‛பெண்கள் மட்டும்’.. ரூ.4 லட்சம் சம்பளத்தில் ஐடி வேலை.. Capgemini-யில் விண்ணப்பிக்க இன்று கடைசி நாள்

சென்னை: பிரபல ஐடி நிறுவனமான கேப்ஜெமினியில் (Capgemini) சாப்ட்வேர் இன்ஜினியர் பணிக்கு ஆட்கள் தேர்வு செய்யப்பட உள்ளனர். இந்த பணிக்கு விண்ணப்பம் செய்ய இன்று (செப்டம்பர் 29) கடைசி நாளாகும். 2023-2024ம் ஆண்டில் படிப்பை முடித்து பணி அனுபவம் இல்லாதவர்களும் விண்ணப்பம் செய்யலாம்.

Capgemini (கேப்ஜெமினி).. நம் நாட்டில் உள்ள முன்னணி ஐடி நிறுவனங்களில் ஒன்று இதுவாகும். இந்த நிறுவனம் பிரான்ஸை தலைமையிடமாக கொண்டு செயல்பட்டு வருகிறது. நம் நாட்டில் பல்வேறு முக்கிய நகரங்களில் பெங்களூர், மும்பை, புனே, சென்னை உள்பட பல இடங்களில் இந்த நிறுவனம் செயல்பட்டு வருகிறது.

கேப்ஜெமினி நிறுவனத்தில் இருந்து அடுத்தடுத்து வேலைவாய்ப்பு பற்றிய அறிவிப்புகள் வெளியாகி வருகின்றன. அந்த வகையில் சாப்ட்வேர் இன்ஜினியர் பணிக்கு விண்ணப்பம் செய்வதற்கான தேதி இன்றுடன் (செப்டம்பர் 29) முடிவுக்கு வர உள்ளது.

அதாவது கேப்ஜெமினி நிறுவனத்தில் தற்போது சாப்ட்வேர் பணிக்கு பெண்கள் மட்டும் தேர்வு செய்யப்பட உள்ளனர். பிஇ, பிடெக், எம்இ, எம்டெக் பிரிவில் ஏதாவது ஒரு துறையில் படிப்பை முடித்தவர்கள் விண்ணப்பம் செய்யலாம். அதேபோல் எம்சிஏ, எம்எஸ்சி பிரிவில் கம்ப்யூட்டர் சயின்ஸ், இன்பர்மேஷன் டெக்னாலஜி பிரிவில் படிப்பை முடித்தவர்களும் விண்ணப்பம் செய்யலாம். 2023-2024ம் ஆண்டில் படிப்பை முடித்தவர்களும் விண்ணப்பம் செய்யலாம்.

விண்ணப்பம் செய்வோருக்கு நல்ல கம்யூனிகேஷன் திறமை இருக்க வேண்டும். நல்ல அனலிட்டிக்கல் ஸ்கில், பிரச்சனைகளை தீர்க்கும் திறமை இருக்க வேண்டும். அதுமட்டுமின்றி டீமாக சேர்ந்து பணியாற்றும் திறமை இருக்க வேண்டும் என தெரிவிக்கப்பட்டுள்ளது.

இந்த பணிக்கு தேர்வாகும் நபர்களுக்கு ஆண்டு சம்பளமாக ரூ.4 லட்சம் நிர்ணயம் செய்யப்பட்டுள்ளது. இதுதவிர ஒரு நேர இன்செட்டிவ்வாக ரூ.25 ஆயிரம் வழங்கப்படும். இதனால் முதல் ஆண்டு ரூ.4.25 லட்சம் சம்பளமாக கிடைக்கும். பணிக்கு தேர்வாகும் நபர்கள் மும்பை, புனே, பெங்களூரில் நியமனம் செய்யப்பட உள்ளனர். இதுதவிர தேவை என்றால் பிற இடங்களுக்கும் சென்று பணியாற்ற ரெடியாக இருக்க வேண்டும் என்று தெரிவிக்கப்பட்டுள்ளது.

இந்த பணிக்கு விண்ணப்பம் செய்வோருக்கு Active DigiLocker அக்கவுண்ட் கண்டிப்பாக இருக்க வேண்டும். மேலும் ஆதார் எண்ணுடன் இணைக்கப்பட்ட செல்போன் எண் இருக்க வேண்டும். தகுதி மற்றும் விருப்பம் உள்ளவர்கள் Capgemini நிறுவனத்தின் அதிகாரப்பூர்வ அறிவிப்பின் வழியாக ஆன்லைனில் விண்ணப்பம் செய்ய வேண்டும்.

பணி குறித்த அறிவிப்பு மற்றும் விண்ணப்பம் செய்ய Click Here

English summary

Capgemini Hiring 2024: Capgemini recruitment for Software Engineer only for woman candidates. Selected candidates will be appointed for 3 location such as Mumbai, Pune and Bangalore. Candidates who are eligible can apply for this job today up to 11.59 PM.