மாதஊதியம் ரூ.56,900..10ம் வகுப்பு முடித்தவரா நீங்க? சென்னை என்ஐடிடிடிஆர் நிறுவனத்தில் சூப்பர் வேலை!

சென்னை: சென்னையில் உள்ள தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனத்தில் காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது. 10ம் வகுப்பு முடித்தவர்கள் விண்ணப்பம் செய்வதன் மூலம் மாதம் குறைந்தபட்சம் ரூ.18,000 முதல் அதிகபட்சமாக ரூ.56,900 வரையிலான சம்பளத்தில் வேலையை பெற முடியும்.

மத்திய கல்வித்துறையின் கட்டுப்பாட்டில் சென்னை தரமணியில் தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனம் (National Institute Of Technical Teachers Training And Research or NITTTR) செயல்பட்டு வருகிறது. இங்கு காலியாக உள்ள பணியிடங்களை நிரப்புவதற்கான அறிவிப்பு வெளியாகி உள்ளது. அந்த அறிவிப்பின் முக்கிய விபரங்கள் வருமாறு:

சென்னை தேசிய தொழில்நுட்ப ஆசிரியர் பயிற்சி மற்றும் ஆராய்ச்சி நிறுவனத்தில் மல்டி டாஸ்க்கிங் ஸ்டாப் (Multi Tasking Staff)பிரிவில் காலியாக உள்ள 34 பணியிடங்கள் நிரப்பப்பட உள்ளது. பணிக்கு தேர்வு செய்யப்படுவோர் வேலை செய்யும் இடத்தில் தூய்மையை பராமரித்தில், ஆவண பரிமாற்றம், ஆவண பாதுகாப்பு, மெயில் அனுப்புதல், ஜெராக்ஸ் எடுத்தல், அலுவலகத்தில் தினமும் நடக்கும் பணிக்கான டைரியை பராமரித்தல் உள்ளிட்ட பிற பணிகளை செய்ய வேண்டி இருக்கும்.

இந்த பணிக்கு விண்ணப்பம் செய்வோர் அரசு, அரசு உதவி பெறுவது அல்லது சுயாட்சியுடன் இயங்கும் கல்வி நிறுவனங்களில் பணியாற்றி ஓராண்டு அனுபவம் கொண்டிருக்க வேண்டும். அதோடு 35 வயதுக்குள் இருக்க வேண்டும். மேலும் விண்ணப்பத்தாரர்கள் 10 ம் வகுப்பு அல்லது அதற்கு நிகரான படிப்புகளை முடித்திருக்க வேண்டும் என பணி தொடர்பான அதிகாரப்பூர்வ அறிவிப்பில் கூறப்பட்டுள்ளது.

இந்த பணிக்கு தேர்வாகும் நபர்களுக்கு மாதம் குறைந்தபட்சமாக ரூ.18,000, அதிகபட்சமாக ரூ.56,900 வரை சம்பளம் வழங்கப்படும். தகுதி மற்றும் விருப்பம் உள்ளவர்கள் https://www.nitttrbpl.ac.in/ இணையதளம் மூலம் ஜூலை மாதம் 17 ம் தேதி மாலை 5.30 மணிக்குள் விண்ணப்பம் செய்ய வேண்டும். ஏதேனும் சந்தேகங்கள் இருப்பின் +91 94451 41467, 044 22545436 ஆகிய எண்களையும், [email protected] எனும் இ-மெயிலை தொடர்பு கொள்ளலாம்.

மேலும் விண்ணப்பத்துக்கான ஹார்ட் காபி மற்றும் சுயஒப்பமிட்ட சான்றிதழ்களை ஸ்பீட் போஸ்ட், கூரியர் மூலம் ஜூலை மாதம் 31ம் தேதி மாலை 5.30 மணிக்குள் அனுப்பி வைக்க வேண்டும். இந்த விண்ணப்பங்களை அனுப்பும்போது கவரின் மீது ‛‛APPLICATION FOR THE POST OF Multi Tasking Staff'' என எழுதி The Director, National Institute Of Technical Teachers Training and Research, Tharamani, Chennai - 600 113 என்ற முகவரிக்கு அனுப்பி வைக்க வேண்டும்.

பணி தொடர்பான அதிகாரப்பூர்வ அறிவிப்பை காண Click Here

பணிக்கு ஆன்லைனில் விண்ணப்பம் செய்ய Click Here

English summary

National Institute of Technical Teacher Training and Research, Chennai has released a notification to fill the vacant posts. 10th class passers can apply for a job with minimum salary of Rs.18,000 to maximum of Rs.56,900 per month.