மத்திய அரசு வேலை.. அதுவும் கோவையிலேயே பணி.. 10ஆம் வகுப்பு முடித்தவர்களும் விண்ணப்பிக்கலாம்.. ரெடியா

கோவை: கோவையில் உள்ள வன மரபியல் மற்றும் மர வளர்ப்பு நிறுவனத்தில் (IFGTB) உள்ள காலிப்பணியிடங்கள் நிரப்புவதற்கான அறிவிப்பு வெளியாகியுள்ளது. இதற்கான கல்வி தகுதி உள்ளிட்ட விவரங்களை கீழே பார்க்கலாம்.

மத்திய சுற்றுச்சூழல் துறை மற்றும் வனத்துறை, பருவ நிலை மாறுபாடு அமைச்சகத்தின் கீழ் செயல்படும் வன மரபியல் மற்றும் மர வளர்ப்பு நிறுவனம் (IFGTB) கோவையில் செயல்பட்டு வருகிறது. கோவை ஆர்.எஸ் புரத்தில் உள்ள இந்த இன்ஸ்ட்டிடியூஷனில் காலியாக உள்ள 6 பணியிடங்களை நிரப்புவதற்கான அறிவிப்பு வெளியாகியுள்ளது.

காலிப்பணியிடங்கள் விவரம்: மல்டி டாஸ்கிங் ஸ்டாப் (MTS) - 03 பணியிடங்கள், டெக்னிக்கல் அஸ்சிஸ்டன்ட் -03 பணியிடங்கள் என மொத்தம் 6 பணியிடங்கள் நிரப்படுகின்றன. இதில் எம்.டி.எஸ் பணியிடங்கள் மாற்றுத்திறனாளிகளுக்கும், டெக்னிக்கல் அஸ்சிஸ்டண்ட் பணி EWS மற்றும் எஸ்.சி பிரிவினருக்கும் ஒதுக்கப்பட்டுள்ளன. இது பற்றிய முழுமையான விவரங்களை கீழே கொடுக்கப்படும் தேர்வு அறிவிப்பாணை லிங்கில் தெரிந்து கொள்ளலாம்.

கல்வி தகுதி: எம்.டி.எஸ் பணியிடத்திற்கு அங்கீகரிக்கப்பட்ட கல்வி வாரியங்களில் இருந்து 10 ஆம் வகுப்பு தேர்ச்சி பெற்றிருக்க வேண்டும். 3 வருட பணி அனுபம் இருந்தால் கூடுதல் முன்னுரிமை அளிக்கப்படும். டெக்னிக்கல் அஸ்சிஸ்டன்ட் பணியிடத்திற்கு சயின்ஸ் (BOTANY) பிரிவில் இளங்கலை பட்டம் முடித்து இருக்க வேண்டும். அதேபோல், டெக்னிக்கல் அஸ்சிஸ்டன்ட் மெயிண்டனன்ஸ் பணியிடத்திற்கு பி.எஸ்.சி ,டிப்ளமோ இன் கம்ப்யூட்டர் சயின்ஸ் /இன்பர்மேஷன் டெக்னாஜி உள்ளிட்ட ஏதேனும் ஒரு துறையில் பட்டம் பெற்று இருக்க வேண்டும்.

வயது வரம்பு: எம்.டி.எஸ் பணியிடத்திற்கு 37 - வயதுக்கு (PWBD) மிகாமல் இருக்க வேண்டும். டெக்னிக்கல் அஸ்சிஸ்டண்ட் பணியிடத்திற்கு (ஃபீல்டு/லேப்) -30 வயதுக்கு மிகாமல் இருக்க வேண்டும். டெக்னிக்கல் அஸ்சிஸ்டண்ட் மெயிண்டனன்ஸ் பணியிடத்திற்கு 35 வயதுக்கு மிகாமல் இருக்க வேண்டும்.

சம்பளம் எவ்வளவு: மல்டி டாஸ்கிங் பணிக்கு ரூ.18 ஆயிரம் சம்பளமும் டெக்னிக்கல் அஸ்சிஸ்டண்ட் பணியிடத்திற்கு ரூ. 29,200 சம்பளமும் வழங்கப்படும். விண்ணப்பதாரர்கள் எழுத்து தேர்வு மூலம் தேர்வு செய்யப்படுவார்கள். இந்த பணியிடங்களுக்கு விண்ணப்பிக்க வரும் 30.09.2023 கடைசி நாளாகும்.

தேர்வு குறித்த முழு விவரங்கள் மற்றும் விண்ணப்பிக்க https://ifgtb.icfre.gov.in/jobs/vacancy40.01%202023.pdfஎன்ற இணையதளத்தில் தெரிந்து கொள்ளலாம். தகுதியும் ஆர்வமும் உள்ள விண்ணப்பதாரர்கள் இந்த லிங்கை கிளிக் செய்து https://ifgtbrecruitment.org/IFGTB/Candidate/index 31.08.2023 காலை 10 மணி முதல் விண்ணப்பம் செய்து கொள்ளலாம்.

English summary

Institute of Forest Genetics and Tree Breeding (IFGTB), Coimbatore has announced the recruitment of 06 posts. The details including educational qualification for this can be seen below.