6 இலக்க மாதசம்பளம்.. 570 இடங்களுக்கு ஆள்தேடும் ‛சிடாக்’.. சென்னையில் வேலை செய்ய சூப்பர் வாய்ப்பு!

மத்திய அரசின் கட்டுப்பாட்டில் உள்ள சிடாக் மையத்தில் காலியாக உள்ள 570 பணியிடங்களை நிரப்புவதற்கான அறிவிப்பு வெளியிடப்பட்டள்ளது.

சென்னை: மத்திய எலக்ட்ரானிக்ஸ் மற்றும் தகவல் தொழில்நுட்பத்துறை அமைச்சகத்தின் கட்டுப்பாட்டில் உள்ள சிடாக் மையத்தில் ஏராளமான பணியிடங்களை நிரப்புவதற்கான அறிவிப்பு வெளியிடப்பட்டுள்ளது. பணிக்கு தேர்வாகும் நபர்களுக்கு ஆண்டுக்கு ரூ.3.6 லட்சம் முதல் அதிகபட்சமாக ரூ.22.9 லட்சம் வரை சம்பளம் வழங்கப்பட உள்ளது. தேர்வாகும் நபர்கள் சென்னை, பெங்களூர், திருவனந்தபுரம் உள்பட பல்வேறு முக்கிய நகரங்களில் பணியமர்த்தப்படுவார்கள்.

மத்திய எலக்ட்ரானிக்ஸ் மற்றும் தகவல் தொழில்நுட்பத்துறை அமைச்சகத்தின் கட்டுப்பாட்டில் சிடாக் (C-DAC) எனும் மஉயர்கணினி மேம்பாட்டு மையம் (Centre for Development of Advanced Computing) செயல்பட்டு வருகிறது.

இது பல்வேறு உயர் கணிணி தொழில்நுட்பங்களை பயன்படுத்துவது தொடர்பான பணிகளை மேற்கொண்டு வருகிறது. தற்போது இந்த மையத்தில் காலியாக உள்ள பணியிடங்களை நிரப்புவதற்கான அறிவிப்பு வெளியிடப்பட்டுள்ளது. அதன் விபரம் வருமாறு:

காலியிடங்கள் எவ்வளவு?

‛சிடாக்' மையத்தில் மொத்தம் 4 பிரிவுகளில்570 பணியிடங்கள் நிரப்பப்பட உள்ளது. இதில் ப்ராஜெக்ட் அசோசியேட்ஸ் பணிக்கு 30 பேர், ப்ராஜெக்ட் என்ஜினீயர்/மார்க்கெட்டிங் எக்ஸிக்யூட்டிவ் பணிக்கு 300 பேர், ப்ராஜெக்ட் மேனேஜர்/ப்ரோகிராம் மேனேஜர், ப்ரோகிராம் டெலிவரி மேனஜர் உள்ளிட்ட பணிகளுக்கு 40 பேர், சீனியர் ப்ராஜெக்ட் என்ஜினீயர், ப்ராஜெக்ட் லீட் ஆபிசர் பணிக்கு 200 என மொத்தம் 570 பேர் தேர்வு செய்யப்பட உள்ளனர்.

வயது வரம்பு என்ன?

பணிக்கு விண்ணப்பம் செய்வோர் ப்ராஜெக்ட் அசோசியேட்ஸ் பணிக்கு 30 வயதுக்குள்ளும், ப்ராஜெக்ட் என்ஜினீயர்/மார்க்கெட்டிங் எக்ஸிக்யூட்டிவ் பணிக்கு 35 வயதுக்குள்ளும் இருக்க வேண்டும். ப்ராஜெக்ட் மேனேஜர்/ப்ரோகிராம் மேனேஜர், ப்ரோகிராம் டெலிவரி மேனஜர் உள்ளிட்ட பணிகளுக்கு 50 வயதுக்குள்ளும், சீனியர் ப்ராஜெக்ட் என்ஜினீயர், ப்ராஜெக்ட் லீட் ஆபிசர் பணிக்கு 40 வயதுக்குள்ளும் இருக்க வேண்டும்.

கல்வி தகுதி என்ன?

பணிக்கு விண்ணப்பம் செய்ய விரும்புவோர் மத்திய அல்லது மாநில அரசால் அங்கீகரிக்கப்பட்ட கல்வி நிறுவனங்களில் பிஇ, பி.டெக், எம்இ, எம்டெக், பட்ட மேற்படிப்பு அல்லது பிஎச்டி படிப்பை முடித்திருப்பவர்கள் விண்ணப்பம் செய்யலாம். பணிக்கு தேர்வாகும் நபர்கள் சென்னை, பெங்களூர், டெல்லி, ஹைதராபாத், கொல்கத்தா, திருவனந்தபுரம், பாட்னா, புனே உள்ளிட்ட முக்கிய நகரங்களில் பணியமர்த்தப்படுவார்கள்.

மாத சம்பளம் என்ன?

ப்ராஜெக்ட் அசோசியேட்ஸ் பணிக்கு தேர்வாகும் நபர்களுக்கு ஆண்டுக்கு குறைந்தபட்சமாக ரூ.3.6 லட்சம் முதல் அதிகபட்சமாக ரூ.5.04 லட்சம் வரையும், ப்ராஜெக்ட் என்ஜினீயர்/மார்க்கெட்டிங் எக்ஸிக்யூட்டிவ் பணிக்கு ஆண்டுக்கு ரூ.4.49 லட்சம் முதல் ரூ.7.11 லட்சம் வரையும் சம்பளமாக வழங்கப்படும். ப்ராஜெக்ட் மேனேஜர்/ப்ரோகிராம் மேனேஜர், ப்ரோகிராம் டெலிவரி மேனஜர் பணிக்கு தேர்வாகும் நபர்களுக்கு ஆண்டுக்கு ரூ.12.63 லட்சம் முதல் ரூ.22.9 லட்சம் வரையும், சீனியர் பணிக்கு ஆண்டுக்கு ரூ.8.49 லட்சம் முதல் ரூ.14 லட்சம் வரையும் சம்பளம் வழங்கப்பட உள்ளது.

விண்ணப்பம் செய்வது எப்படி?

தகுதி மற்றும் விருப்பம் உள்ளவர்கள் பிப்ரவரி 20ம் தேதிக்குள் cdac.in இணையதளம் வழியாக ஆன்லைனில் விண்ணப்பம் செய்ய வேண்டும்.

பணிக்கு விண்ணப்ப கட்டணம் எதுவும் நிர்ணயம் செய்யப்படவில்லை. விண்ணப்பம் செய்வோர் எழுத்து தேர்வு மற்றும் நேர்க்காணல் முறையில் தேர்வு செய்யப்படுவார்கள்.

பணி தொடர்பான அதிகாரப்பூர்வ அறிவிப்பு பார்த்து ஆன்லைனில் விண்ணப்பம் காண Click Here

அதிகாரப்பூர்வ இணையதளம் செல்ல Click Here

English summary

A notification has been issued to fill up a large number of posts in the C-DAC Center under the control of the Union Ministry of Electronics and Information Technology. Aspirants will be offered a salary ranging from Rs 3.6 lakh to a maximum of Rs 22.9 lakh per annum. Candidates will be posted in various major cities including Chennai, Bangalore, Thiruvananthapuram.