Capgemini ஐடி நிறுவனத்தில் புதிய வேலைவாய்ப்பு.. சூப்பர் சான்ஸை மிஸ் பண்ணாதீங்க

சென்னை: பிரபல ஐடி நிறுவனங்களில் ஒன்றாக கேப்ஜெமினியில் இருந்து புதிய வேலைவாய்ப்பு குறித்த அறிவிப்பு என்பது வெளியாகி உள்ளது. தகுதி மற்றும் விருப்பம் உள்ளவர்கள் கேப்ஜெமினி இணையதளம் சென்று பணிக்கு விண்ணப்பம் செய்யலாம்.

நம் நாட்டில் இயங்கி வரும் முன்னணி ஐடி நிறுவனங்களில் கேப்ஜெமினி (Capgemini) ஒன்றாகும். இந்த நிறுவனம் பிரான்ஸை தலைமையிடமாக கொண்டு உலகின் பல்வேறு இடங்களில் செயல்பட்டு வருகிறது.

இந்நிலையில் தான் கேப்ஜெமினி நிறுவனத்தில் இருந்து புதிய வேலைவாய்ப்பு குறித்த அறிவிப்பு என்பது வெளியாகி உள்ளது. அதன் முழுவிபரம் வருமாறு:

தற்போதைய அறிவிப்பின்படி கேப்ஜெமினி நிறுவனத்தில் டேட்டா இன்ஜினியர் (Data Engineer) பணிக்கு ஆட்கள் தேர்வு செய்யப்பட உள்ளனர். இந்த பணிக்கான கல்வி தகுதியாக எதுவும் குறிப்பிடப்படவில்லை. ஆனால் விண்ணப்பம் செய்வோருக்கான சில முக்கிய ஸ்கில்ஸ் இருக்க வேண்டும் என்று தெரிவிக்கப்பட்டுள்ளது.

அதன்படி கேப்ஜெமினியின் டேட்டா இன்ஜினியர் பணிக்கு விண்ணப்பம் செய்வோருக்கு பைத்தான் (Python) தெரிந்திருக்க வேண்டும். பாப்புலர் மெஷின் லேனிங் லைப்ரேரிஸ் மற்றும் பிரேம்வொர்க்ஸ்களான TensorFlow, Keras, Scikit-learn பற்றிய புரிதல் இருக்க வேண்டும் என தெரிவிக்கப்பட்டுள்ளது.

மேலும் K-Means, hierarchical clustering, decision tress, support vector machines, random forests தெரிந்திருக்க வேண்டும். நல்ல கம்யூனிகேஷன் திறமை இருக்க வேண்டும். டேட்டா பேசஸ், MySQL பற்றி தெரிந்திருக்க வேண்டும். இந்த பணிக்கு 0 முதல் 2 ஆண்டு வரை பணி அனுபவம் கொண்டிருக்க வேண்டும் என்று தெரிவிக்கப்பட்டுள்ளது. அதன்படி மேற்கூறிய தகுதியுடன் பணி அனுபவம் இல்லாமல் இருந்தாலும் கூட விண்ணப்பம் செய்யலாம்.

இந்த பணிக்கு தேர்வாகும் நபர்களுக்கான மாதசம்பளம் பற்றி தற்போது எதுவும் தெரிவிக்கப்படவில்லை. நேர்க்காணலின்போது சம்பளம் பற்றி தெரிவிக்கப்படும். தகுதி மற்றும் விருப்பம் உள்ளவர்கள் Capgemini இணையதளம் சென்று விண்ணப்பம் செய்யலாம். விண்ணப்பம் செய்வதற்கான கடைசி தேதி எதுவும் தெரிவிக்கப்படவில்லை.

ஏனென்றால் இந்த பணிக்கான அறிவிப்பு என்பது கடந்த மாதம் 21ம் தேதி வெளியாகி உள்ளது. இதனால் எப்போது வேண்டுமானாலும் விண்ணப்பதற்கான விண்டோ முடிவுக்கு வரலாம். இதனால் இந்த பணியை விரும்புவோர் முடிந்தவரை சீக்கிரமாக விண்ணப்பம் செய்வது நல்லது.
பணிக்கு தேர்வாகும் நபர்கள் பெங்களூரில் உள்ள கேப்ஜெமினி அலுவலகத்தில் நியமனம் செய்யப்பட உள்ளனர்.

பணி குறித்த அறிவிப்பு மற்றும் விண்ணப்பம் செய்ய Click Here

English summary

Capgemini hiring 2024: Capgemini recruitment for Data Engineer in Bangalore. 0 to 2 years experience candidates should apply for this jobs.