மாதம் 1 லட்சம் சம்பளத்தில் சென்ட்ரல் வங்கியில் வேலை.. 350 பணியிடங்கள்.. யாரெல்லாம் விண்ணப்பிக்கலாம்!

சென்னை: மத்திய அரசின் பொதுத்துறை வங்கிகளில் ஒன்றான சென்ட்ரல் வங்கியில் வேலைவாய்ப்பு அறிவிக்கப்பட்டுள்ளது. மார்க்கெட்டிங் ஆபிசர் பணியிடங்கள் நிரப்பப்பட உள்ளது. தேர்வு செய்யப்படும் விண்ணப்பதாரர்களுக்கு மாதம் ரூ.1 லட்சம் வரை சம்பளம் வழங்கப்படும்.

சென்ட்ரல் பேங்க் ஆஃப் இந்தியா (CBI), நாட்டின் முன்னணி பொதுத்துறை வங்கிகளில் ஒன்றாகும். மும்பையை தலைமையிடமாக கொண்டு செயல்படும் இந்த வங்கிக்கு தமிழகம் உள்பட நாடு முழுவதும் கிளைகள் இருக்கின்றன. ஆயிரக்கணக்கான ஊழியர்கள் பணிபுரிந்து வருகிறார்கள்.

பணியிடங்கள் விவரம்:

சென்ட்ரல் பேங்க் ஆஃப் இந்தியா வங்கியில் ஏற்படும் காலிப்பணியிடங்கள் அவ்வப்போது உரிய அறிவிப்புகள் வெளியிடப்பட்டு நிரப்பப்பட்டு வருகின்றது. அந்த வகையில் தான் தற்போது 350 அதிகாரி பணியிடங்களை நிரப்ப அறிவிப்பினை வெளியிட்டு இருக்கிறது. இந்த பணியிடங்களுக்கு யார் யார் விண்ணப்பிக்க முடியும் என்பது குறித்த விவரங்களை இங்கே பார்க்கலாம்.

* வெளிநாட்டுப் பரிவர்த்தனை அதிகாரி (Foreign Exchange Officer) - 50 காலிப்பணியிடங்கள்
* சந்தைப்படுத்துதல் அதிகாரி (Marketing Officer) - 300 காலிப்பணியிடங்கள் என மொத்தம் 350 பணியிடங்கள் நிரப்பப்படுகின்றன.

கல்வித் தகுதி:

வெளிநாட்டுப் பரிவர்த்தனை அதிகாரி பணிக்கு விண்ணப்பிக்க, ஏதேனும் ஒரு பிரிவில் பட்டம் பெற்றிருந்தால் போதும். CFA/CA அல்லது சம்பந்தப்பட்ட துறையில் MBA முடித்தவர்களுக்கு முன்னுரிமை வழங்கப்படும். வணிக வங்கியில் குறைந்தது ஐந்தாண்டு அதிகாரியாகப் பணிபுரிந்த அனுபவம் கட்டாயம்.

மார்க்கெட்டிங் ஆபிசர் பணியிடத்திற்கு டிகிரி முடித்திருக்க வேண்டும். கூடுதலாக இரண்டு ஆண்டுகள் கொண்ட MBA / PGDBA / PGDBM / PGPM / PGDM முடித்திருக்க வேண்டும். மற்றும் பணி சார்ந்த அனுபவமும் கேட்கப்பட்டுள்ளது.

வயது வரம்பு:

01.01.2026 அன்று தேதிப்படி வயது வரம்பானது கணக்கில் கொள்ளப்படும். இதன்படி
* வெளிநாட்டுப் பரிவர்த்தனை அதிகாரி பதவிக்கு 25 முதல் 35 வயது வரை உள்ளவர்கள் விண்ணப்பிக்கலாம்.
* சந்தைப்படுத்துதல் அதிகாரி பதவிக்கு 22 முதல் 30 வயது வரை உள்ளவர்கள் விண்ணப்பிக்க முடியும்.

* அரசு விதிகளின்படி குறிப்பிட்ட பிரிவினருக்கு வயது வரம்பில் தளர்வுகள் உண்டு. பட்டியல் இனத்தவர்/பழங்குடியினருக்கு ஐந்து ஆண்டுகளும், பிற்படுத்தப்பட்ட வகுப்பினருக்கு மூன்று ஆண்டுகளும், சலுகைகள் உண்டு.

சம்பளம் என்ன?

* வெளிநாட்டுப் பரிவர்த்தனை அதிகாரிகளுக்கு மாதம் ரூ.85,920 முதல் ரூ.1,05,280 வரை வழங்கப்படும்.
* சந்தைப்படுத்துதல் அதிகாரிகளுக்கு ரூ.44,480 முதல் ரூ.85,920 வரை சம்பளம் கிடைக்கும்.

விண்ணப்ப கட்டணம்:

ஆன்லைன் எழுத்துத் தேர்வு மற்றும் அதைத் தொடர்ந்து நடைபெறும் நேர்முகத் தேர்வு மூலம் பணியிடங்கள் நிரப்பப்படும். விண்ணப்பக் கட்டணமாக, பட்டியல் இனத்தவர், பழங்குடியினர், முன்னாள் படைவீரர்கள் மற்றும் மாற்றுத்திறனாளிகளுக்கு ₹175/- செலுத்த வேண்டும். மற்ற அனைத்து விண்ணப்பதாரர்களும் ₹850/- செலுத்த வேண்டும். இந்தக் கட்டணத்தை ஆன்லைன் முறையில் மட்டுமே செலுத்த முடியும்.

தகுதியும் ஆர்வமும் உள்ளவர்கள் அதிகாரப்பூர்வ இணையதளத்தில் (http://www.centralbankofindia.bank.in/) சென்று ஆன்லைன் மூலமாக விண்ணப்பிக்கலாம். விண்ணப்பிக்க கடைசி தேதி வரும் பிப்ரவரி 3 ஆம் தேதியாகும்.

தேர்வு அறிவிப்பினை படிக்க: http://www.centralbankofindia.bank.in/

English summary

Central Bank of India, a public sector bank under the Union Government, has announced recruitment for Marketing Officer posts. Graduates are eligible to apply for these positions. Selected candidates will receive a monthly salary of up to ₹1 lakh, offering an attractive opportunity in the banking sector.