அசத்தலான பணி.. கைநிறைய சம்பளம்.. மத்திய நிலக்கரி நிறுவனத்தில் குவிந்திருக்கும் வேலைவாய்ப்பு! ரெடியா?

டெல்லி: மத்திய நிலக்கரி பீல்ட் லிமிடெட் காலியாக ஏராளமான பணியிடங்களை நிரப்புவதற்கான அறிவிப்பு வெளியாகி உள்ளது. இந்த பணிக்கு தினம் மற்றும் மாத சம்பளம் அடிப்படையில் ஊதியம் வழங்கப்படுகிறது. தினசரி சம்பளம் என்றால் ரூ.1,087 -ம், மாதஊதியம் என்றால் ரூ.31,852-ம் வழங்கப்பட உள்ளது.

மத்திய நிலக்கரித்துறை அமைசக்கத்தின் கட்டுப்பாட்டில் மத்திய நிலக்கரி பீல்ட் லிமிடெட்(Central Coalfields Limited) நிறுவனத்தில் காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது. அதன்படி மைனிங் சிர்தார் (Mining Sirdar) பணிக்கு 77 பேர், எலக்ட்ரிசியன் /டெக்னீசியன் பணிக்கு 126 பேர், துணை சர்வேயர் பணிக்கு 20 பேர், உதவி போ்மென் (எலக்ட்ரிக்கல்) பணிக்கு 107 பேர் என மொத்தம் 330 பேர் தேர்வு செய்யப்பட உள்ளனர்.

மைனிங் சிர்தார் பணிக்கு 10ம் வகுப்பு அல்லது அதற்கு நிகரான படிப்பை முடித்திருப்பதோடு மைனிங் சிர்தார் சான்று அல்லது டிப்ளமோ மைனிங் என்ஜினீயரிங் படிப்பை முடித்திருக்க வேண்டும். எலக்ட்ரிசீயன் பணிக்கு 10ம் வகுப்பு அல்லது அதற்கான நிகரான படிப்போடு ஐடிஐயில் எலக்ட்ரிசீயன் படிப்பை முடித்திருக்க வேண்டும். துணை சர்வேயர் பணிக்கு 10ம் வகுப்பு அல்லது அதற்கான நிகரான படிப்புடன் மைன்ஸ் சர்வே சான்று பெற்றிருக்க வேண்டும். உதவி போர்மென் (எலக்ட்ரிக்கல்) பணிக்கு டிப்ளமோ எலக்ட்ரிக்கல் என்ஜினீயரிங் படிப்பை முடித்திருக்க வேண்டும்.

இந்த பணிக்கு ஓபிசி, எஸ்சி, எஸ்டி பிரிவினருக்கானது. விண்ணப்பத்தாரர்கள் குறைந்தபட்சம் 18 வயது நிரம்பி இருக்க வேண்டும். எஸ்சி, எஸ்டி பிரிவினர் 35 வயதுக்குள்ளும், ஒபிசி பிரிவினர் 33 வயதுக்குள்ளும் இருக்க வேண்டும். மைனிங் சிர்தார், துணை சர்வேயர், உதவி போர்மென்(எலக்ட்ரிக்கல்) பணிக்கு தேர்வாகும் நபர்களுக்கு மாதம் ரூ.31,852 சம்பளமாக வழங்கப்படும். எலக்ட்ரிசீயன்/டெக்னீசியன் பணிக்கு தினமும் ரூ.1,087.17 சம்பளமாக வழங்கப்படும்.

தகுதி மற்றும் விருப்பம் உள்ளவர்கள் www.centralcoalfields.in இணையதளம் மூலம் விண்ணப்பம் செய்ய வேண்டும். விண்ணப்பம் செய்ய வரும் 19ம் தேதி கடைசி நாளாகும். விண்ணப்பம் செய்வோர் கம்யூட்டர் Based தேர்வு மூலம் தேர்வு செய்யப்படுவார்கள்.

பணி தொடர்பான அதிகார்ப்பூர்வ அறிவிப்பை காண Click Here

பணிக்கு விண்ணப்பம் செய்ய Click Here

English summary

Central Coal Field Limited has released a notification to fill up a large number of vacancies. This job is paid on daily and monthly basis. Daily salary is Rs.1,087 and monthly salary is Rs.31,852.