லயோலா கல்லூரியில் வேலை.. 40 பணியிடங்கள்.. 10 ஆம் வகுப்பு கல்வி தகுதிதான்.. உடனே அப்ளை பண்ணுங்க

சென்னை: சென்னை நுங்கம்பாக்கத்தில் உள்ள லயோலா கல்லூரியில் காலியாக உள்ள 40 பணியிடங்களை நிரப்ப அறிவிப்பு வெளியாகியுள்ளது. டைப்பிஸ்ட், அலுவலக உதவியாளர், ரெக்கார்டு கிளர்க் உள்ளிட்ட பணியிடங்கள் உள்ளன. இதற்கு எப்படி விண்ணப்பிப்பது? யார் யார் விண்ணப்பிக்க முடியும் என்பது பற்றிய முழு விவரங்களை இங்கே பார்க்கலாம்.

சென்னை லயோலா கல்லூரியில் பேராசிரியர் அல்லாத பணியிடங்களை நிரப்புவதற்கான அறிவிப்பானது வெளியிடப்பட்டுள்ளது. நுங்கம்பாக்கத்தில் அமைந்துள்ள லயோலா கல்லூரி சென்னையின் மிகவும் பிரபலமான கல்லூரிகளில் ஒன்றாகும். இந்த கல்லூரியில் காலியாக இருக்கும் டைப்பிஸ்ட், அலுவலக உதவியாளர் உள்ளிட்ட பணியிடங்கள் நிரப்பப்பட உள்ளன. மொத்தம் எத்தனை பணியிடங்கள் உள்ளன? கல்வி தகுதி என்ன? வயது வரம்பு உள்ளிட்டவை பற்றிய விவரங்களை இங்கே பார்க்கலாம்.

பணியிடங்கள் விவரம்:
டைப்பிஸ்ட் - 02
ஆய்வக உதவியாளர் - 09
ரெக்கார்டு கிளர்க் - 03
அலுவலக உதவியளர் - 08
தூய்மை பணியாளர் - 06
வாட்ச்மேன் - 02
வாட்டர்மேன் - 02
தோட்ட பராமரிப்பாளர் - 02
Scavenger - 02
மார்க்கர் - 03
ஸ்டோர் கீப்பர் - 01
என மொத்தம் 40 பணியிடங்கள் நிரப்பப்படுகின்றன.

கல்வி தகுதி: டைப்பிஸ்ட் பணிக்கு விண்ணப்பிக்க விரும்புபவர்கள் பத்தாம் வகுப்பு தேர்ச்சியுடன் டைப்பிங்க் தெரிந்து இருப்பது அவசியம். ஆய்வக உதவியாளர், ரெக்கார்டு கிளர்க் பணிக்கு பத்தாம் வகுப்பு தேர்ச்சி பெற்று இருந்தால் போதும்.இதர அனைத்து பணியிடங்களுக்கும் எட்டாம் வகுப்பு தேர்ச்சி பெற்றிருந்தால் போதுமானது.

வயது வரம்பு: விண்ணப்பதாரர்களுக்கு வயது உச்ச வரம்பாக 30 நிர்ணயிக்கப்பட்டுள்ளது. எஸ்.சி/எஸ்.டி பிரிவினர் 35 வயது வரையிலும், பிசி/எம்பிசி பிரிவினர் 32 வயது வரையும் விண்ணப்பிக்கலாம்.

தேர்வு முறை: தகுதியான விண்ணப்பங்கள் பரிசீலிக்கப்பட்டு நேர்முகத்தேர்வு அடிப்படையில் விண்ணப்பதாரர்கள் தேர்வு செய்யப்படுவார்கள். தகுதியும் ஆர்வமும் உள்ள விண்ணப்பதாரர்கள் ஆஃப்லைனில் விண்ணப்பிக்க வேண்டும்.

விண்ணப்பிக்க வேண்டிய முகவரி:
"The Secretary & Correspondent, Loyola College,
Chennai - 600 034."
என்ற முகவரிக்கு தங்களின் விண்ணப்பித்தினை அனுப்பலாம்.

விண்ணப்பதாரர்கள் பயோ டேட்டாவை
[email protected] என்ற முகவரிக்கும் அனுப்பலாம். விண்ணப்பிக்க அவகாசம் தொடங்கிய நாள்: 24.01.2025, விண்ணப்பிக்க கடைசி நாள்: 02.02.2025

கூடுதல் தகவல்களை விண்ணப்பதார்கள் https://www.loyolacollege.edu/ இணையதளத்தில் தெரிந்து கொள்ளலாம்.

English summary

Loyola College, Nungambakkam, Chennai has announced a recruitment notification for 40 vacant posts. The posts include typist, office assistant, and record clerk. How to apply? You can see the full details about who can apply here.