை தலைமையிடமாக கொண்டு கூகுள் செயல்பட்டு வருகிறது. இந்தியாவில் பெங்களூரில் கூகுள் நிறுவனம் அமைந்துள்ளது.

இந்நிலையில் தான் பெங்களூரில் செயல்பட்டு வரும் கூகுளில் காலியாக உள்ள பணியிடங்கள் நிரப்பப்பட்டு வருகிறது. அந்த வகையில் கூகுள் நிறுவனத்தில் Compliance Operations Analyst பணிக்கு ஆட்கள் தேர்வு செய்யப்பட உள்ளனர்.

இந்த பணிக்கு தேர்வாகும் நபர்கள் நிதி நிலைமையை ஆராயவும், வணிக மேலாண்மையை கண்காணிப்பது உள்ளிட்டவற்றை செய்ய வேண்டியிருக்கும். இந்த பணிக்கு விண்ணப்பம் செய்வோர் இளங்கலை இளங்கலை பட்டப்படிப்பை பிசினஸ், அக்கவுண்டிங், ஃபைனான்ஸ் அல்லது அதற்கு நிகரான படிப்பை முடித்திருக்க வேண்டும்.

மேலும் கான்ட்ராக்ட் மேனேஜ்மென்ட்/ஆபரேஷன் அல்லது சேல்ஸ் ஆபரேஷன்ஸ், அக்கவுண்டிங், ஃபைனான்ஸ், டிரான்ஸ்பார்மேஷன்ஸ் உள்ளிட்ட பிரிவுகளில் பணி அனுபவம் கொண்டிருக்க வேண்டும். மேலும் கம்யூனிகேஷன் திறமை நன்றாக இருக்க வேண்டும். குறிப்பாக ஆங்கிலத்தில் நன்றாக உரையாடும் திறன் கொண்டிருக்க வேண்டும்.

இந்த பணிக்கு தேர்வாகும் நபர்களுக்கு ஆண்டுக்கு ரூ.6 லட்சம் முதல் ரூ.13 லட்சம் வரை சம்பளம் வழங்கப்படலாம் என கூறப்படுகிறது. அதன்படி பார்த்தால் குறைந்தபட்சம் ரூ.50 ஆயிரம் முதல் ரூ.1.10 லட்சம் வரை சம்பளம் கிடைக்கும். ஆனால் சம்பளத்தின் இறுதி வடிவம் என்பது தகுதி மற்றும் திறமையை பொறுத்து தான் அமையும்.

இந்த பணிக்கு தேர்வாகும் நபர்கள் பெங்களூரில் உள்ள கூகுள் நிறுவனத்தில் பணியமர்த்தப்படுவார்கள். தகுதி மற்றும் விருப்பம் உள்ளவர்கள் மே மாதம் 4ம் தேதிக்குள் Google-லின் அதிகாப்பூர்வ இணையதளம் மூலம் ஆன்லைனில் விண்ணப்பம் செய்ய வேண்டும்.

பணிக்கான அறிவிப்பு மற்றும் விண்ணப்பம் செய்ய Click Here

English summary

Google hiring for Compliance Operations Analyst jobs in Bangalore. Salary will be given from Rs. 6 lakhs to Rs. 13 lakhs per annum.